ابي مشورة كل وحده مشيت ع الخطه الدراسيه 18 ساعه

[احساس طفل]

السلام عليكم حبيباتي
انا في حيره شديده من امري ودي اني ادرس 18 ساعه لكن حيكون 6 معامل وانا متخوفه من هالشي
وفي نفس الوقت ماابغى اتخلف عن الخطه الدراسيه لاني ماابغى ازيد عن المده الافتراضيه اللي حااتخرج فيها ان شاء الله
استخرت وابغى دحين مشورتكم وربي اللي يكتب فيه الخير ليا ولكل البنات يارب
اتمنى من كل وحده قرأت الموضوع انها توجهني للشي الافضل وياليت اذا وحده فيكم تجاوزت المستوى الثالث واخذتو بـ 18 ساعه تقولي عن تجربتها واذا انها تنصحني اني
اعمل هالشي او مااتهوّر ؟
وتقول عن نتيجتها اذا كانت مرضيه ورفعت بيها المعدل او العكس ؟
ربنا يوفقكم وييسرلكم اموركم

[بيو كيميائية ^_^]

وعليكم السلامـ

أنا أفضل تاخذيها 18 كاملة

بعدين يصير عندك تعارضات وووتتأخري

شيء ثاني ثلاث مواد هي الدسمة الباقين سهلين ومذاكرتها خفيفة

لاتشيلي همـ

[R-Kh]

انا مر عليا ترم زي كدا
صحيح كان ضغط بس عدت على خير
كان 5 معامل بس الحمدلله مشي الحال
اهم شي تشدي حيلك عشان لا تنزل معدلك
..
بس في معامل زي كيمياء 281 جدا جدا سهل
يعني ان شاء الله سهاله
..

[احساس طفل]

بيبو كيميائيه
r-kh
شكرا لكم

بس حبيت اعرف اذا كان المعدل ممكن انو يرتفع لما امشي على نفس الخطه 18 ساعه
وخصوصا ان معدلي السنه التحضيريه نازل شوي .؟ ياليت احد يقولي عن تجربه لاني بجد محتاااره
ربي يسعدكم

[بيو كيميائية ^_^]

^^

ايوا يرتفع

[batbot]

طيب ايش هي المواد
عشان اعرف اذا دسمه ولا لا؟

[*ديـــم*]

دام انك استخرتي يكفيك ،، ربك يختار لك اللي فيه الخير وييسره لك ...

مابعد الاستخارة استشارة :)

[احساس طفل]

شكرا بيبو كيميائيه

المشاركة الأصلية كتبت بواسطة batbot طيب ايش هي المواد عشان اعرف اذا دسمه ولا لا؟

كيمياء حيوي عام201
كيمياء عامه202
احياء عامه202
امن وسلامة مختبرات200
معمل احياء 281
معمل كيمياء281
اللغه العربيه101<< هذي الخطه الدراسيه 18 ساعه

[احساس طفل]

المشاركة الأصلية كتبت بواسطة *ديـــم* دام انك استخرتي يكفيك ،، ربك يختار لك اللي فيه الخير وييسره لك ... مابعد الاستخارة استشارة :)

صحيح ياريم لكن امتثالا لـ ( وشاورهم في الأمر)
ماخاب من استخار ولاندم من استشار =)

شكرا لك اختي

[batbot]

المشاركة الأصلية كتبت بواسطة احساس طفل شكرا بيبو كيميائيه كيمياء حيوي عام201 كيمياء عامه202 احياء عامه202 امن وسلامة مختبرات200 معمل احياء 281 معمل كيمياء281 اللغه العربيه101<< هذي الخطه الدراسيه 18 ساعه

ايوه امشي ع الخطه ونرا المعامل دي حلوه
وانشاءالله يرتفع معدلك

وبالتوفيق يارب