متحجبات ولم نسلم حتى عند إشارة المرور..؟؟ ياللأسى

[THE EXPERT]

المشاركة الأصلية كتبت بواسطة جوزائيه الحمدلله لم اتعرض لمثل هذه المواقف يمكن لاني مغطية عيوني ^_^ او يمكن لاني مالاحظت او انتبهت لمثل هذا وانا اشوف الحل لمثل هذه النظرات التطنيش والتجاهل..

يا سلااااااااااااااااااااااااام عــــلـــي هـــــذا الــــــــرد
أقـف أحتراما لكل حرف كتب في هذا الرد ... وأكيد ماراح تلاحظين هذي الأمور ... تدرين ليــه ؟؟.... لأنك منتي شغاله تتلفتين يمين يسار وكانك رادار مراقبه جويه ... أساسا ماراح يتجرأ أي سربوت وغزلنجي ويطالع فيك لأنك وبكل اختصار محترمه نفسك ومتغطيه صح وبالتالي سيستحي كل شخص يقف بجانب سيارتكم .. بل من المكن أن يدعي لنفسه ويقول ( يارب أرزقني زوجه محتشمه مثل اللي في السياره اللي جنبنا ) ....أسأل الله أن يكثر من أمثالكـ


أحب أشكر الأخت الفاضله صاحبة الموضوع على هذا الطرح الجميل الذي تبحث من ورائه لحلول لهذه المشكله .. وجت الردود عجيبه من بعض الأخوات ... كل وحده تقول تحرشوا فيني .. يعني حسوا ان فيه ناس تطاردني <= شر البلية مايظحك



طبعا جميعنا نتفق ان النظر للجنس الاخر عند الأشارات وغيرها محرم في الأسلام ... وقلة أدب وعيب في عرف مجتمعنا ...


لا يمنع مثل هذه التصرفات إلا شيء واحد فقط وهو الوازع الديني <== من وجهة نظري الخاصه




طيب شوفو هذي الصوره وخلونا نفكر فيها ونضع فرضيات لهاا ...











طبعا البنت راح تقول / اووووووووف على الشباب اللي يضايقونا في كل مكان حتى في سيارتنا وأحنا متحشمات يضايقوناااا < == يعني أنا ماودي ( مع ان الصوره تتكلم )


الولد / والله البنات يخقوووون معي أذا وقفت عند الأشاره بس يطالعون فيني ومايدرون أني محجوز ولا يمكن اني أعطيهم وجه <== يعني انا ماودي ( مع ان الصوره تتكلم )


طيب والحل

1 - نفرض لو ان البنت اللي في الصوره متغطيه بالكامل ولا تطلع عيونها ؟ ولا جلست تطالع للسيارات اللي جنبها ؟ وخافت الله وتذكرت أنه فيه عقاب يوم القيامه .. وتخيلوا لو ان الشاب ملتحي ويخاف الله ويعلم ان هنالك عقاب يوم القيامه ؟.. ( فمن المؤكد ان النتيجه ستكون كل شخص فيهم راح يطالع لقدام وممكن يشغلون هذا الوقت بالتسبيح)

2 -نفرض لو ان البنت اللي في الصوره كماهي عيونها طالعه وجالسه تتلفت يمين يسار ... واللي في السياره الأخرى شاب ملتحي ومشغل القران وجالس يسبح ..(فمن المؤكد انها راح تستحي على وجهها وراح تبطل قززز وراح تشغل نفسها بأي شيء ااااخر غير انها تناظر للخلق )

3- نفرض لو ان البنت اللي في الصوره متغطيه صح ولا تظهر عيونها ومتحشمه ولا تناظر للناس ... وجاء جنبها سربووووت وغزلنجي ... (فمن المؤكد أنه راح يستحي على وجهه وراح يبطل انه يناظر للبنت هذي لانه من المؤكد بيطالع لسياره أخرى فيها وحده جالسه تتلفت وعيونها طالعه والا وجهها كاشف )

4- لو ان البنت عيونها طالعه وجالسه تتلفت يمين يسار وكأنها مضيعه شيء ..مثل البنت اللي في الصوره .. وجاء جنبها سربوت وغزلنجي وعنده فراغ عاطفي يوظف كل شباب السعوديه .. مثل الولد اللي في الصوره ... (فمن المؤكد ان النتيجه راح تكون تبادل نظرات وممكن يتطور الوضع الى ماهو اسوأ على حسب مدة الأشاره وزحمة الشارع ودلاخة السواق اللي راكبه معه البنت )

لو نلاحظ من الأربع الفرضيات السابقه أنه في حاله واحده فقط وقع المحظور وهو عندما توافقت الرغبات وأبتعد الشخصين عن الوازع الديني .. وغير ذلك لن يقع المحظور

أرجع وأقول ان المانع الوحيد في هذا الأمر هو ( الوازع الديني )...

