العقاب الياباني

[سحر الوجدان]

اريي جاتو غوزايمس
على الموضوع
صارحة جيت على الجرح اذكر مرة انضربت بالقدر على راسي
وليومى ذا في القدر شاهد وخذيت عقدة من الطبخ بسبة هالقدر
ما اححب ادبخ بس اكل
هههههههههه
لا تضحكوعلية ولا بالقدر

حلوة تربيتهم حتى حياتهم اليومية بتعاملاتها قمة في الروعة والاخلاق


تحيااااااتي^_^

[me 4 islam]

المشاركة الأصلية كتبت بواسطة عباطة أما انتي جيتي على الجرح ... وينا ووين اليابانيين موضوع جميل نفسي اوريكم راسي كيف مفقش بس مالكم في الطيب نصيب خخخخخخخخخخ يسلمو مي فور اسلام

والله الشعب الياباني فضيع في كل حاجة ان شاء الله نسير زيهم ونترك الكسل شويه
ونتحرك ونفكر وننتج

اما راسك مفقش بيض ع غفله ههههههههه ودخيلك لا تورينا

الله يسلمك ويسمنك مسيو عباطة

المشاركة الأصلية كتبت بواسطة سحر الوجدان اريي جاتو غوزايمس على الموضوع صارحة جيت على الجرح اذكر مرة انضربت بالقدر على راسي وليومى ذا في القدر شاهد وخذيت عقدة من الطبخ بسبة هالقدر ما اححب ادبخ بس اكل هههههههههه لا تضحكوعلية ولا بالقدر حلوة تربيتهم حتى حياتهم اليومية تبتعاملاتها قمة في الروعة والاخلاق تحيااااااتي^_^

وي وي مرة وحدة قدر ههههههه
وتعيشي وتاكلي غيرها وتأكلي احفادك منها كمان


والشعب الياباني شعب له حضارته وعاداته وتقاليده وما ننسى انه شعب إلكتروني



اريي جاتو غوزايمس
على الموضوع

>> ايش هذي اللغة لا تكوني تلعبي تكواندو

دوغاى ع مرورك :)

[dre]

أعجبني ردها فحتى عقاب الأبناء عندهم فيه تعلم واستفادة بينما نحن نعاقب بالضرب والسب والشتم والحرمان من ملذات الحياة

صحيح دا الكلام

فهل نستطيع تغيير عادتنا هذه في العقاب

ما اعتقد وخصوصا في عالمنا العربي

عجبتني طريقة تربية اليابانيين.. نحنا اول ما يجي في بالنا "عقاب الطفل" يكون بالضرب او الخصام او نقله كلام يقلل من قيمة عقله بس شوفوا كيف يعاقبوا اطفالهم وتذكرت سوبر ناني وطريقة عقابها للأطفال

من جد حتى انا افتكرت سوبر ناني هههههههههه
مرات اشوف حلقات واقول مستحييييل حتعرف تتعامل
مع الولد دا , ومدري كيف تزبط الامور

دحين كيف كانوا اهلكم يعاقبوكم

هههههههههههههههههههههههه
شوفي بصراحه ماحد ما قيد انضرب في حياتو
لكن اكتر شي كنت انقهر منو لما كنت
انحرم من الخروج وخصوصا لو كان يوم ربوع
- بس انا ما كنت انحرم لما لما اسوي شي يستاهل
اني انحرم عشانو


* يعطيكي الف عافيه على الموضوع الجميل
ولا تحرمينا من جديدك ... سلام

[stan]

معلومه عالطاير

المدارس في اليابان بدون عمال نظافه

الطلاب من الواجبات إلي عليهم إنهم ينظفوا مدرستهم بنفسهم

زي مو من واجبات طلابنا إنهم يوسخوا مدارسهم و يشخمطوا على جدرانها و يرموا كتبها في سلة المهملات

فعلاً تربية و تعليم

مو زي بعض الناس لا معارف فلحوا فيها و لا حتى تربية و تعليم فلحوا فيها

المدرس ماسك العصايا الفسفوريه في يده و ينفخ و يهدد الطلاب

و البزوره ركبهم تصك في بعض من الرعبه كأنه دراكولا قدامهم مو مدرس و مربي أجيال

المفروض يراعي نفسية الأطفال مو يحطمهم

لو المدرس عندنا غاب عن الحصه ياهوووووووووووووو اليوم يقلب عيد و أفراح

"الله وكيلك"<<تأثير جانبي للدراما السوريه لو الواحد سأله بعض المدرسين و لو كان عارف الجواب من الخوف يلخبط

ليش مو زي ما جابوا مدير سنغافوري لجامعة الملك عبدالله ما يجيبوا وزير تربية و تعليم ياباني لعل و عسى

