دفعه 11 تروني متحمسه اكثر منكم ادخلو يلا

[Angelitta]

أنا عن نفسي اول ما انقبلت مو بس اتجننت ..

رحت أنا وصحباتي ما يدرسو معايا بس جو وقت التقديم حق الأوراق ..

الزبدة طلعت من الفرحة أوري الكل بطاقتي وشويا وأوري السواق بس هزأوني :)

بعدين قلتلهم اطلبو اللي تبو ..

أخدتهم كابو جريللو واتغدينا على حسابي طبعا ..

هما 3 وأنا وأخويا في المتوسط والسواق :)

وبعدين اشتريت كيلو ونص باسكن ..

كيلو لنا أنا وصحباتي :)

ولأخويا وأخواني الصغار نص كيلو ..

وبعدين وقفت أقرب سوبر ماركت واشتريت لكل واحد بطاقة ب 10 ريال على حسب شريحتو موبايلي وإلا سوا ..

حتى السواق خخخخ ..

طيرت 500 وشي داك اليوم بس من قلبي مبسووووطة الحمد لله ..

وبث ..

أما دحين متحممممسة ..

طول الإجازة أصيع وأفل ..

لكن أرجع البيت أفك الجدول ..

كل كم يوم :)

ودحين كل يوم تقريبا ..

وصحباتي اللي انقبلو معايا بس يحشو فيا :)

ومتحمسة إن شاء الله أجيب معدل حلو ..

وأخش التخصص اللي ربنا يختارلي هوا ويكون في الخير ..

والله ييسر لنا كلنا ..

مشكورة طلوبة خليتينا نطلع اللي في قلبنا :)