أذا زوَّجتَهَا رجاءً خاص لاتعزمني ؟؟!!

[CrEaTiVe4ever]

المشكلة فزيادة المهور والتشرط الزايد << لما تناقشت مع البعض ..

تقولو لو ماكان مهري غالي وكل شيء ذاك الكلام كان اللي بيتزوجني مايحطلي قيمة ولا بال والطلاق عندو زي السلام عليكم على أي مشكلة الفاضي والمليان .. يعني لو فراسو يطلق يطلق ..

وانك سهلة ماكلفتيني شيء .. لكن لو حس بكلفة الزواج وقيمتو وانو دفع فيه كثيييير يكون حريص مو على أي مشكلة يطلقك ..

هاذي وجهة نظر نقلتها عن احداهن فقط لاغير ..

===

لكن أنا اللي أشوفو واقعياً .. ان البنت هيا اللي تحبب زوجها فيها وتخلي يحترمها ويقدرها، يعني اش دخل قيمة مهري في معاملتي معاه ..

والله أعلم وجهات نظر !

[الباسل3003]

المشاركة الأصلية كتبت بواسطة creative4ever المشكلة فزيادة المهور والتشرط الزايد << لما تناقشت مع البعض .. تقولو لو ماكان مهري غالي وكل شيء ذاك الكلام كان اللي بيتزوجني مايحطلي قيمة ولا بال والطلاق عندو زي السلام عليكم على أي مشكلة الفاضي والمليان .. يعني لو فراسو يطلق يطلق .. وانك سهلة ماكلفتيني شيء .. لكن لو حس بكلفة الزواج وقيمتو وانو دفع فيه كثيييير يكون حريص مو على أي مشكلة يطلقك .. هاذي وجهة نظر نقلتها عن احداهن فقط لاغير .. === لكن أنا اللي أشوفو واقعياً .. ان البنت هيا اللي تحبب زوجها فيها وتخلي يحترمها ويقدرها، يعني اش دخل قيمة مهري في معاملتي معاه .. والله أعلم وجهات نظر !

على كلام صاحبة الرأي الأول يعني الرجال بيقعد معاها عشان خاطر فلوسه مو عشانها , ولا وش استفادت؟ يعني من وجهة نظرها الخاطئة اذا بغت تحافظ على زوجها لازم تخلّيه مفلّس , على كذا أول مايشم ريحة النعمة و يصير في يده قرشين جابها لها الزوجة الثانية, و فعلاً زي ماقلتي أختي الزوجة هي اللي تعطي نفسها قيمة بالنسبة لزوجها وكذلك العكس , أحد معارفي بعد سنة من زواجه اسأله كيف الزواج؟ قال الصراحة اني مبسوط و الحمدلله اني تزوّجت و الثاني يكلّم ولد عمي يقولّه صدقني راح تندم على كل سنة أخرّت فيها الزواج , بينما في الجهة الأخرى فيه ناس بس تقول كيف الزواج؟ يقول نصيحة لا تتزوج.

فاللي خلى ناس تحب الحياة الزوجية و ناس تكرهها هو التوفيق و الزوجة الصالحة مو زيادة المهر.


كلمة أخيرة أخواني أخواتي , اكثروا من الدعاء ( اللهم ارزقني الزوج/ـة الصالح/ـة و الذرية الصالحة) في سجودكم , بعد الصلاة , بعد الصيام و كل وقت , فالزواج الصالح و الذرية الصالحة من أكبر النعم من رب العالمين.