معليش عالشطحات لكن قدر كبير من التربيه يقع على عاتق المدارس


ــــــــــــــــــــــــــــــــــــــــــــــ

و بالنسبه للفرش انا كنت عاقل و أنا صغير "إسم الله حولي"

يعني حالات نادره

مره افتكر أمي ضربتني و انا صغير بس ظلماً و عدواناً

شوفوا يا جماعة الخير كنت زعلان مع أمي و بعدين رحت كملت المناقره مع ولد أختي

كلمه مني كلمه منه سبيته و سبني المهم انا كنت واقف و امي و هوا هوا واقف ورا امي

رجع غلط عليا أبت كرامتي إلا و أرد عليه

انا قلت الكلمه و امي تطل فيا و هوا واقف وراها

أمي حسبتني قاعد اكلمها

المهم افهم فيها انا ما كلمتك قاعد اكلم الواد ما في فايده لازم انفرش حاولت أنفذ بجلدي

و بعد مطاردات في ارجاء منزلنا العامر اكلت فرش مزبووووط

كل دا و ولد اختي يضحك الندل و يتشمت

[شــفــافـــة]

ههههههههههههههههه

ستان انا اشهد انك مظلوم << تعرفك طيوب ماتسويها

بس تدرون والله مااذكر اني قد انضربت من ماما او بابا

الي كان يضربني دايم ولد جيراننا الصغير
ولعلمكم كان اصغر مني بسنه


يالله قلبتوا علي المواجع

اتذكر مره ضربني وبسوي فيها اني انتقم رحت سرقت البغبغان حقه

وخبيته في دولابي وسمع بابا صوته وخاصمني وخلاني اعتذر منه

من جد قهررر


فور اسلام من جد موضوعك ع الجرح

[me 4 islam]

المشاركة الأصلية كتبت بواسطة dre صحيح دا الكلام ما اعتقد وخصوصا في عالمنا العربي من جد حتى انا افتكرت سوبر ناني هههههههههه مرات اشوف حلقات واقول مستحييييل حتعرف تتعامل مع الولد دا , ومدري كيف تزبط الامور هههههههههههههههههههههههه شوفي بصراحه ماحد ما قيد انضرب في حياتو لكن اكتر شي كنت انقهر منو لما كنت انحرم من الخروج وخصوصا لو كان يوم ربوع - بس انا ما كنت انحرم لما لما اسوي شي يستاهل اني انحرم عشانو * يعطيكي الف عافيه على الموضوع الجميل ولا تحرمينا من جديدك ... سلام

إن شاء الله في جيلنا الجديد إلي بيتزوج ويخلف يعدل مفاهيم التربية وتربوهم وتعاقبوهم ع كيفكم


أسلوب انو احرم الطفل من الي الحاجة اللي يحبها اعتقد أفيد طريقة ومفعولها سريع وشيفاها في أولاد أخواني



الله يعافيك dre

المشاركة الأصلية كتبت بواسطة stan معلومه عالطاير المدارس في اليابان بدون عمال نظافه الطلاب من الواجبات إلي عليهم إنهم ينظفوا مدرستهم بنفسهم زي مو من واجبات طلابنا إنهم يوسخوا مدارسهم و يشخمطوا على جدرانها و يرموا كتبها في سلة المهملات فعلاً تربية و تعليم مو زي بعض الناس لا معارف فلحوا فيها و لا حتى تربية و تعليم فلحوا فيها المدرس ماسك العصايا الفسفوريه في يده و ينفخ و يهدد الطلاب و البزوره ركبهم تصك في بعض من الرعبه كأنه دراكولا قدامهم مو مدرس و مربي أجيال المفروض يراعي نفسية الأطفال مو يحطمهم لو المدرس عندنا غاب عن الحصه ياهوووووووووووووو اليوم يقلب عيد و أفراح "الله وكيلك"<<تأثير جانبي للدراما السوريه لو الواحد سأله بعض المدرسين و لو كان عارف الجواب من الخوف يلخبط ليش مو زي ما جابوا مدير سنغافوري لجامعة الملك عبدالله ما يجيبوا وزير تربية و تعليم ياباني لعل و عسى معليش عالشطحات لكن قدر كبير من التربيه يقع على عاتق المدارس ــــــــــــــــــــــــــــــــــــــــــــــ و بالنسبه للفرش انا كنت عاقل و أنا صغير "إسم الله حولي" يعني حالات نادره مره افتكر أمي ضربتني و انا صغير بس ظلماً و عدواناً شوفوا يا جماعة الخير كنت زعلان مع أمي و بعدين رحت كملت المناقره مع ولد أختي كلمه مني كلمه منه سبيته و سبني المهم انا كنت واقف و امي و هوا هوا واقف ورا امي رجع غلط عليا أبت كرامتي إلا و أرد عليه انا قلت الكلمه و امي تطل فيا و هوا واقف وراها أمي حسبتني قاعد اكلمها المهم افهم فيها انا ما كلمتك قاعد اكلم الواد ما في فايده لازم انفرش حاولت أنفذ بجلدي و بعد مطاردات في ارجاء منزلنا العامر اكلت فرش مزبووووط كل دا و ولد اختي يضحك الندل و يتشمت

