:تـزعلـين

[غريب الديار]

القصيده :تزعلين وتقعدين /للشاعر الكبير حامد زيـد
نقلتها لكم أحبتي عسى ان تنال رضاكم

عافت الشمس المدينة وأعلنت وقت الزوال

رغبةٍ للنوم منها مع عيون الناعسين

أبعدت من يوم شافت بالسما ضيّ الهلال

كنّها كانت تهزّا بالهلال وتستهين

كفكفت صبح التلاقي من ورا روس الجبال

واستخارتني وراحت وابعدت عن كل عين

وانتي أخطيتي خطاها وانعزلتي بالوصال

ولا رحلتي من سكات ولا وعدتيني تجين

عشت عمري بالمحبة في سبيل الاحتمال

وانتي تعيشين عمرك تفرحين وتجرحين

من غرورك في جمالك ما عطيتيني مجال

وأدري إنك تفهميني لو بغيتي تفهمين

كيف أشوف الشمس تشرق بالسما وانت ظلال ؟

ومن يعيش بوسط غارٍ للذياب الجايعين ؟

كنت أحسب الكره زايل والجفا لو طال زال

ولا بديتي بالغرام ولا بقى فيني حنين

أشهد إني ما خطيت ولا نويت الانعزال

وما خدعتك في غرامي لين شفتك تخدعين

اصدقي بالوعد مرة لي ولو فيها سؤال

من عرفتك ما أذكر إنك توعدين وتصدقين

كنت أشوفك من عيونك تأمرين أقوى الرجال

والله إني قبل أعرفك ما هقيتك تخضعين

كنت أشوفك تبعدين وقلت من باب الدلال

وإن بعدتي عن عيوني قلت باكر ترجعين

كنتي أكثر في عيوني من عدد وبل الخيال

وين أنا ما الد وجهي كنت أشوفك تضحكين

وإن بغيت أصد عنك من يمين ومن شمال

ما قوت عيني تلفّت لا شمال ولا يمين

عاشقٍ والعشق بلوى وأشهد إن الحال حال

ولا تركتي رحمة الله ولا عرفتي ترحمين

وأدري إنك في غرامي للأسف نلتي منال

افترقنا في دقايق والسبب لعنة لعين

حبك أشبه في غرامي بالوصال الانفصال

ويلعب الخفاق لعبة كبرياء الخاضعين

بالهوى ماهي غريبة نكبة عيال الحلال

ولاني أول من يصون ولا انتي آخر من يهين

الصداقة في عيون الناس منفى للعدال

وكان ردّت للصراحة كلبونا مذنبين

المحبة شبه زالت والصداقة لاتزال

بس أببقى في عيونك ( حامد ) اللي تعرفين

علّميها يا قصيدة واضربي فيني مثال

عرفيها بالبداوة في طباع الأولين

علّميها كيف نصنع صبرنا والاحتمال

علّميها كيف نفلح بالعمل دنيا ودين

علّميها في سوالف حلّنا والارتحال

علّميها كيف نظهر جورنا للجايرين

علّميها يا دقايق ، علّميها يا ليال

علّميها يا عصور وعلّميها يا سنين

إن عشقنا ما بغينا غير عشقٍ بالحلال

وإن نوينا ما لفينا كود ناس طيبين

كاملينٍ في عطانا بس لله الكمال

والرجل فينا غرامه لو يعين ويستعين

ابدويٍ ما يقوده للردّى شد الحبال

يعسف اليدّ الشحيحة للعطا حتى تلين

همنا فعل الرجولة رمزنا لبس العقال

وانتي المكياج كله صار في وجهك سجين

عندك المكياج موضة تحسبين إنه جمال

صار همك في حياتك تكشخين وتطلعين

والا أنا قلبي بقى لي بالمحبة راس مال

والله اللي مبتليني بالهوى والله يعين

إن بغيت أعشق أبالقى كثر حبّات الرمال

لكن انتي لو بغيتي صعب مثلي تعشقين

قلت لك كل الصراحة وأختم أطراف الجدال

وإن زعلتي من كلامي تزعلين وتقعدين

تحياتي لكم
الغريب

[سنفورة موت]

ياشيخ ماقول الا الله يجبر بخاطرك زي ماحطيتها والله مرة أحب اشعاره الله يسعدك ياخوي ....

