شهادة التوفل الورقية

[صاحبة الوفاء والاحساس]

المشاركة الأصلية كتبت بواسطة white~ انا اختبرت التوفل والتقديم للماستر اللي ابيه بدأ ولازم اسلمهم الشهادة رحت للمركز على اساس استلمها منهم وتفاجأت انها مفروض ترسل ع البريد اللي انا حاطته بالتسجيل وانا ماحطيت لهم البريد :( من صار معه كذا ؟ والله تحطمت بليز ساعدوني ؟ اغير معلوماتي من الاكاونت بموقع التوفل ؟ او ارسلهم رساله اطلبهم يرجعون يرسلون لي الشهادة ؟ او ايش بالضبط ؟ الله يوفقكم ابي الحل

حياتي انا صار معايا نفس الشي بالمعهد وروحت للمدير ة وماعملت شي وكلمت مدير المركز نفسه وبلغته انه وقت التسجيل محد قال انه الشهادة راح تجي على البريد وهذا غلط من المركز نفسه انا مااتحمله قال ارجعي للمديرة ترسيلي افادة بهذا الكلام طبعا المديرة طنشت الموضوع انا بنفسي روحت اخذت رقم المهندس اللي دخل بياناتي لموقع التوفل قال ليا تدفعي م100 ريال بالحساب عشان ارسلها للموقع واعمل تعديل بالبروفايل تبعي حق التوفل ودفعت وعلميني كيف اعدل وماعرفت قمت اعطيته رقمي السري تبع الاختبار قام دخل على البروفايل وعدل وكتب رقم البريد الله يسعده وارسل لموقع التوفل اعتذاروقال استنيها بخلال ثلاث اسابيع تجي وبعدين جتني الشهادة بعد ثلاث اسابيع ويومين او اربع ايام موفاكرة المهم انتي استعجلي كلمي المركز تبعك وراح يعطوكي رقم المهندس اشرحيله المشكلة وادفعي وعدلي واستني لمدة ثلاث اسابيع وشوي اهم شي لاتتأخري ترى الوقت محسوب
ويارب تجيك بااقصى سرعة وماتتاخر
وكلمي الماستر انك اختبرتي والشهادة ماوصلت ولا اقولك ادخلي على البروفايل تبعك حق التوفل برقمك واطبعي برنت للشهادة ع بال ماتوصل الشهادة على البريد انا كذا عملت اعطيت الماستر البرنت وكان فيه درجتي وكل شي ومعد طلبوا مني الشهادة الاصلية واذا ماتعرفي تدخلي على البروفايل خلي المهندس يعلمك كيف تتطبعي برنت الشهادة وخلاص انتهت المشكلة