أنتحر ؟ ولا أنتظر شوي ؟ - الرجاء أعطاء المشورة وش أسوي !!

[هـذرلوجيـا]

السلام عليكم يالربع

مابطول عليكم السالفه وبقولها بإختصار ..
بخصوص الإعفاء من الرسوم الجامعية ..
انا مقدم عليهم ..
ولله الحمد جاتني رسالة أمس (الأحد) تقول اني انقبلت مبدئياً ولازم ادخل الموقع عشان أطبع الورقه وأقرا البيانات اللي فيها .. !

الحاصل
فتحت الورقه ولقيت مكتوب فيها .. ((( عليك مراجعة عمادة خدمة المجتمع والتعليم المستمر في يوم الأثنين علماً بأن التخلف عن الموعد سيضيع فرصتك في الحصول على المنحة !!!! )))
علماً أني في الرياض والجامعة في جدة .. ويبوني أشد الموترّ والا احجز في يوم رايح جاي ؟ طيب انا عندي ظروفي هنا ماقدر اسافرّ .. عالعموم هذي حركة مش كويسه منهم .. وبما اني اعرف شخص في جدة انحلت .. والله يعين اللي مايعرف احد هناك !!!! لأنه بيضطر يروح بنفسه .. !

المهم
من ضمن الشروط ان الطالب لايزم يطبع "كشف الدرجات" ويجيبها مع الصور ..
ولما دخلت موقع الجامع المعاملات الالكترونية اليوم .. لقيته مسكر !!! ويقولك بيفتح الموقع الساعة ثلاث عصراً ؟؟؟؟؟؟؟؟؟
طيب يا جااااامعه كيف اطبع لكم كشف الدرجات !! الوقت ضيّق !! والكشف في موقعكم اللي راح يفتح بعد ما تنتهي دوامات الموظفين داخل الجامعة .. !!!!

من جد وش نسوي ؟؟

[ابوشعول]

مو مشكله يروح لهم يقول الموقع مقفل وهم يطبعو له كشف الدرجات >خليه يروح لايضيع الوقت عليك


موفق وان شالله يتم قبولك

[منصور الصائغ]

الله يكون بعونك


نفس المشكله عندي


انا سجلت في الدوره التأهيليه ،، وكاتبين ادخل اطبع شعار الدوره في 22/11/1431هـ

ويوم دخلت اطبع الشعار مكتوب فيه


الدوره تبدأ اليوم


ههههههههههههههههههههههههههههههههههههههههههههه



يعني لازم اقدم اجازه يوم السبت تبدأ من اليوم واطلع من الرياض اجلس اسبوعين
واترك عيالي بالرياض لعيون الدوره !!!!!!!!!!!!!!!!




ليه سلامااااااااااااااااااااااااات



.

[القلم الخفي]

اخوي والله غلطان كان رحت انت بنفسك

انا صار معي نفس الشيء لترمين وراى بعض بلغوني متأخر وفي حالة عدم الحضور تحرم من المنحة
وللاسف الشديد أرسلت لهم شخص مرتين ولكن دون جدوه قالو لازم حضوري ولازم نقابله حشا وظيفة مو منحة
والله اني يأست لدرجه اني الترم هذا مافكرت اقدم لهم خلاص
لكن اتمنى من كل قلبي انهم يقبلون الاوراق من الشخص الي ارسلته ولا يصير معك مثل ماصار معي وبالتوفيق

[عشق البدر]

اسمع وانا اخوك اذا المنحه على طول يعني مارح تدفع طول السنوات رح لهم وامرك لله وان كان ها الترم بس لا تروح

[المصرقع الجامعي]

الله يصلحك صل ركعتين وأطلب الخيره

[BeEera]

الانتحار اسلم حل.. هههههههههههههههه

ماعندي الا دعوهـ طيبه

ربي يعيينكم وييسرها للجميعـ

[هـذرلوجيـا]

