استفساري عن التسجيل والرسوم لأني من بنات المدينة

[Merry Girl]

الـــســـلام عليكـــم ورحمة الله وبـــركاته

لو سمحتو أنا من المدينة ومتخرجة من الثانوية العام وحابة أدخل قانون وزي ماتعرفو ماعندنا هنا في المدينة فنصحوني بأني أسجل عندكم عن طريق التعليم عن بعد

بس أبغى أعرف أقدر أسجل الترم التاني وكيف طريقة التسجيل وكم رسوم الدفع للترم الواحد الله يسعدكم أبغى أعرف فأقرب وقت

وأبغى أعرف في إختصاص صحافة وإعلام طالبات

وكمان نفسي أعرف دا التعليم عن بعد كيف طريقتو واللي يوفقكم ردولي

أستنى ردكم وآآآسفة على إطالتي

[sealove]

التسجيل يكون في بدايه العام الدراسي فقط

تقريبا التسجيل القادم يمكن يكون في نهاية شهر 8

الترم الواحد 4000 ريال و 1000 اذا تبي تختبرين في المدينه و هذا في السنه الاوله فقط وبيكون الاختبار في معهد العالميه للحاسب

ام الا قسام اتوقع في تخصصات جديد في العام القادم

و هذي صفحه التعليم عن بعد و على فكره لا اعتقد انه القسم هذا نوجد في التعليم عن بعد فقط انتظام و الاخوان يفيدونك اكثر
http://elearning.kau.edu.sa/Default...._id=214&lng=AR
العالم الان نوم واجازه

اما بخصوص الطريقه التعليميه فهي
عن طريق برنامجين هما
سنترا وهي قاعه وهميه تحضرين عن طريقها المحظره مثل برنامج المسنجر و تستطيعين عن طريها التفاعل مع الدكتور و صديقاتك الموجود في المحاضره اما عن طريق الشات او المايك

و البرنامج الثاني اميس emes
و في اختباراتك و واجباتك و منتدي خاص بكل ماده لتفاعل مع الدكتوره و مع البنات و ايضا كتاب خاص بكل ماده مشروح عن طريق المديا صوت وصوره احيانا كان تشوفين مقطع في اليوتيوب

كانك فعلا في جامعه ويجب التفرغ اكثر و الانتساب اسهل لني مجرب التعليم عن بعد مع العمل و البيت مرهق فعلا

و مافي داعي للاسف عادي شرفتي
و اي استفسار اخر إن شاء الله بنفيدك و الاخوان و الاخوات هنا مايقصرون

و الله يوفقك وييسر امرك يارب

[sealove]

تفضلي هذا الموقه يفيدك اكثر بخصوص التقويم الجامعي و مواعيد الدراسه

http://www.college-help.org/page.aspx?PageID=3647

اتمني التوفيق

[sealove]

التقديم مفتوح الي الان
http://odus1.kau.edu.sa/app_v3/LMS/index.asp
قدمي اذا حابه وبخصوص القسم الي سئلتي عنه فقط يوجد علاقات عامه

[Merry Girl]

مــــــــــــــــرة شكرا وجزاكم الله ألف خير

بس على الرسوم مافهمت مظبووط ممكن توضحولي أكتر كيف يعني 4000 و1000

ومرة تانية اتأسف على الإزعاج

[Merry Girl]

لو سمحتو أنا دخلت وسجلت بس في مشكلة وهيا النسبة

المجموع الكلي للدرجات 2000
ومجموعي 966

ونسبتي 60.61

لمن دخلت المجموع طلعلي نسبة 48 ليـــش ..؟؟

ورفض إنو يسجلني لأنو نسبتي أقل من ال60 إيش أسوي الله يسعدكم ردولي

ومرة معليش على الإزعاج

[sealove]

اعتذر اولا عن التاخير

4000 ريال رسوم الدراسه في التعليم عن بعد و الاختبار

اذا كنت حاب تختبر في محل اقامتك مثل الدمام الرياض المدينه تدفعين 1000 ريال زياده وطبعا مو من الاول تندفع تقريبا نهاية الترم الاول و هذا الكلام فقط في السنه التحضيريه

اما بخصوص النسبه انت خريجت اي سنه اولا عشان اقدر افيدك و اي قسم

اذا تقدري اكتبي النسبه على طول من غير درجات

والمفروض 2000 اعتقد انها اكثر فوق 3200 درجه

[Merry Girl]

انا متخرجة من ثانوية عامة علمي ونسبتي 60 ومجموعي مو مكتوب في الشهادة بس أنا جمعتو وطلع 966 من 2000

وآآآسفة مارديت بسرعة

[sealove]

اي سنه التخرج

وبعدين انت لا تجمعي الدجات اكيد بتلاقين في نفس الضهاده

المجموع الكلي و تلاقين مجموعك التحصيلي
تلاقينها في كضف الدرجات
اذا ماهي فيه ليتك تعطيني خبر عشان اكتب الطريقه لك

[Merry Girl]

السنة اللي راحت متخرجة

ومو مكتوب مجموعي آآسفة تعبتكم معايا