مستجدين؟ لسه بالجامعة؟ متخرجين؟ كلكم ادخلوا (:

[يلدرم]

انا خريج كلية الهندسة من قسم الهندسة الميكانيكة (هندسة حرارية وتتقنيه تحليه المياه) <<<<< اللي يزعلنا راح نقطع المويه عنه وخليه يشرب من البحر

قسمي يروع القلب ترويع

طبعا الهندسة في مجملها تعتمد على الفهم ومانحفظ الا قوانين قليله وخاصة في مواد التخصص لاننا ندخل الاختبارات في دي المواد وخاصة سنة رابعه وسنة خامسه بالكتب والملازم وولد ابوك تحل الاختبار

صراحة الهندسة حلوه ومتعه حتى في حل الاختبارات لو كنت تحب التخصص واي تخصص مو شرط الهندسة الميكانيكية

في كل مكان نحتاج للمهندسين حتى في المنتدى ماسكينه مهندسيين صاحب المنتدى مهندس وعضو الادارة الاخ راكان مهندس وانا مهندس وابوفهد مشرف منتدى له مهندس والمشرف نمر من النمور طالب هندسة

عشان تعرفوا تأثير الهندسة كيف

البلد تحتاج لمهندسين اكثر من أي تخصص

موجود 20 الف مهندس سعودي وخلال السنوات العشر القادمه تحتاج البلد ل120 الف مهندس

مدينة الملك عبدالله لوحدها راح توفر 40 الف وظيفة مهندس

ياخي كفاية

لمن امك تروح تخطب لك العروسه تقول انو ولدها مهندس


مهندس وبس والباقي خس

[Confused]

حلم ماضي ..
هلا اختي و الله يساعدك ان شاء الله ..
تصدقي حتى انا كنت ناوية ادخل تعليم عن بعد ؟؟
كل إلي اعرفه عنه انه لو جبتي معدل حلو تصيري انتظام ..
و عندك بعد كده كذا تخصص ..
اذا كنتي تبغي كلية الآداب والعلوم الإنسانية فيها :
لغة عربية, لغة انجليزية و علم نفس ..
بس مو علم النفس حق الدكاترة
او ممكن كلية الاقتصاد والإدارة و فيها :
إدراة اعمال او إدارة عامة .
اظن دراستك كلها رح تكون اونلاين .. رح يعطوكي برنامج
تتفاعلي من خلاله مع الدكاترة و اغلب الـ HoMe WorKs
تكون بحوث .. بس ما اعرف طريقته كيف و الله ..
هادا كل الي عندي يا دبوو و ان شاء الله اكون افدتك ..
ويلا يا طلاب التعليم عن بعد .. نوروها

حمامــــة الســــــــلام ..
ان شاء الله و يوفقك انتي كمان يا قمر

الشامخة ..
لاااااا الله يسعدك مرجوجه خلقه
الله يسعدك يا قلبووو و يوفقك و حركات الي عاش و شاف
اجل تعشي و تاكلي غيرها
و تسلمي يا قمـــــر .

هاجس11 ..
لا و الله عجبتني كمل فلسفة
هي دي الفلسفة الي ابغاها
بالله عليك المحاسبة مهي رياضيات ؟؟
انا احسب انها مدحوووووشة رياضيات ..
طيب اذا مافي رياضيات ايش فيها ؟؟
يلا يلا حكينا عنها <<< صرنا كان يا ماكان

يلدرم ..
هلا و الله بالـ BiG BosS << مو مرة بيغ
و الله عندكم تطبيق عملي على (( إلي يزعل يشرب بحر ))
مع بعض التنسيق و الاضافات ..
(( إلي يزعلنا نشربه بحر ))
راح توفر 40 الف وظيفة مهندس
ما شاء الله يعني ان شاء الله الكــــــل رح يجري للهندسة ..
اجل لو جاني عريس و قالولي مهندس اقول البلد مليانة
<<< بتنضربببب ولا بتنطرد بما انه المنتدى كله على بعضه مهندسين
ما شاء الله طبعاً ..
تسلم يا يلدرم و ما قصرت

ويلاااا باقي الاعضاء نورنونا بأقسامكم خصوصاً الطب و الكليات الصحية ..
بس لا تحرقونا
و نبغى ناس تتكلم عن التغذية الاكلينيكية ..

