الماستر عن بعد ؟؟؟؟؟؟

[فندام]

اول شي بدي ارد على الأخت معلمة طموحة بالنسبة لسؤلك الاول للأسف مافي ماستر فيزياء (خاص) وبالنسبة للسؤال الثاني شوفي الاختبارات الي بيقدمها المركز الوطني للقياس والتقويم الي باللغة الانجليزيه هيا اختبارين مالهم ثالث
اول اختبار هو اختبار القدرات العامة باللغة الانجليزية وهو زي اختبار القدرات العامة الي باللغة العربيه واصلا هدا الاختبار خاص على ماعتقد بالمتخرجين حديثا من الثانوية العامة الي يطمحو لدخول الجامعة مو لطلاب الدراسات العليا
الاختبار الثاني هو اختبار الكفايات( step) وهدا الاختبار الزامي للطلاب الي بدهم يقدمو على الماجستير الخاص زيو زي اختبار القدرات العامة للجامعيين فارجعي لموقع قياس وشوفي بالضبط انت سجلتي بأي اختبار وحيبان معاكي ولو حصل خطأ أعتقد اتنو يمكن يتعدل بس الحقي على نفسك قبل فوات الأوان
اما بالنسبة لسؤالك ياأخت مشمشة وبما انه نخصصك لغة انجليزية فأعتقد انو البرنامج الي يناسبك هو برنامج ماجستير الترجمة المهنية وانا عرفت معلومة مهمة وهي انو الي تخصصه لغة انجليزية يكون معفى من دخول اختبار ستيب تبع اللغة الانجليزية بس لازم تتأكدي من هذي المعلومة بانك تكلمي الاخوان بعمادة الدراسات العليا او تطرحي الموضوع بالمنت\ى عشان يفيدوكي الاخوان الي عندهم الخبر الاكيد بالنسبة لحكاية الاعفاء من الاختبار وبالنسبة لموعد دراسة ماجستير الترجمة المهنية هل هو احد واثنين او اربعاء وخميس وجمعة حقيقة انا حاولت اعرف الموعد بالضبط بس ماقدرت دخلت موقع العمادة ودخلت موقع كلية الاداب وللأسف مهم موضحين الموعد بالضبط عموما هدي مو مشكلة كبيرة لو كلمتي احد من المسؤولين بالكلية او العماده حيعطيكي الخبر اليقين
اما بالنسبة لموضوع انو شهادة الجامعة العربية المفتوحة مو معترف بيها فهدا كان في السابق لكن الان اخدو الاعتماد خلاص وهذي المعلومة اكيدة انا عرفتها من احد زملائي بالعمل هو زارهم لانو عندو نيه يكمل دراسته ومن ضمن الأخبار الي جابها انو شاهدتهم صارت معتمدة خلاص ومعترف بيها وعموما انت ادخلي موقعهم بالنت واتوقع انك حتلاقي كل التفاصيل الي تبيها وبالتوفيق للحميع

[معلمة طموحة]

يخليك ربي يا أخ فندام والله انك عسل لانك رديت علي على العموم انا تأكدت اني سجلت steep
بس ممكن اعرف هل هو ضروري اسجل قدرات فيزيا لتسجيل الماستر ولا مو مطلوب لانو للاسف تقديري 72.2% وحسب خبرتك تتوقع في امل انقبل ولا مااتعب نفسي؟ والله انا ممتازة بس ظروف دراستي كانت صعبة جدا