شوروا علي (عشان اتوظف بقدم على الماجستير)

[Re7ab 20010]

السلام عليكم
زي ماهو واضح من العنوان انا للاسف عاطله وتعبت من انتظار الوظيفه متخرجه من 9 سنوات والى الان لم يكتبها لي ربي
المهم اني قررت اني اقدم ماجستير السنه هذي...لعل وعسى اتوظف فيها
لكني محتاره اي من التخصصات الثلاث (تقنيات تعليم,توجيه وارشاد,إداره تربويه) لها مستقبل وظيفي اقوى
الحقيقه اني اميل لتقنيات التعليم بس اخاف لو تخرجت مالقى وظيفه خاصه عندنا في القصيم وين ممكن اتوظف في هالتخصص

التوجيه والارشاد والاداره التربويه ممكن اكون مرشده طلابيه وممكن مديرة مدرسه او وكيله

سؤال ....اي التخصصات الثلاث الاقبال عليها اقل ؟؟ (عشان تكون فرصتي في القبول اكبر)

ياصحاب الخبره الله يوفقكم.... هل رؤيتي للموضوع في محلها ... اما انه غابت عني امور كثيره ؟؟ ..
ياليت تشيرون علي اي التخصصات لها مستقبل وظيفي اكبر

لاني
همي الاول والاخير الوظيفه تعبت ومليت من انتظارها الله يوفقكم شوروا علي تراني مره محتاسه ومحتاره ...

[فتاه القصيم]

كلهم اقسام حلوه ويكفي انه اقسام تربويه

[طموحهـ ولكنـ]

يالله . انتي متخرجة من جغرافيا ولا كمان لك 9 سنوااات ماتوظفتي . انا وش يكون مصيري دوبي متخرجة !!

بصراحة كل التخصصات حلوة . انا نفسي اقدم في تقنيات التعليم او الادارة التربوية . بس مشكلتي باللغة . اول كنا نقول مايخالف ناخذ دورة من معهد معترف ونقدم واللحين الشروط تغيرت . بس احاول اقدم على التقنيات واذا مافلحت في الاختبار شكلوا مافي غير الجغرافيا الله يصبرني ..

[Re7ab 20010]

المشاركة الأصلية كتبت بواسطة فتاه القصيم كلهم اقسام حلوه ويكفي انه اقسام تربويه

فتاة انتي قصدك انها كلها لها مستقبل وظيفي ...طيب فرضا انقبلت في تقنيات التعليم لو تخرجت وين ممكن اتوظف في القصيم؟

[Re7ab 20010]

المشاركة الأصلية كتبت بواسطة طموحهـ ولكنـ يالله . انتي متخرجة من جغرافيا ولا كمان لك 9 سنوااات ماتوظفتي . انا وش يكون مصيري دوبي متخرجة !!

المشاركة الأصلية كتبت بواسطة طموحهـ ولكنـ بصراحة كل التخصصات حلوة . انا نفسي اقدم في تقنيات التعليم او الادارة التربوية . بس مشكلتي باللغة . اول كنا نقول مايخالف ناخذ دورة من معهد معترف ونقدم واللحين الشروط تغيرت . بس احاول اقدم على التقنيات واذا مافلحت في الاختبار شكلوا مافي غير الجغرافيا الله يصبرني ..

هلا طموحه ان شاء الله حظك يكون احسن وتتوظفين قريب ...

شفتي كيف 9 سنوات انتظر التوظيف وكل سنه اقول ان شاء الي بعدها وتصوري احنا كنا ثاني دفعه تتخرج من قسم الجغرافيا عندنا .... والحقيقه في حاجه كبيره في المدارس بس مافيه توظيف ...

الاقسام فعلا حبيبتي كلها حلوه خاصه تقنيات التعليم بس وش الفايده لو درستيها ولا توظفتي فيها

لانه قبل فتره سمعنا عن التعليم االالكتروني وامر الملك انه يصرف لاب توب لكل طالب
والمناهج صارت على سي ديات الي صار انهم انتجوا السي ديات بس ما شافوا لاب توبات مو معروف وين راحت كالعاده مشاريع يصرف عليها ميزانيات ضخمه وعلى ارض الواقع ما تنشاف .. والسيديات رميت بالشمس ... هذا مصير التعليم الالكتروني عندنا

[ندى محمد القحطاني]

تقنيات تعليم اصرفي نظر عنه لقبول فيه صعب

والاداره صعوبه اقل

الارشاد هو اقل قسم عليه اقبال بس يمكن هالتقديم يزيد عليه الاقبال }}احساس


واستخيري

[Re7ab 20010]

المشاركة الأصلية كتبت بواسطة ندى محمد القحطاني تقنيات تعليم اصرفي نظر عنه لقبول فيه صعب والاداره صعوبه اقل الارشاد هو اقل قسم عليه اقبال بس يمكن هالتقديم يزيد عليه الاقبال }}احساس واستخيري

ندى الله يعطيك العافيه حبيبتي ... فعلا التقنيات الطلب عليه كبير والقبول صعب
شكله ما قدامي الا الاداره او الارشاد .....يارب انقبل في واحد منهم يااااااارب

[angel ina]

اوووووووووووماااا

ليش القبوووول صعب يعني في امتحان مفاضله للقسم

ايش التعقيد ذا انا هونت من قسمي وقولت حدخل تقنيات اوووووف كل مافكر بشغله تسكر بوجهي

تيب ذا مهارات الاتصال فتحو للبنات ولا لا واذا فتحو ليه امتحان مفاضله

[angel ina]

تيب هالتخصص عام ولاخاص؟؟؟؟

[Re7ab 20010]

المشاركة الأصلية كتبت بواسطة angel ina اوووووووووووماااا ليش القبوووول صعب يعني في امتحان مفاضله للقسم ايش التعقيد ذا انا هونت من قسمي وقولت حدخل تقنيات اوووووف كل مافكر بشغله تسكر بوجهي تيب ذا مهارات الاتصال فتحو للبنات ولا لا واذا فتحو ليه امتحان مفاضله

عزيزتي القبول فيه صعب بس مو مستحيل الصعوبه جايه من كثرة الاقبال عليه فيصير امكانية القبول مع الاعداد الكبيره المقدمه اقل
عموما على هذا الاساس المفاضله وهذا تقسيمها :
المعدل يأخذ 30%
أختبار القدرات الجامعية 40%
اللغة الأنجليزية 10%
الخبرات والدورات 20%
وكل ما كان موزونك عالي تكون نسبة قبولك أضمن