سلوى اعظم >> تطوير تنظيم

[مهاوي2008]

بنات مستوى سادس وفوق من اخذت مع هذي الاستاذه اي ماده


لان كثيير يذمونها

وش رايكم فيها

لان مافي غيرها

تكفون اللي عندها خلفيه تسدحها لنا هون

[الساهرة]

فعلا كل البنات ما يحبو ياخذو معها اي مادة بالنسبة ليا اخذت معها ادارة محلية كانت اسئلتها صعبة وفيه بنات اخذو معاها تطوير تنظيمي خلتهم يذاكرو الكتاب كلو من جلدة للجلدة بس اذا كانت ماعندك الاا هاذي شعبة توكلي على الله وخذيها

[روزليندا]

اظن اداره محليه

[مهاوي2008]

خلاص بحذف الماده

بصراحه تخوف هالاستاذه

الله يعين ناخذها المستوى الجاي

[جامعي*]

مساء الورد
انا من رائي ماتحذفين الماده وش دراك يمكن اللي ذموها يكون لهم عداوه او شايلين عليها لانهم ماذاكرو زين
والله انا في بنات مدحوها لي
ويقولون تعطي كل واحد حقه ماتزيد ولا تنقص ...

[مهاوي2008]

بس بتقعدين على اعصابك زينه ولا مو زنيه

اللي تعرفينه احسن من اللي ما تعرفينه

ناخذها المستوى الجاي ان شاء الله مع استااذه نعرفها

[جامعي*]

طيب براحتك بس انا نصحتك لان بجد فيه بنات ثقه مدحوها لي ..
وتلاقين هذولي اللي ذموها دخلو الاختبار مو مذاكرين زين
ولا يبون اسئلة سهلة وبس ..

[الساهرة]

المشاركة الأصلية كتبت بواسطة جامعي* طيب براحتك بس انا نصحتك لان بجد فيه بنات ثقه مدحوها لي .. وتلاقين هذولي اللي ذموها دخلو الاختبار مو مذاكرين زين ولا يبون اسئلة سهلة وبس ..

لا والله انها مو قد كذا انا اول كنت كذا زيكم اسمع انها مو كويسة وكنت اقول يمكن البنات يبالغو لكن لما درست معها ادارة محلية قلت مايلامون البنات لما يذمون فيها وحمدالله انا رحت امتحان وانا مذاكرة كويس لكن اسئلتها فيها لف ودوران جبت عندها85وانا كنت اتوقع في 90لكن اذا كانت مافيه الااهي خذي معها وتوكلي على الله

[بائعة الـورد]

اختي في شعبه ثانيه لتطوير غير سلوى اعظم حولي فيهااا صح مو نازل فيها
اسم الدكتوره لكن محد يعرف يمكن تنزل عند احد كويس حاولي تعدلي بالجدول
اذا في شي متعارض مع الشعبه الثانيه

انا بالشععبه الثانيه الله يستر يارب مايخيب ظني وتجي عند دكتوره كويسه

[جامعي*]

اختي الساهر
درجتك حلوة 85 يمكن انتي كنتي متاكده انها 90 وسهيتي عن غلطة او غلطتين ...
عالاقل انتي قلتي انك نجحتي
مو زي بعض بنات اللي تقول انا كنت متاكده اني ناجحه ورسبتني وش بينها وبين البنات حتى تاكل درجاتهم ..