[د.كيــف]

إن عشقنا ما بغينا غير عشقٍ بالحلال

وإن نوينا ما لفينا كود ناس طيبين

بيت قمـه . بصرآحه



~



إن بغيت أعشق أبالقى كثر حبّات الرمال

لكن انتي لو بغيتي صعب مثلي تعشقين

تعجبني قصـآئد الشـآعر حـآمد زيد

له طـآبع خـآص

يبدأ بالغزل . ويختم بـ

شموخ وكبريـآء وأنفة الرجل الشرقي

تسلم اخوي غريب على هالطرح .

لا عدمنــآكـ

[AmoOorh]

قلم الشاعر حامد زيد يكتب من عمق التجارب في الحياة وحينما نقراءها نجد بعضها من تجاااربنا في رحلة الحياه وتروق لي جداً يعطيك العافيه أخوي الغريب على مثل هذا الطرح المميز دمت بود

[My Destiny]

فديت اشعاااااااااااااار حامد أناااا <<يابنت استحي

من جد شكرااا اخوي على النقل

[غريب الديار]

اشكركم جميعاً مروركم عطر متصفحي دمتو بود

الغريب

[رغد محمد]

أهلاً بالغايب ...

عسى الصداع راح من راسك >>هو إنتِ فاكرة للحين ..؟؟

عودة حميدة أخوي ...

بصراحة ...

أبيات قمة في الروعة ......؟؟؟؟

عاد إلا "حـــــــامد زيد "..

أشعاره ... أحاسيسه لايُعلى عليها ...

المحبة شبه زالت والصداقة لاتزال

بس أببقى في عيونك ( حامد ) اللي تعرفين

؟؟؟؟؟؟؟؟؟؟ >> لاتعليق ...

بصراحة وبكل أمانة ...

ماعندي كلام ممكن اقوله عن أحاسيسه أو حتى أشِعِاره ...

لأن شهادرتي فيه مجروحه 100%...

أبدعت في الإختيار أخوي غريب ...


تقبل مروري ...

رغد محمد...

[راما666]

إن بغيت أعشق أبالقى كثر حبّات الرمال

لكن انتي لو بغيتي صعب مثلي تعشقين

قلت لك كل الصراحة وأختم أطراف الجدال

وإن زعلتي من كلامي تزعلين وتقعدين

نااااااايس
يسلموووووووووو

[غريب الديار]

المشاركة الأصلية كتبت بواسطة رغد محمد أهلاً بالغايب ... عسى الصداع راح من راسك >>هو إنتِ فاكرة للحين ..؟؟ عودة حميدة أخوي ... بصراحة ... أبيات قمة في الروعة ......؟؟؟؟ عاد إلا "حـــــــامد زيد ".. أشعاره ... أحاسيسه لايُعلى عليها ... المحبة شبه زالت والصداقة لاتزال بس أببقى في عيونك ( حامد ) اللي تعرفين ؟؟؟؟؟؟؟؟؟؟ >> لاتعليق ... بصراحة وبكل أمانة ... ماعندي كلام ممكن اقوله عن أحاسيسه أو حتى أشِعِاره ... لأن شهادرتي فيه مجروحه 100%... أبدعت في الإختيار أخوي غريب ... تقبل مروري ... رغد محمد...

أخت: رغــــــد الله يسلمكـ وكل عام وانت بخير وكل عام وانتي كما تحبين صاحبة القلب الأبيض أم الجميع رغد ام في سن الشباب لاتزعلي اني كبرتكـ الله يحفظكـ لنا
حمدلله راح الصداع والله يعين على صداع الأختبارات
مروركـ عطر متصفحي
دمتي بود

[غريب الديار]

المشاركة الأصلية كتبت بواسطة راما666 إن بغيت أعشق أبالقى كثر حبّات الرمال لكن انتي لو بغيتي صعب مثلي تعشقين قلت لك كل الصراحة وأختم أطراف الجدال وإن زعلتي من كلامي تزعلين وتقعدين نااااااايس يسلموووووووووو

مروركـ هو الأجمل
دمتي بود