المشاركة الأصلية كتبت بواسطة ابوشعول مو مشكله يروح لهم يقول الموقع مقفل وهم يطبعو له كشف الدرجات >خليه يروح لايضيع الوقت عليك موفق وان شالله يتم قبولك

اشكرك كثير الشكر يا أخوي ابو شعول
انا قريت ردك ونقزت نقزة الدعيع على السماعة وكلمت خويي يطبعها من الكلية هناك
وهذا اللي صار .. طبعها الرجال ودخل الأوراق عند عمادة خدمة المجتمع .. وأخذوا الأوراق منه
علماً أنهم يدققون على الأوراق بنفس لحظة التسليم
والله يكتب اللي فيه الصلاح يارب وجزاك الله ألف خير وييسر الله دربك ياصاحبي

[هـذرلوجيـا]

المشاركة الأصلية كتبت بواسطة منصور الصائغ الله يكون بعونك نفس المشكله عندي انا سجلت في الدوره التأهيليه ،، وكاتبين ادخل اطبع شعار الدوره في 22/11/1431هـ ويوم دخلت اطبع الشعار مكتوب فيه الدوره تبدأ اليوم ههههههههههههههههههههههههههههههههههههههههههههه يعني لازم اقدم اجازه يوم السبت تبدأ من اليوم واطلع من الرياض اجلس اسبوعين واترك عيالي بالرياض لعيون الدوره !!!!!!!!!!!!!!!! ليه سلامااااااااااااااااااااااااات .

من جد يا أخوي منصور
حركتهم هذي غبيه جداً جداً .. احنا ناس موظفين ومعنا أهالي وما نقدر نطلع أي مكان الا بترتيب وتنسيق عندنا اطفال نوديهم المدارس كل صبح .. وعندنا مدراء اذا ماقدمت اجازتك قبل التمتع بها بوقت معين ومالقيت لك بديل يمسك مكانك ماتقدر تاخذها !!!!! عندنا ترتيبات كثيرة تترتب قبل نقدر ناخذ اجازة .. والوقت مانقدر نكسره ابد .. وعندهم أهمال في الوقت بشكل مستفز صراحه .. حاجه ترفع الضغط وربي .. يعني امس جات القبول .. واليوم لازم تجيب اوراقك والا مافي !!!!!!
طيب ليه ما تكون قبلها بفترة .. او يمددون فترة احضار الاوراق .. ليه حشرة الوقت هذي ؟؟

انا كنت معطي خويي اللي بجدة اوراقي من زمان عشان يوديها لهم .. وانحرجت منه لما حشرته أمس وقلت له انه لازم يودي الاوراق بكرة .. قال بستأذن من العمل والله يعين .. وفعلاً الرجال ماقصر استأذن وسلم الاوراق الله يجزاه بالخير ..

حركتهم جداً مالها داعي والله

[هـذرلوجيـا]

المشاركة الأصلية كتبت بواسطة القلم الخفي اخوي والله غلطان كان رحت انت بنفسك انا صار معي نفس الشيء لترمين وراى بعض بلغوني متأخر وفي حالة عدم الحضور تحرم من المنحة وللاسف الشديد أرسلت لهم شخص مرتين ولكن دون جدوه قالو لازم حضوري ولازم نقابله حشا وظيفة مو منحة والله اني يأست لدرجه اني الترم هذا مافكرت اقدم لهم خلاص لكن اتمنى من كل قلبي انهم يقبلون الاوراق من الشخص الي ارسلته ولا يصير معك مثل ماصار معي وبالتوفيق

والله يخوك لو اقدر اروح كان رحت ولا اتكلت على احد .. مافي شيء أزين من انك تخلص امورك بنفسك .. ولكن وش نسوي اذا انحدينا ! انا ماعندي غير هالحل والا مااستطيع اقدم اوراقي ..
انا في الرياض والمشوار ألف كيلو ..