يلاااا See Ya SoOoN
Confused

[رامي العبدالله]

الله يعطيك العافية confused على هذه الأطروحة الأنيقة .

ليت الجميع يدخل ويفيدنا في هذه الصفحات كل حسب تخصصه .

علشان تصير مرجع لكل ( محتاااااااااار ) .

[Confused]

حلم المــــاضي ..
العفووو يا قلبوو و انا بالخدمة
و الله يوفقك للي تحبيه يا رب

Eng:da7moon ..
حلوة الهندسة الكيميائية باينلها تشبه دروس الثانوية
بس خسارة مافي هندسة للبنات ...
يعطيك العافيه اخــــوي ..

رامي العبدالله ..
الله يعافيك اخوي ..
و هذي كانت نيتي من البداية انه موضوعي يكون مرجع للمحتاجين ..
خصوصاً انه دراسة الجامعة غيييير عن الثانوية ..
و كثير تحسهم ضايعين بين احلام الاهالي و بين قدراتهم الفعليه ..
لو كل واحد عرف ايش مخاطر القسم الي ناوي عليه
رح يفكروا بجدية بالمستقبل ..

ThankS All Of YoU
Confused

[Confused]

الســــــلام عليــــكم ورحمـــة الله و بركاتـــــة

قعدت ادور بالمنتدى و انبش بالقديم و الجديد
و جبت لكم كم موضوع له صلة بموضوعي

الاخت المبدعة رنــــــا كتبتلنا موضوع عن الطب البشري ..
ذكرت فيه كتاب مفيد اسمه ..
دراسة الطب بين التحديات والمسئوليات ..

http://www.skaau.com/vb/showthread.php?t=22255&highlight=%C7%E1%D8%C8+%C7% E1%C8%D4%D1%ED

الصراحة الموضوع خوفني .. حسيت انه الطب يتطلب مجهود فوق الخيال ..
و انه صعب و تحديات و ما ينفع الا للعباقرة ..
و انه مررررة ما ينفع للبنات و الي تبغى تدخل لازم تضحي
بكل وقتها و بأمومتها و بكل شي ..

الطموحــــة العسل كتبت موضوع فيه استفسارات عن الطب ..
و في رد من بين الردود عجبني للعضو محسن125 ..

http://www.skaau.com/vb/showthread.php?t=19539&highlight=%C7%E1%D8%C8+%E3% E3%CA%DA&page=2

اول شي مبروووك ع الـدكتـــــــور محسن ..
و تاني شي انا مررررررة عجبني الرد .. رجعلي الامل بالطب
الصراحة وصفه مرررة يحمس الواحد .. و بين انه الطب مو بالضروره للعباقرة ..
و انه كوني بأدرس بإعتدال هادا كفاية ..
حلوة الناس الي تعطي شي من الواقع ..

الاخ cardiologist m كتب موضوع الصراحة رااااااائع ..
من جد اعطى نصايح من واقع الحياة ..

http://www.skaau.com/vb/showthread.php?t=22576&highlight=%CF%D1%C7%D3%C9+% C7%E1%D8%C8

خصوصاً نصيحة 14 .. الصراحة عجبتني .. بما اني لعّابه
بس انا طول عمري احسب انه كل محاضرة اهم من الثانيه ..
وهي دي النصايح إلي محتاجينها قبل ما نتخصص ..

العضــــو triples طرح نفس موضوعي
بس الموضوع له 4 سنين تقريباً ..

http://www.skaau.com/vb/showthread.php?t=2266&highlight=%C7%E1%D8%C8+%E3%E 3%CA%DA

اعضاء كثير شاركوا فيه و من مختلف المجالات ..
ان شاء الله تستفيدوا منه ..

