الي ما سدد و يقدر يتصرف هنا

[ام لين]

طيب الحين اخوي ميسي الله يجزاه خير قال انو ما سدد وخلص موعد التسديد بس لازم اروح الجامعة انا الحين بالرياض ولا اقدر انزل جدة
طيب كيف اتصرف؟؟ وهل فيه احد زي مشكلتي و كيف حلها
وشكــــــــــــــــــــــــــــــــــرا

[just-_^dream]

اختي التسديد ومشاكلة تابع لعمادة خدمة المجتمع والتعليم المستمر
حاولي تتواصلي معاهم بالإتصال او المراسلة على البريد
لعل وعسى تلاقي احد يرد عليك ويفيدك
واتفضلي عزيزتي هذا دليل المنسوبين الخاص بالعمادة

http://community.kau.edu.sa/Contacts..._ID=185&Lng=AR

وربي يفرجها عليك وتنحل مشكلتك

[حلم ماضي]

انا مثلك ياختي واحاول .
يارب تفرج

[Messi.10]

اختي حلم ماضي واختي ام لين انا اليوم لقيت في مكينة الصراف انهم مددوا التسديد الى يوم السبت 6 نوفمبر ما ادري اذا بيمددوا التسديد مره ثانية ولا لا وانا اليوم سددت حاولوا مره ثانية قبل لا يقفل عليكم النظام انا لمن قفل عليا النظام الترم الماضي عانيت الين فتحوا لي التسديد في الصرافة وعانيت ايضا الين فتحوا لي نظام الايميس والسنترا والاودس وكان راح عليا الكثير من محاضرات وكويزات وواجبات لا تهملوا علشان ما نبغى يصير لكم مثل الي صار لي ولو برضه مكينة الصراف ما تسدد حاولوا تكلموهم ولا تتواصلوا معهم في الجامعه الله يكون في العون ويوفقكم جميعا .........

[حلم ماضي]

شكرا على الافاده
انا كنت اسدد عن طريق صراف الرياض
والى الان لايقبل النظام
نحاول في صراف الاهلي وان شاء الله يقبل

[Messi.10]

المشاركة الأصلية كتبت بواسطة حلم ماضي شكرا على الافاده انا كنت اسدد عن طريق صراف الرياض والى الان لايقبل النظام نحاول في صراف الاهلي وان شاء الله يقبل

يااااااااااااااااااااااارب الله يوفقكم وييسر لكم :)

[حلم ماضي]

صباح الخير
طيب نقدر نسدد عن طريق الهاتف او عن طريق النت!!
وفي احد جرب السداد عن طريق النت وضبط معه؟
والله يوفقكم

[awanazi]

مساء الخير
انا سددت عن طريق صراف الاهلي بعدما مددو السداد حتى غدا السبت

[حلم ماضي]

الحمد لله
تم السداد عن طريق النت بنك الرياض
وطلع الخطأ من الصراف وصار لي اسبوعين من صراف لثاني
المهم اليوم الفجر سددت هههه
احد فيكم يعرف متى يتم تفعيل الخدمة بعد السداد لان جدولي مش ظاهر لي
ومكتوب طالب غير مسدد

[Messi.10]

اختي حلم ماضي اول شيء الف مبرووووووووووووووك وأنا سددت يوم الخميس تقريبا واليوم اختفت كلمة طالب غير مسدد ورجع الجدول :)