معلومتك أليمة بشكل ...تحكي واقع للآسف صحيح

وحكاية لا معارف فلحت ولا تربية وتعليم فلحت ايش نقول بس الله يعين مو قدموا التربية ع التعليم
ومو شايفين طرق تربية في التعليم سليمة أساسا بعض المعلمات والمعلمين باقيلهم تربية من أول وجديد عليهم ألفاظ يالطييييف

واللهي لما الآن أتذكر أستادة الرياضيات في 3 ثنوي مررة اكرهها تخوف وربي الله يسامحها كانت
فترة رعب ليا وما ارتحت نفسيا إلا لما نقلت

و شطحاتك

___

وي وي موقفك مع أمك حاجة تجيب المغص وسوء الفهم يجيب الصداع

المشاركة الأصلية كتبت بواسطة شــفــافـــة ههههههههههههههههه ستان انا اشهد انك مظلوم << تعرفك طيوب ماتسويها بس تدرون والله مااذكر اني قد انضربت من ماما او بابا الي كان يضربني دايم ولد جيراننا الصغير ولعلمكم كان اصغر مني بسنه يالله قلبتوا علي المواجع اتذكر مره ضربني وبسوي فيها اني انتقم رحت سرقت البغبغان حقه وخبيته في دولابي وسمع بابا صوته وخاصمني وخلاني اعتذر منه من جد قهررر فور اسلام من جد موضوعك ع الجرح

انتقامك فلم اكشن

اهم شي ما تتأزمي من موضوعي

[dre]

إن شاء الله في جيلنا الجديد إلي بيتزوج ويخلف يعدل مفاهيم التربية وتربوهم وتعاقبوهم ع كيفكم اعتقد أفيد طريقة ومفعولها

سريع وشيفاها في أولاد أخواني

دحين مو تقولي الجيل الجديد لازم يغير ههههههههههههههههههههه
أهو الجيل الجديد (اخوانك) برضو بيحرمو P:
بصراحه هيا لها مفعول خارق

افتكر لما كنت انحرم يوم الربوع
كنت مستحيل اعيد الغلط لو ايش lolz

[me 4 islam]

المشاركة الأصلية كتبت بواسطة dre دحين مو تقولي الجيل الجديد لازم يغير ههههههههههههههههههههه أهو الجيل الجديد (اخوانك) برضو بيحرمو P: بصراحه هيا لها مفعول خارق افتكر لما كنت انحرم يوم الربوع كنت مستحيل اعيد الغلط لو ايش lolz

هههههه

لأ اخواني مو من الجيل الجديد من الجيل المغبر:P و اولادهم من النيو جنريشن

آخر عقاب شفتو بـ أولادهم "بعيد الشر عننا " قبل العيد بيومين
اخويا الكبير ولده بالصيدلة حلقلو شعرو ع الزيرو


وعقاب الحرمان طريقه حلووا في التربية يعني مو اضربه واخاصمه
وحاجة حلوا لو جيلنا استخدمو مع اولادهم

[فتفوتة سكر]

همن اخدو روح الاسلام ونحنا اسمه بس
يارب لك الحمد على اعظم نعمه في الكون نعمة الاسلام ..

انا ماما كانت تعاقبني زمان تمنعني اطلع معهم
وازا انا واخواني اضاربنا تحطنا الاتنين في غرفه وحده وننجبر على بعض ونتصالح هههههههههههههههههههه
حلوه ايام زمان هههههههههههههههههههه

ميمي
كتير عجبني موضوعك
كالعاده مميزه في طرحك
سلمت يمناكِ

[me 4 islam]

المشاركة الأصلية كتبت بواسطة فتفوتة سكر همن اخدو روح الاسلام ونحنا اسمه بس يارب لك الحمد على اعظم نعمه في الكون نعمة الاسلام .. انا ماما كانت تعاقبني زمان تمنعني اطلع معهم وازا انا واخواني اضاربنا تحطنا الاتنين في غرفه وحده وننجبر على بعض ونتصالح هههههههههههههههههههه حلوه ايام زمان هههههههههههههههههههه ميمي كتير عجبني موضوعك كالعاده مميزه في طرحك سلمت يمناكِ

فعلا ..الحمدلله بس بعضنا مشوه صورة الاسلام

عقابك يقهر ايش تحبسني مع اللي تضاربت معاه وربي نقلب الغرفة حريقه

الله يسلمك قلبوو
نووووووووووورتي :)