سمو الامير ابن الفيصل .. خالد .. لماذا ؟ لم يبق الا حلق القران ..

[علي العسيري]

المشاركة الأصلية كتبت بواسطة life as game انا حقيقة اعجبتني سالفة الاخ العسيري لما قال "ان حلقات التحفيظ فقط للتلقين " انا اتزكر ابويه قال ليا ادخل التحفيض ..وانا ما وافقت مررة ..قال خلاص حأديك 1000 ريال ..ادا ختمت المصحف << صعبة وعلى مبلغ تافه الموهيم كنت صغير هاديك الايام رابعة ابتدائي ,,ووافقت عشان الفلوس لان التحفيظ حقنا ما يخارج اصلا للدراسة فيلو كان المدرس افغاني ..الله لا يزكرو بالخير ,,استغفر الله العظيم والله العظيم كان يجلدني لما ما احفظ او اغيب ,,المشكلة فقط يبغاك تحفظ زي ما يقرأ بدون ما يعلمك كيف تجود ’’ الموهيم انا فصل موخي من قلة الحياء دي وفصلت من التحفيظ لما صرت سادس ابتدائي لكن عبالكم نسيت ايام الجلد والتعذيب اللي كنت اشوفها ,, لا والله رجعت على سيارتو ونسمت الكفر و قطعت المساحات ورشاشات المويه خخخخ فضلا عن البطش بأولاده قدام بيتهم ومسح الزفلت بيهم ,, والله العظيم ما تتخيلو قد ايش يبرد قلبي كل ما ظربت واحد منهم واحس بلذة عجييبة هههه على فكرة ترى اولادوا في الجسم قدي ..يعني لا تحسبوني اظرب الصغار .. مع اني ما استبعد اني اظربهم حتى لو صغار لانو ظربني وانا صغير ولا لي حول ولا قوة ..ولما اروح عند ابويه يقول تستاهل << افا يالعلم هوا دا اللي خلاني احقد زيادة واحط حرتي في الاولاد والسيارة .. طبعا اقدر اظرب ابوهم براسو بس حيجيبني ريوس مع الشرطة ’’ دحين ايش رايكم في حلقات التحفيظ ؟

ولو ياعسل انت ,, والله لو ماحد ايدني في رأيي غير انت بس لكفاني ذاك فخرا ,,
مدري ليه والله حبك في القلب كل يوم يزيد ,,
حفظك الله يابني وسدد على طريق الخير خطاك ,,

[Life as Game]

المشاركة الأصلية كتبت بواسطة علي العسيري ولو ياعسل انت ,, والله لو ماحد ايدني في رأيي غير انت بس لكفاني ذاك فخرا ,, مدري ليه والله حبك في القلب كل يوم يزيد ,, حفظك الله يابني وسدد على طريق الخير خطاك ,,

تسلم والله ..
انا ما ايدتك عبط ,,او فقط لاني قريت كلامك ,,
انا تكلمت من واقع تجربة مريرة الصراحة ,,
قسما بالله كرهت سور من القران بسببو ..كل ما فتحت المصحف ومريت عالسور المعينة دي
اتزكر ايام التحفيظ و لما كان يجلدني و اقفل المصحف ويجيني اكتئاب نص ساعة ,,عالاقل ,,
كنت ما اقدر احرك يدي من الجلد ..وكمان بماصورة الغاز,,
يعني بالله ايش اكتر من انو يجيك عقدة في حاجة من دينك ؟؟

ويقولوا تحفيظ ..ياشيخ اتقوا الله في الصغار ,,الواحد يسيب ولدو في التحفيظ وما يسأل كيف التعليم اللي حيجي لو ,,<< خلاص حيحفظ وبس مو شغلي الطريقة
والمدرسين دولا يستغلوا الفرصة وانواع التعذيب كأن عدم حفظ القران ردة عن الاسلام.
فلا احد يدافع وهوا ما دخل الحلقات دي ..