ماهو شعور الفتاة عندما يراها الخاطب ثم يقول انها لا .........

[طالبة محاسبة]

اكيد البنت بتتاثر
وهذا من حقه وحلو انه يقول ماعجبتني او مافيها المواصفات اللي ابيها ولا انه يحرج نفسه ويحرجها ويوافق
وكل شي قسمه ونصيب

[ساكنه في بيتنا]

لا انا اللي بجد يقهرني في امهات تقولك ابغا اجي اشوف البنت و تجي هيا و اختها اللي هيا خاله عريس الغفله و كم وحده كبيره .. و النظرات الله لا يوري مسلمه من فوق لتحت الشعر و الرجل و اليد و الفم و الخشم و اللونو و الطول و الوزن ..

يعني بالله اللي قالتلها بيت فلان عندهم بنت للزواج ما قلت المواصفات اذا كانت تناسبك ولا لا ؟؟؟

--

شي طبيعي راح اتأثر بالذات لو عجبني و دخل مزاجي .. بس راح استعيد ثقتي ان شاء الله لانو اكيد ما ليا خير معاه ..

[شموخ السندباد]

طيب لو قلبنا الموضوع


وقلنا


لو الشاب شاف بنت وعجبته


والبنت رفضت


وش راح يكون الموقف


اكيد الشباب نظرتهم حتكون غير

والبنت راح تتاثر اكثر
بحكم انها عاطفيه اكثر


والا وش رايكم يا جماعه

[سوار العسل]

المشاركة الأصلية كتبت بواسطة ساكنه في بيتنا لا انا اللي بجد يقهرني في امهات تقولك ابغا اجي اشوف البنت و تجي هيا و اختها اللي هيا خاله عريس الغفله و كم وحده كبيره .. و النظرات الله لا يوري مسلمه من فوق لتحت الشعر و الرجل و اليد و الفم و الخشم و اللونو و الطول و الوزن ..

لا و زيادة على ذلك قومي امشي قدامي و العريس بصراحة اللي ترضى لنفسها هذا الشيء ما أدري اش أقول !

[masha3er]

كـلام سوار مضبوط ..

اللي ترضى على نفسها انو احد يتصرف معاها بدي الطريقة غلـطاانه ..

ترى أدمية مو بضاعة , واذا ماعجبتيه في غيره مأعتقد انه أخر واحد ..

(:

[بلسم]

الزواج قسمة ونصيب وانا صار لي الموقف ده بصراحه مازعلت ولاشئ لانى دائما أدعي بالدعاء ((اللهم أن اسألك ايماننا يباشر قلبي ويقينا صادقا حتى أعلم ان مااصابني لم يكن ليخطائني وأن ماأخطائني لم يكن ليصيبني وأن مااصابني الا ماكتبت لي)) ربي كاتب لكل واحد وحده نصيبهم فين

[إلهام]

لا تعليــــــــــــــــــــتق
اللي أقدر أقوله (الله لا يجعل هالموقف يمر علي)

[noo0oona]

تخيلو طيب ان صديقتي جاها عريس اوك شافتها الام وعجبتها وشافها الولد وكل شي تمام باقي بس يتفقو ع يوم الملكه
عزموهم ع زواج وحضرو ومن بعدها ماعاد اتصلو ولاشي تخيلو
هذي اللي من جد نفسيتها تنهار والله مسكينه رغم انها ماقالتلي انها زعلانه بس احنا بنات وعارفين شعور بعض

[talia]

مفهومة إذا الولد جا شاف البنت وذهب ولم يعد ولاعاد ردوا يعني <<ماعجبته
وعموما الزواج قسمة ونصيب سبحان الله أحيانا البنت ماتكون وااااو بس الولد يشوفها ويرتحلها من أول نظرة
والعكس صحيح ..

[همســـــات]

انا من رايي شايفه انو البنت راح تتاثر اكيد...

لان البنت ماترضى احد يشوفها غير محارمها غير زوجها فهي حتكون على اعصابها وتقول الله يجعله من نصيبي

فصعبه جدا لمن يقول ماهي مناسبه؟؟؟

اولا راح تحس انها بضاعه مثل ماقالوا للبنات ينعرض للجاي والرايح..

ثانيا صعبه كانثى ان تنرفض من اي احد خاصه اذا صار الشوفه الشرعيه

ثالثا من المنطق الواحد يختار شريك حياته امكن الام مو مذوقه ولا تدري بمواصفات الولد فمن حقه يشوف ويختارها

رابعا ودايما البنت اللي تاكل هوا بيوم الشوفه لان البنت مايهمها شكل الولد قد مايهمها قلبه واخلاقه ...

والزواج قسمه ونصيب والله يسعد كل سعيد بسعيده