Please help me.....!!

[AM00NA]

صـبـاح الخــيـــر...
انا عندي كم سؤال طبعا ابغى الاجابه من اللي متخصصين طب بشري او يعرفوا ناس متخصصين...
س1) عشان اتفوق في دراسة الطب البشري كم يحتاج ساعه في اليوم اذاكر ؟؟؟
يعني المذاكره تكون يووميه ولا مثلا بالويك اند؟؟

س2) اللي مستواهم نص ونص بالانقلش كيف مشوا في بداية سنين الطب ؟؟؟

لان انا حلمي وحلم اهلي كلهم وحلم ابوي وامي الغاليه الله يخليــهم لي اني ادخل طب
بس كلام الناس يخوووفني انو مرره ضغط نفسي وانسي شي اسمه ترفيه ووناسه ....!
< انا مااقدر على كذا

واكوون شـآكـــرة لكل من جاووبني على هالاسئله اللي محيرتني ...
الله يــوفق الجمــيــع يـــــــآآآآرب

[طالب طب في المستقبل]

س1) عشان اتفوق في دراسة الطب البشري كم يحتاج ساعه في اليوم اذاكر ؟؟؟ يعني المذاكره تكون يووميه ولا مثلا بالويك اند؟؟

بصراحه انا طالع سنه ثاني طب فما اقدر افتيك لكن من طلاب الدفعات الماضيه

يقولون على حسب الطالب يعني بعضهم في الويك اند وبعضهم يوميا وزي كذا

س2) اللي مستواهم نص ونص بالانقلش كيف مشوا في بداية سنين الطب ؟؟؟

عادي راح يتطور مع الايام يعني لا تشيلي هم اللغه ابدا مع انها شي مهم لكن مع الممارسه راح تتعلمي

لان انا حلمي وحلم اهلي كلهم وحلم ابوي وامي الغاليه الله يخليــهم لي اني ادخل طب بس كلام الناس يخوووفني انو مرره ضغط نفسي وانسي شي اسمه ترفيه ووناسه ....! < انا مااقدر على كذا

الله يوفقك وتحققي حلم ابوك وامك إن شاء الله

اوذا دخلت الطب خلي كلام الناس ورى ظهرك يعني اهتمي بدراستك وبس

ومن طلاب الدفعات السابقه يقولون بالعكس نطلع ونتمشى ونفل واي شي

وبالتوفيق اختي العزيزه

[AM00NA]

طالب طب في المستقبل......
ربي يسعدك ويوفقك دنيا واخــــــره ...


احساسي انو طلاب كلية الطب كلهم شافوا موضوعي ولا احد رد غيرك
طبعا هاذا مايدل الا على روح التعاون فقط ......!
اشكرك اخي الكريـــــم...

[dr-wolf]

السلام عليكم
إسمعيني زين
أكثر اللي سمعتيهم ما درسوا طب و لا حاولوا انهم يدخلوا
الطب يبغالها همة و استعداد كويس
لا تدخلي شي و انتي خايفة منه ما راح تنجحي
لكن ادخلي و انتي عازمة على النجاح و لا زم تفكري إنك تجيبي المية درجة كاملة في أي مادة سهلة كانت او صعبة
ممكن تجيبيها او تنقصي عنها شوي
لكن المهم انك لما تفكري في المية درجة راح تجتهدي أكثر
اخوك:dr-wolf

[FeEK mY hOpE]

من جددد دامه حلمك ماعليك ف كلام الناس
.... كلام الناس لابيقدم ولا يأخر .. كلام الناس ملامه وغيره مش اكتر هههههههههه

[Dr. toma]

المشاركة الأصلية كتبت بواسطة am00na صـبـاح الخــيـــر... صباح النور انا عندي كم سؤال طبعا ابغى الاجابه من اللي متخصصين طب بشري او يعرفوا ناس متخصصين... س1) عشان اتفوق في دراسة الطب البشري كم يحتاج ساعه في اليوم اذاكر ؟؟؟ يعني المذاكره تكون يووميه ولا مثلا بالويك اند؟؟ والله انا لسا سنة تاني لسا مقبلة علية بس نفس السوأل سألتة لصحباتي الاكبر مني قالوا على الأقل يوميا بس تقري المحاضرة عشان تفضل في المخ 75 % وفي الويك اند ممكن تخصصي يوم لك والباقي تلمي بكل الافكار اللي أختيها في الأسبوع الي فات س2) اللي مستواهم نص ونص بالانقلش كيف مشوا في بداية سنين الطب ؟؟؟ برضة في الدورة قالولنا ناس يخافوا من الطب لانة الانقلش أساس هوا أساس بس تقدري تمشي في البداية بعدين تتأقلمي .. اللي بوصلة انة مو السبب اللي يمنعك من الطب لان انا حلمي وحلم اهلي كلهم وحلم ابوي وامي الغاليه الله يخليــهم لي اني ادخل طب بس كلام الناس يخوووفني انو مرره ضغط نفسي وانسي شي اسمه ترفيه ووناسه ....! < انا مااقدر على كذا آآآمين الله يخليهم ليك ..أتي ونفسك لو انك أول باول وتنظمي وقتك انت تلاقي بعدين في وقت لراحة والترفيه بس لو انك من النوع اللي يراكم هوا دا اللي بينضغط .. واكوون شـآكـــرة لكل من جاووبني على هالاسئله اللي محيرتني ... الله يــوفق الجمــيــع يـــــــآآآآرب

يور ويلكم ... وأسفة ع التأخير بس والله دوبي أشوف موضوعك

اتمنى اكون أفدتك ...

[AM00NA]

dr-wolf
تســـلم ع النصيحـــة ,,, الله يوفقنا ويـــاك ان شاءالله ...

FeEK mY hOpE
سيبك من الناس وكلام الناس < هاذا اللي بسويييه
تسلمي يآعسـل ع الرد ...

Dr. toma
شررفني مروورك وردك على موضوعي ..
تسلم يدينك ع الافاده ...