Social Phobia :: الرهـــاب الاجتماعي

[Daniaa.]

السلام عليكم ورحمة الله وبركاته

كيفكم.. ان شاء الله كويسسين ...

هادا يا سيدي .. قبل فتره اخدت لمحة بسيطة عن الرهاب الاجتماعي دا.. وقلت انو لا الحمدلله انا ماعندي وطنشت الموضوع
بس قبل امس كنت اتكلم مع شخص و بعد ما خلصنا هرج .. مدري ايش جا في عقلي وقلت خليني اقرا تاني عنو مزبووط

قريت في واحد من المواقع... وكان كاتب اعراضو ومدري ايش .. وواحد تاني كان بيحكي لمن كان يعاني منو وكلام زي كدا .. و تقريبا كل اللي زكرو موجود فيا

بس انا ما ادري يعني ابى اتأكد مزبوط عشان اشوف لي حل وعلاج للمشكلة دي لانو من جد شي مررررا يتتتعب

ياريت أي احد عندو خبرة او خلفية عن دا الموضوع لا يبخل عليا او معلومات اكتر عنو من مصدر موثووق

و شكرررا

[~Aspirant~]

up
يــآريت اللي يعرف يقول ..

[قلبي أماراتي]

للرفع
ان شاء الله احد يفيدك

[i am ambitious]

الرهاب الاجتماعي يعني الخوف و الخجل الذي يصدر من الشخص في مواقف معينة...

مثلا بعض الناس يخاف انو يوقف قدام الناس و يشعر بالخجل و يتلعثم...

كمان خوف بعض الناس من الاماكن العالية او المغلقة يعتبر من الرهاب الاجتماعي


ليا عودة

[M!Ss AmoOoLa]

اناعندي خلفية واسعه عنه

بس ابغى اعرف الاعراض اللي تجيك..وايش الاشياء اللي تسبب لك فوبيا
يعني مثلا تواجدك بالسوق والجامعة او اثناء القيام بالحديث امام الناس او الحضور للمناسبات الاجتماعيه ...الخ

اذا كانت عائق لك لممارسة حياتك الطبيعيه تحتاجي لعلاج سلوكي معرفي والعلاج جدا سهل عباره عن جلسات تقوم بها الدكتوره ..وان شاء الله تتغير طبيعة حياتك للأفضل..

[i am ambitious]

اولا إن شاء الله ما يكون عندك شيء
ايش الاعراض الي تجيك؟؟؟؟

لقراءة المزيد قومي بزيارة:


http:///vb/showthread.php?t=5959منتدى الجامعات السعوديه


و كمان ابحثي في قوقل رح تلاقي مواضيع مفيده.

[Daniaa.]

الاعراض .. انو مررا اتوتر لمن اجي اتكلم قدام الناس... وانسى الكلام اللي حقولو والخبط واهبب ام الدنيا...
قد عملت كزا برزنتيشن في المدرسة بس طبعا كان غصبا عني,, كنت اقول انو لازم اتشجع هيا دي المرة وبعدين خلاص حتعود ويكون الوضع عادي ...بس كل مره كانت زي كأنها اول مره

ما احب اتكلم مع اي احد غريب..حتى لو نفسي اسأل عن شي ما ارضى, ولو كان احد جمبي اخليه يسأل او يتكلم بدالي,, لو احد جا كلمني افز كدا ومدري ايش يسير وبرضو اتوتر ومعرف ايش ,, نفس الهرجه لو ابى اتكلم مع اي احد مسؤول زي الابلة في المدرسة

كنت في الفصل اجلس دايما في الاخير..لو قعدت قدام مااكون مرتاحة وما اركز عشان عارفه انو في احد ورايا

في المول مسلا لو كان الكاشير مليان وزحمه.. اخلي اي احد غيري يروح يحاسبلي
لو كنا في مطعم او كافيه... دايما اجلس في المكان اللي يكون مو بيان مرا للناس...عشان ما اقدر اكل لو في ناس كتير حوليا .. وازا اكلت ما اكمل اكلي

في حاجات كتير ما ااقدر اسويها عشان داك الاحساس اللي يجي مدري كيف

[Daniaa.]

المشاركة الأصلية كتبت بواسطة m!ss amooola اناعندي خلفية واسعه عنه بس ابغى اعرف الاعراض اللي تجيك..وايش الاشياء اللي تسبب لك فوبيا يعني مثلا تواجدك بالسوق والجامعة او اثناء القيام بالحديث امام الناس او الحضور للمناسبات الاجتماعيه ...الخ اذا كانت عائق لك لممارسة حياتك الطبيعيه تحتاجي لعلاج سلوكي معرفي والعلاج جدا سهل عباره عن جلسات تقوم بها الدكتوره ..وان شاء الله تتغير طبيعة حياتك للأفضل..

طيب ايش الفرق بينو وبين الخجل الشديد... قريت عنو وشفت انو تقريبا نفس الشي

[Daniaa.]

المشاركة الأصلية كتبت بواسطة i am ambitious الرهاب الاجتماعي يعني الخوف و الخجل الذي يصدر من الشخص في مواقف معينة... مثلا بعض الناس يخاف انو يوقف قدام الناس و يشعر بالخجل و يتلعثم... كمان خوف بعض الناس من الاماكن العالية او المغلقة يعتبر من الرهاب الاجتماعي ليا عودة

تسلمي...بس اللينك اللي اديتني هوا مدري ايشبو

[فراشة المطر]

أنا أحس وضعك طبيعي , أنتي يبغالك أصدقاء بس ...حسيت أنك شخصية واثقة من نفسها ولها مبادئها وآراءها من المدونة الممتعة هنا بالمنتدى ..أنا قريت مدونتك واستمتع رغم انها باللهجة العامية ومن اعجابي دورت على موضوعاتك عشان أرقا لك ..وتفاجأت أنك شاكة أنو عندك رهاب اجتماعي ...

شوفي كم عدد صديقاتك ,وكيف علاقتك بالأسرة ؟

اذا كانت تمام حلو , واذا كان عندك أكثر من صديقة أتوقع ما عندك رهاب ولا شي , بس أنتي خجولة شوي ...مدري نفسي أفهم شخصيتك أكثر ....أنا لما كنت بسنك كنت أخاف من أي مجتمع جديد يواجهني , أولى ثانوي , أولى جامعة ...

واللحين عمري 25 سنة وبدخل الجامعة مرة ثانية دبلوم , وبرضوا خايفة , بس هالخوف متأكدة راح يكون للوهلة الأولى بعدين يتشتت مع كثرة المواجهة ., والحل الأمثل هو تكوين صداقات وعلاقات ..

وسلامتك ..:)