هل طالبات دفعة (09) وماقبل .. في رابغ أيضا؟؟

[القلم الوردي]

السلام عليكم ورحمة الله

أنا من دفعة (09) وتخصصت موارد بشرية
وهذي أول سنة تخصص لي

ومكتوب في جدولي

التخصص:ادارةالاعمال -ادارة وتنظيم المواردالبشرية

يعني أنا الحين راح أكون في جدة ولا في رابغ؟؟

ضرورررررررررووووري تردوا علي

لأنه إذا في رابغ حنسحب من دحين

وبلا وجع راس ..

[m u l a n]

عزيزتي .. اذا كان مكتوب عندك بالـ odus الكليه: ادارة اعمال -رابغ- معناها انتي في رابغ

واذا مو مكتوب .. فأنتي في جدهـ

[القلم الوردي]

مشكورة عالرد

مو مكتوب عندي رابغ

بس حاطين عندي جدول فيه معلومات عن الكليات في رابغ؟!!

[بنــــ البحر ــــــت]

شوفي يااختي اذا الحين تخصصتي فان اقولك مافي في جده الا انتظام وكمان بالانجليزي
واذا حابه محاسبه مافي الا في رابغ ان سألت والانتساب ينسون نهائي في جده اداره اعمال

هذا من وحده العماده كمان استفسرت من مكان الانتساب هذا كلامهم

[القلم الوردي]

مشكورة حبيبتي ماقصرتي

[aziz8008]

اختي الكريمه

بالنسبه للانتساب ( طلاب وطالبات )

دفعه 09 وماقبلها راح تكون الدورات التأهيليه والاختبارات في مدينه جده في مقر الجامعه حي الجامعه

اما دفعه 10 وما بعدها راح تكون الدورات التأهيليه والاختبارات في مقر كليه التربيه في جده

اما طلاب وطالبات الانتظام في كليه رابغ سوف تكون الدراسه في مدينه رابغ


ارجو مع كامل التقدير والاحترام لجميع الاعضاء عدم الرد على موضوع اذا لم يكن عندك علم اكيد وكامل بالموضوع لان تلاقي العضو اللي استفسر يقدم على تصرف بناء على رد خاطي منكم

لان الاخت الكريمه تقول لو كانت في رابغ حتنسحب من الجامعه افرضو مثلا جاها ارد خاطي ممكن الاخت تصدق وتنسحب من الجامعه بسبب معلومه خاطئه ؟؟


بالتوفيق للجميع

[القلم الوردي]

مشكوووور أخوي عزيز

الله يوفقك في دنياك وأخراك

ومن جد الواحد يكون متأكد من المعلومة قبل لايقولها ويورط الثانيين

والحمد لله أنا ما أخذت رد واضح عشان كذا ماعتمدت على أي شي

وقلت مالي إلا أتعنى وأروح أسأل الجامعة بنفسي

لأني اتصلت على 6 أرقام ولا واحد يردوا عليه .. حسبي الله على هالخطوط اللي حاطينها تصريف للطلاب بس

ويعطيكم العافية جميع لتجاوبكم معي

[ام الهنووف]

اهلين اختي انا نفس وضعك
ولااحد يرد على التيلفونات
اتمنى اذا استجد معاك شيء ترد علية لاني من خارج جدة وماقدر اراجع الجامعة
وياليت تكون في جدة ويريحونا
وشكرااا

[ام الهنووف]

ررفع