اين اجد كتب السنه التحضيرية

[alhlm]

السلام عليكم ورحمة الله و بركاتة

تم قبولي انتساب من ضمن دفعة 11 تحضيري اداري و انساني خطة ب
و رحت البارح لمكتبة السلطان الي في مخرج 10 و سئلتهم عن الكتب قالوا انه ماهي عندهم
اتمنى منكم تدلوني على مكتبة تكون الكتب موجوده فيها

ولكم شكري

[مشاري الرياض]

اخوي اصبر الين تنزل المواد اول شي بعدين المكتبه فيه قدام جامعه الملك سعود على طريق

تركي الاول ...... اسمها مكتبه المهندسون

[alhlm]

الله يعطيك العافية اخوي مشاري
انا بصرحة ما اعرف شي عن الدراسة الجامعية
و اخاف اخذ كتب او ملخصات ماهي صحيحة او تكون طبعة قديمة

[طموح جامعيه]

المشاركة الأصلية كتبت بواسطة alhlm السلام عليكم ورحمة الله و بركاتة تم قبولي انتساب من ضمن دفعة 11 تحضيري اداري و انساني خطة ب و رحت البارح لمكتبة السلطان الي في مخرج 10 و سئلتهم عن الكتب قالوا انه ماهي عندهم اتمنى منكم تدلوني على مكتبة تكون الكتب موجوده فيها ولكم شكري

ابن سينا او مكتبة خوارزم معتمدده من الجامعه

[alhlm]

ماقصرتي اختي طموح لكن هل هذه المكتبات في الرياض و اذا كانت في الرياض ممكن موقعها

[فهد العنزان]

بالرياض مركز المهندس رقم الاتصال 4833338

[alhlm]

اتصل عل مركز المهندس البارح 20/10/1431 وقال الموظف ان الكتب بتكون موجودة بعد 10 ايام

و الف شكر للجميع

[محمد سرحان]

اللي ياخذ الكتب خطه ب يبلغنا بموضوع في شرح كافي

لموقع المكتبه واسعار الكتب مع صور للكتب

كذا احسن

انا ماافهم الا كود حقن

والله يعين فهمي على الجامعه

[Abu-Mousa]

السلام عليكم ورحمه الله

انا يا شباب عندي اخوي يدرس طب بالجامعه بجده وشرا لي الكتب من مكتبه الخوارزم اللي بالجامعه وقلتله يرسللي اياها ولكن فيه شي بعد ابيه يشتريلي معه من جده ويرسلها كلها سوا للرياض ,,,,,,,
خدمه انسانيه للي ماحصل الكتب بالرياض ويبيني اوصيله اخوي يشتريها له من جده يعطيني خبر من بدري يعني قبل ما يجي بكره ,,,, حيرسلها ان شاء الله على بكره مساء

التكلفه الاجماليه للكتب للخطه أ للدفعه 11 = 293 ريال

اللي يبي يرسلي رساله او يكلمني على جوالي ويقوللي كيف طريقه الدفع

يمنع منعاً باتاً وضع اي وسيله للأتصال
أخوكم ابو موسى

[Abu-Mousa]

المشاركة الأصلية كتبت بواسطة abu-mousa السلام عليكم ورحمه الله انا يا شباب عندي اخوي يدرس طب بالجامعه بجده وشرا لي الكتب من مكتبه الخوارزم اللي بالجامعه وقلتله يرسللي اياها ولكن فيه شي بعد ابيه يشتريلي معه من جده ويرسلها كلها سوا للرياض ,,,,,,, خدمه انسانيه للي ماحصل الكتب بالرياض ويبيني اوصيله اخوي يشتريها له من جده يعطيني خبر من بدري يعني قبل ما يجي بكره ,,,, حيرسلها ان شاء الله على بكره مساء التكلفه الاجماليه للكتب للخطه أ للدفعه 11 = 293 ريال اللي يبي يرسلي رساله او يكلمني على جوالي ويقوللي كيف طريقه الدفع يمنع منعاً باتاً وضع اي وسيله للأتصال أخوكم ابو موسى

المعذره لآنني لم اكن اعلم ان وضع وسيله اتصال ممنوع

جرى للتوضيح