احبه ولايحبني

[desperate girl]

صبااااح الورد خطرلي هادا السوال دحين ماأعرف إزا مكانه هنا بهالقسم ولاماله مكان ومااعرف إزا انسال قبل كده المهم سوالي هو لو كان في شخصين شخص تحبيه ويحبك بس موداك الحب حب بحدود يعني وشخص يحبك ومستعد يضحي بكل شي عشانك ومستحيل ينزلك دمعه مين بتختارو؟

[~ إيقـــ المطـر ـــــاع ~]

,’

آهلين يسعد مسآآكـ ^^

فيه مقاييس ثانيه أكيد رح ترجح الكفه لواحد فيهم :)

الله يوفقك ويختارلك مافيه الخير ~

,’

[ستأتي أيامي]

مدري ,,
في مقاييس أكيد زي ماقالت إياقعوشا ..

بس لو الموضوع محيرك بجد
جيبي ورقة وأكتبي إيجابيات الاثنين وسلبياتهم وانتي أحكمي ..

بالتوفيق ياعسل

[رنيم الشوق]

اختاري اللي يحبك ولاتختاري اللي تحبيه دام العلاقه متارجحه بينكم
واهم شي يكون حب في رضا الله وخذي بالك

[darooona]

اكيد الشخص الي بحيني وبضحي على شاني

[نسايم الورد]

المشاركة الأصلية كتبت بواسطة رنيم الشوق اختاري اللي يحبك ولاتختاري اللي تحبيه دام العلاقه متارجحه بينكم واهم شي يكون حب في رضا الله وخذي بالك

وانا من رأي اختي رنيم الشوق

[My Destiny]

اصعب شي انو الانسان يخير بين الامرين

استخيري بعدين استشيري عقلك مش قلبك

انا انحطيت في نفس الموقف بس يختلف شوي

اممممممممممممم

مثلا تقدم لي ثلاثه
الاول ولد خالتي وما اعرف عنه ولاشي الا اني محجره له لما كنت صغيره
والثاني ولد عم ابوي وماشاءالله ملتزم
والثالث مش قريبي بس فيه كل موصفات الزوج المثالي والكل يحبه

استخرت وجيت اقول رأي لقيت أمي في وجهي وتقول لو ما وأفقتي على ولد خالتك مانتي بنتي ولا أعرفك
وأنسي اني ارضى عنك

بكيت وبكيت ليه يسيروني ومايخيروني

في النهاااااايه تعبت امي ووديتهااا للمستشفى
وقال الدكتور انو الضغط مرتفع ولازم ترتاح
جيت عند رجولها وقلت سامحيني رفعت الضغط عندك خلاص ما ابغى الخطيب الثالث ابغى رضاكي
انا موافقه على ولد اختك

لي ست سنوات من هاااااادي الحادثه وعمري ما شفته علمااا بان ملكتي قريبه
وانا احس بغصه في قلبي

بس إن شاء الله مثل ما أرضيت امي ووأفقت عليه وأنا ما أبغاه ربي يرضيني فيه

طولت عليك بس حبيت اعرض مشكلتي علشان تشوفي انو انتي بيدك تختاري

يعني مخيره مش مسيره

بالتوفيق بالختيارك

[ايمي الحلوه]

احبكم وتحبوني

[ساكنه في بيتنا]

بلا حب بلا وجع قلب

طبعا اللي يحبني حأختاره << دا العقل يقول كدا
طبعا اللي أحبه هو اللي حأختاره << دا القلب يقول كدا


استخيري ربنا مره و اتنين و عشره و اللي فيه الخير ربنا حيكتبلك هو ان شاء الله ..

ادعي ربنا اذا ماكان ليكي خير في واحد منهم يرضيكي بالشي دا و يريح بالك ..

[المستغفره ربها]

انصح بالاستخاره في الامور كلها طبعا
وتأكدي من مشاعرك تجاه الشخص اللي يحبك