في احد معدلوا (فوق) الـ 4 و ماجاتوا ولا رساله !؟

[B.M.S]

امين يارب .. طيب ايش اسوي لو قالولنا كالعاده الموظفات راجعونا السبت ولا الاحد !!!

[m u l a n]

المشاركة الأصلية كتبت بواسطة b.m.s امين يارب .. طيب ايش اسوي لو قالولنا كالعاده الموظفات راجعونا السبت ولا الاحد !!!

عزيزتي توكلي على الله وروحي العمادهـ يوم الأحد واشرحي لهم وضعك ان شاء الله يحولوك انتظام :)

لأن الرسايل مجرد "اعلام بوقت المراجعه" ..

الله يوفقك يااارب

[B.M.S]

بس الموظفه قالت

لو طلع في خلل و بالغلط راح اسمك و ماجانا يوم الاحد

مارح نقدر ناخذ منك الشهادات :"(

[asma1992]

الظاهر هم يختارون عشوائي لانو انا معدلي 4.23 وقبلوني
يااااااااااااااااااااااااااااارب تتحولو انتظام والله ادعليكم من قلبي لانو احنا تجننا مع هالجامعه

[B.M.S]

امين ياااارب :"( وربي حرام اتعذبت وانا استنى و صابره :"( الله يعين

[Super Linux]

رديت عليك في موضوعي

صلي على النبي واهدي بالعقل باناس في طالبه معدلها فوق 4 وجاتها رساله بالرفض ؟؟ طبعا مافي

وانتي المفروض توصل لك رساله قبول او رفض لكن خلل فني يعني من الجوال من نفس الشركه من الاودس حاجه زي كذا

روحي الاحد ومعاك الاوراق راح تدعيلي ان شاء الله

مره لاتشيلي هم وانتي معاك حق تشتكي عليهم لانهم ماقبلوك وانتي مستوفيه الشروط وكل الطالبات الي معدلهم 4 انقبلو !!

ربي يوفقك ان شاء الله

وتطمنينا الاحد وش حصل معك

[B.M.S]

ان شاء الله ^_^ شكرا لك .. ححاول انام الحين الله يفتح عليك و يوفقك ^^

[Just SAM]

مرحبا ...

يوم الاثنين اللي راح انا قابلت مدير القبول والتسجيل بنفسي ما حبيت ارسل حد لاهميه الموضوع << بعد الشحططه واللطعه من الساعه 7 - 2 الظهر !! ( عشان التحويل لصاحبي في التعليم عن بعد وهو خارج جده )

قابلته بـ الصدفه ف الدور التاني .. وقال انا الموجود عندي فقط سجلات طلاب وطالبات الانتساب التعليم عن بعد ما وصلني شي يقولي هما عندهم تقديما !!<< انا ما ادري هوا مدير ع ايش لا فاهم ولا اسلوب عدل يـ الله يا كاان شي من جد ما ينفع الواحد يكتب ايش صار معاه !! ( يكفي انو ما يدااوم ف مكتبه ولاحتى يفتحه ) خليني ساكت بس !!

المهم بعد ما سلمته الرقم الجامعي و طلب التحويل وكشف الدرجات واقتنع قال انتظرني ف صاله القبول ونفس الموال لطعه لييين ارسلت واحد من موظفيين الشبابيك كل شويا رايح جاي رايح جاي عشان يكلمه وف الاخير قال طلاب التعليم عن بعد الاسبوع الجاي ..! > رد استناه يوم كاامل !!
للمعلوميه انا طلبت الاوراق اللي طبعتها من الاديوس حقت صاحبي ما رجعت ليا ( الموظف قال هو ح يدخلها مع طلبات الانتساب لعميد القبول عشان يشرح عليها ) < انا مشيت ع اساس غسلت يدي منهم وارجع الاسبوع الجاي ..
بس الحمدلله وصلت رساله القبول لصاحبي وهو جاي الاحد بــ اذن الله ..!
طلاب وطالبات التعليم عن بعد الاسبوع الجاي ان شاء الله ..!
يعني لا تفقدي الامل وتشيلي هم .. والله يريح بالك ويجيكي القبول ! وتبشرينا
اتمنى لك التوفيق

[شجيرة]

يا جماعة احيانا يسير خربطة في الاشياء زي الاودس او الاشياء الالكترونية لا تياسي ولا تحبطي نفسك يا عمري روحي راجعيهم والله يكتب لك الخير

[B.M.S]

الله المستعان .. حتوكل على ربنا و ان شاء الله مايجي الا كل خير ويارب انقبل في الاقتصاد و الادارة