في الختام
اللهم اهد شباب وبنات المسلمين لما تحبه و ترضاه
اللهم اعزهم بالاسلام و اعز الاسلام بهم

[رنيم سليمان]

نسيت أن أطرح الحل بالنسبة لي


" وكأنني لم أراه "



= )

[جمانة الفيصل]

المشاركة الأصلية كتبت بواسطة the expert .. وجت الردود عجيبه من بعض الأخوات ... كل وحده تقول تحرشوا فيني .. يعني حسوا ان فيه ناس تطاردني <= شر البلية مايظحك

كلامك سليم وعين العقل ..!

وانا اللي قصدته نوع من الشباب الله يصلحهم ..ماينفع معاه التطنيش واالمشكلة انك تطالعين ف الارض ولا طالعتي فيه ويجلس يأشر ويتكلم .. وانتي بتقابك وبغطوتك بالله ايش تسوي معاه ؟؟
هو ماخذ المسألة عناد تطنيشينه يتمادى لدرجة يلحقك للبيت .. بالله لو وصلت البيت وهو جالس يلحقني ايش بيقولو الجيران ؟؟
ايش الحل مع ذي الاشكال..؟
دام لاتطنيش نفع معاهم ولا غطاك فكك منهم ..!
ايش الحل ؟؟!

[بحر الحرية]

السلام عليكم جميعا..
لي تعليق بسيط على بعض الآراء:

لا أحد في الكون يستحق الإيذاء ما لم يرض به، والرضا لا يحدده لبس ولا رائحة ولا شكل خارجي!!

ومن الجور والظلم القول بأن فلانة لأنها كشفت وجهها فهي (تستاهل ما يجيها)، ولا لأن الأخرى تعطرت فهي تستحق الإيذاء!!

ومن القبيح أيضا؛ رمي الآخرين بالاتهامات!!
فليس بصحيح أن آتي وأقول:
الفتاة التي تكشف وجهها ليست عفيفة!!
والفتاة التي تلبس المخصر ليست عفيفة!!
والفتاة التي تعطرت وخرجت للسوق ليست عفيفة!!

القبيح هو أن أحكم على الآخرين من شكلهم الخارجي وأرمي بالاتهامات عليهم وكأني ممن قال الله فيهم: "لايعصون الله ما أمرهم ويفعلون ما يؤمرون"!!

وأي إنسان يرمي على الآخرين بالاتهامات احتكاما إلى شكلهم الخارجي، فما ذلك إلا دلالة على حكمه على نفسه بالجهل والسخف والحمق وقلة العقل!!

شكراا للجميع؛؛

[صوت الفجر]

المشاركة الأصلية كتبت بواسطة بحر الحرية السلام عليكم جميعا.. لي تعليق بسيط على بعض الآراء: لا أحد في الكون يستحق الإيذاء ما لم يرض به، والرضا لا يحدده لبس ولا رائحة ولا شكل خارجي!! ومن الجور والظلم القول بأن فلانة لأنها كشفت وجهها فهي (تستاهل ما يجيها)، ولا لأن الأخرى تعطرت فهي تستحق الإيذاء!! ومن القبيح أيضا؛ رمي الآخرين بالاتهامات!! فليس بصحيح أن آتي وأقول: الفتاة التي تكشف وجهها ليست عفيفة!! ( ؟؟)والفتاة التي تلبس المخصر ليست عفيفة!!() والفتاة التي تعطرت وخرجت للسوق ليست عفيفة!! اجل من اللي مو عفيفه واللي ماتلبس عبايه كمان حتقول عفيفه ؟؟الله يصلح افكارك.. القبيح هو أن أحكم على الآخرين من شكلهم الخارجي وأرمي بالاتهامات عليهم وكأني ممن قال الله فيهم: "لايعصون الله ما أمرهم ويفعلون ما يؤمرون"!! وأي إنسان يرمي على الآخرين بالاتهامات احتكاما إلى شكلهم الخارجي، فما ذلك إلا دلالة على حكمه على نفسه بالجهل والسخف والحمق وقلة العقل!! واللي يقول هالكلام اللي فوق سطرته وش نسميه؟؟ شكراا للجميع؛؛

الله يهديك...