الاخ المغوار طرح سؤال على الاعضاء عن علم الاجتماع ..

http://www.skaau.com/vb/showthread.php?t=2961&highlight=%C7%E1%E5%E4%CF%D3 %C9+%CD%E1%E6%C9

و الاخ KING OF BIO رد عليه برد صريح وواضح ..
يمكنه تحطيم لكن ممكن تكون حقيقة ..

حالياً هاذا الي قدرت اجيبه لكم ..
و اغلب الاعضاء بيتكلموا عن الطب و الاقسام الثانية مهملينها ..
فـ يلاااا اتكلموا عن تخصصاتكم هنا
و سوري اذا في مواضيع ثانية اهم و ما حطيتها ..
لا تقولوا عميه .. ترا انا بأستخدم محرك البحت .. يعني
الـ ShorT CuT
و يلااااا كل الاعضاء الي ذكرت مواضيعهم ..
فضوا جيوبكم و اعطوني عمووولة
حق الترويج و الاعلان عن المواضيع

و اذا شفت مواضيع ثانيه اجبلكم هي ان شاء الله ..

See Ya
Confused

[Confused]

خالد للكل ..
يا الله .. الله يعينكم يا رب .. اسوأ شي لمن تدرس و تتعب و تجتهد
و يجي واحد بكل بساطة يمحي جهدك فقط لانه له سلطة ..
مع احترامي لكل الدكاترة ..
بس و الله شي يقهر .. انا الصراحة لو احد عمل فيني كده
خلاص تروح مني الهمة العالية و ابطل ادرس ..
مو لاني تأثرت بس لاني ما اقدر اكمل و انا عارفة انه ماله اي نفع بالنهاية ..
بس و الله يا المحاسبة حببتوني فيها .. بس عندي سؤال ..
الاخ هاجس11 قال انه المحاسبة ما فيها اي رياضيات غير الارقام ..
فكيف بالله تفهمونا ..
و تسلم ع المرووووور

حلم ماضي ..
و الله زعلتيني عليكي انتي و زهرة النرجس ..
الله يعينكم و يساعدكم يا قلبووو ..
و ان شاء الله تدخلوا الطب و الي تتمنوه ..
طييييييب انا عندي فكرة .. لمن يتقدملكم احد اشرطوا الدراسة على حسابه ؟؟؟؟؟؟؟؟؟

و الله امممممممزح .. لحد ياخدها موووضة
الله يوفقكم كلكم يا رب .

Bright Future ...
هلا و الله بالصيدلة .. لا و الله معلوماتك مررررة مهمة ..
تصدقي انا الين ثالث ثانوي و انا احسب الصيدلي الي يوقف بالصيدلية
<<<< بتنننننضرب
بس كانت وحدة من صحباتي تبغى صيدلة و انفجرت في وجهي لمن قلتلها صيدلية
و شرحتلي ايش الفرق بينهم و ايش اهمية الصيدلي .. بس ما شاء الله عليكي
قوووووية بدخولك الصيدلة .. بس رح تسمعي كثيييير يقولولك
صيدلية و ليش ما دخلتي طب و من الكلام دا ..
فأستحملي .. ما نبغى نشوف انفجارات البرايت فيوتشر .. على كده ما عاد سووو براااايت ..
بس من جد الي اعرفه الصيدلة اصعب بمية مرة من الطب ..
يعطيكي العاااافية يا قلبي و ردك مررررة حلووو و يبين حقيقة الصيدلة ..
و على فكرة انا مني كونفيوزد بس الاسم له قصة ..
و تسلمي ع المروووووور

ويلاااا يا اعضاء يا حلوييين .. اشربوا الحلييييب !!!!!
معليش جات غلط مع الجووووع
عرفونا على اقسامكم زي Bright Future الحلوة ..

See Ya
Confused