ليش ندرس مواد (دين)

[وحدة من الناس]

فعلا ندرس الدين عشان نطبقه, لأن العقبى للملتزمين بدينهم, كنت أيام الدراسة مهتمة بتفاصيل الدين والأخلاق في تعاملاتي بالكامل, والحمد لله ما عمري عانيت من أي ظلم برغم إني كنت أدرس في كلية اساتذتها من أقل الناس تدينا وأخلاق, يعني الخلق والدين ضايعين, لكني كنت موكلة الله في كل شي ولا عمره خذلني, لدرجة في مادة كنت مريضة ولا درستها وجبت في الإختبار 7 من 30 برغم إن الأسئلة حسب كلام البنات كانت سهلة, لكن لأني موكلة الله أستاذة المادة عادة الإختبار بدون ما أطلب منها وجبت 30 وكان مجموعي النهائي 100 ولله الحمد
هي وحدة مادة أشك إني انظلمت فيها كانت إحصاء وكنت أشرح للطالبات قبل الإختبار وأفهمهم لأنها كانت بالنسبة ليا سهلة جدا, وجاوبت في الإختبار أفضل إجابة واتوقعت احصل على الفل مارك, لكن انا شاكة في الحاسبة حقتي لأني كل مرة أجري نفس العملية وتطلع معايا نتيجة مختلفة وكانت نتيجتي مقبول بس اهم شي ما رسبت

إنت وكل الله وانت تشوف اعاجيب قدرته, ياما دكاترة دعينا عليهم ويرجعولنا بعد الإجازة بعاهة, اللي اتكسرت رجولها واللي يموت جنينها واللي تتأخر ترقيتها واللي تدخل القاعة بدموعها, خلوكم فاكرين الله قادر على الظالمين, ولا تنسو تتوكلو عليه , في دكتور في الجامعة دعو عليه طلاب وطالبات بالآلاف, النتيجة لوكيميا + إقالة من جهات عليا= منتهى الإهانة له+ منتهى العدل الإلهي لنا برغم إنه كان منصب عالي جدا ولاأحد يقدر يأمره غير الملك مباشرة

أحنا لازم نتيقن إن الحول والقوة بيد الله مو بيدنا ولا بإجتهادنا ولا بدراستنا ولا بنتيجتنا ودرجاتنا العاليا
اللهم إني أبرأ إليك من حولي وقوتي إلى حولك وقوتك
خليك مع الله وتيقن ان النصر لك, لا تشك في الله بمقدار ذرة, والله بيحصل معاك ممكن يكون بلاء واختبار للطرفين إنت وهم