اختبار القدرات للجامعين واختبار اللغة الانجليزية

[angelfofo]

السلام عليكم ورحمة الله وبركاته
أولا :موعد اختبار القدرات للجامعيين (بنات) راح يكون يوم الاحد الموافق 1/12/143 في كلية التربية
حابة اعرف البنات اللي راح يدخلو الاختبار واتواصل معاهم لاني من مكة وماعرف اي شي عن الكلية ..
ثانيا: بالنسبة لاختبار اللغة الانجليزية انا اختبرت قبل سنتين اختبار اسمه بديل التوفل في جامعة الملك عبدالعزيز بس مدة صلاحية الاختبار انتهت..
المفروض اني اختبر مرة ثانيةاختبار الانجلش ..ابغا اعرف الاختبار المطلوب ؟؟ هل الجامعه بتعمل اختبار انجلش؟ وكيف التقديم عليه ؟
او انو ضروري اختبر التوفل عن طريق الموقع ؟
اتمنى تردو على سؤالي وشكرا
واتمنى التوفيق للجميع

[طموحهـ ولكنـ]

والله ماعرف الجامعة تعمل اختبارانجليزي ولا لا ..

بالنسبة لموقع الكلية سهل جداً . انتي اذهبي الى حي الفيصلية وهو في وسط جده واسألي اي احد عن الكلية لان معررروف مكانها . وادخلي البوابة اللي قدام مستشفى عرفان اللي على شارع الملك فهد ( الستنين)

[شواطئ البحر]

المشاركة الأصلية كتبت بواسطة angelfofo ثانيا: بالنسبة لاختبار اللغة الانجليزية انا اختبرت قبل سنتين اختبار اسمه بديل التوفل في جامعة الملك عبدالعزيز بس مدة صلاحية الاختبار انتهت.. المفروض اني اختبر مرة ثانيةاختبار الانجلش ..ابغا اعرف الاختبار المطلوب ؟؟ هل الجامعه بتعمل اختبار انجلش؟ وكيف التقديم عليه ؟ او انو ضروري اختبر التوفل عن طريق الموقع ؟ اتمنى تردو على سؤالي وشكرا واتمنى التوفيق للجميع

---

الجامعة ما تعمل اختبارات لغة للدراسات العليا, يجب دخول اي من الاختبارات التالية
التوفل او ايلتس او استب

[سكن روحي]

وعليكم السلااااااام ورحمة الله

اختي انا كمااااان من مكه
ومثلك حايسه مو عارفه مكان الكليه فيه ناس يقووولووون في السلااااااامه

[طموحهـ ولكنـ]

لا مش بالسلامة .. في الفيصلية ..

وانتي لما تسجلي بالقدرات راح يحطون لك خريطة الموقع وانتي افتحيها . وكل شي واضح لان هيا معروووفة لان عبارة عن حووش كبير مسوور .

بالتوفيق ..

[angelfofo]

شكرا عالردود .. واتمنى التوفيق للجميع

[miss Rona]

طيب انا مستوى 5 اداره واقتصاد انتساب ادخل هالاختبار حق القدرات ولا كيف ؟

[angelfofo]

اختبار ستيب راح يكون يوم 10/4/1432
مرة متأخر يعني ممكن يفوتني التقديم عالماستر
ايش رايكم اختبر التوفل؟؟

[angelfofo]

ميس رونا
اختبار القدرات تدخليه ازا كنتي حابة تكملي الماستر بعد ماتخلصي بكالوريوس