ساعدوني واللة ماني فام شي

[سكون الورد k.a.u]

المشاركة الأصلية كتبت بواسطة fahd24 سلام عليكم المشكلة اني مافهمت شي في صفحة odus

المشاركة الأصلية كتبت بواسطة fahd24 فتحت الصفحة طلعت لي البيانات حقتي مكتوب التخصص تحضيري ادراي وانساني خطة ب وش معنى التخصص هذا وكيف اعرف متى ينزل الجدول ( اهم شي الكتب وين احصلها انا من الرياض ) وش المواد الموجودة في التخصص هذا ملعيش كثرت عليكم الاسئلة

عليكم السلام ...

اولا / مبروووووووك قبولك بالجامعه

ثانيا / لاترهق نفسك بالاسئله وتتعب تفكيرك بمجرد حلول السبت بحول الله كل شي راح يبين عندك

ثالثا / راح ارد على استفساراتك :

1 - مكتوب التخصص تحضيري ادراي وانساني خطة ب وش معنى التخصص هذا ؟؟؟

اخوي هذا مو تخصص هذا مسمى للسنه التحضيريه اللي ندرسها بمعنى

السنه التحضيريه عباره عن (26 ساعه) لازم تدرسها على (ترمين)

والسنه التحضيريه عباره عن خطتين : أ ، ب

انت خطه (ب) يعني المواد اللي بتدرسها كالتالي : احصاء - مهارات الاتصال - التفكير والبحث العلمي - انقلش 101 وبكذا راح تدرس (12 ساعه) ويبقى لك (14 ساعه ) تدرسها الترم الثاني ان شاء الله ...


2 - وكيف اعرف متى ينزل الجدول ( اهم شي الكتب وين احصلها انا من الرياض ) ؟؟

الجدول ان شاء الله بينزل السبت ومااتوقع يتأخر عن الاثنين

اما الكتب تلقاها في : مكتبة المهندس


3 - وش المواد الموجودة في التخصص هذا ؟؟

تم ذكرها بعاليه


اتمنى اكون افدتك ...


^_^

دمتم بود