مهم إختبار الإجتياز تخصص لغة انجليزيه ..~

[Dody.1]

المشاركة الأصلية كتبت بواسطة بنوتة هلالية طيب انا بحول للكلية يشملني هادا الاختباار

بالنسبه للتحويل ما عندي اي خبر ..
يعني انتي بتحولي للأداب ولا بتحولي من الأداب ! ما فهمتك ؟
فهميني سؤالك عشان لما اروح اسألها ؟

المشاركة الأصلية كتبت بواسطة *s* ياشيخة الله يوفقك مع دا الاذان *_* بركة قلتيلناا بس عندي سؤال .. انتي كاتبة "هذا اختبار اجتياز للي يبغو يدخلون انجليزي وما دخلهم النظام " أنا مكتوب عندي متخصصة لغات اوربية ( انقلش ) .. لازم اختبر دا الاختبار ولا لأ ؟؟ في انتظار ردك *_*

اذا معدلك فوق الـ 4 ودرجاتك في الاختبارين فوق الـ 90 وتخصصتي انجلش يعني مشي معاك النظام ما قلك لا يسمح وطلعلك رساله انه فيه شرط اختل ..
هذا يعني انك خلاص تخصصي ان شاء الله وما يحتاج تدخلي الاختبار ..

المشاركة الأصلية كتبت بواسطة .زهرة الأقحوان. السلام عليكم جزاك الله الف خير اختي دودي على هذا الخبر الحلو عندي سوال تسجيل الاسماء مفتوح الى يوم الامتحان او فيه مدة محدده للتسجل ؟

بالنسبه للتسجيل وما اعرف لين متى مفتوح بس راح اسألها بكره ان شاء الله واردلك خبر ..

المشاركة الأصلية كتبت بواسطة رياحين الجنة جزاك الله خير يادودي والله يسعدك ويوفقك يارب.. معليش حبيبتي انت روحتي الاحد صح انا بإذن الله بروح بكرا الثلاثاء فممكن تقولي لي لاي مبنى روحتي وقرأتي الاعلان ولا في العماده حاطينوا وكمان كشف الاسماء اسأل عنوا المسؤلات اللي عند الاعلان.. وايش كمان تنصحيني اسألهم اذا روحت إن شاء الله.. (: والله يجزاك الجنة على الخبر الحلو ويارب يكون الاختبار زي ما قولتي يااااااااااارب والله يوفقك ويسعدك يارب.. الله يوفق الجميع لما يحب ويرضا.. ويسمعكم ما به النفس تهنأ وترضى.. آآآمين يارب العالمين..

ويسعدك يارب انا روحت لمبنى الجوهره مكتوب عليه " كلية الادآب والعلوم الانسانيه "
اول ماتدخلي على يسارك قسم الانجليزي امشي لين الاخير وتلاقي غرفه عاليسار هذه السكرتيره
الاعلان كان مكتوب على الايطار نفس جدار غرفة السكرتيره ..^^

ابغاكي تسألي عن الاختبار بيكون اختياري ولا كتابه ..
وتسجيل الاسماء بالاستبانه متى حتكون أخر يوم ..
واذا حولتي انتظام تختبري مع الانتساب ولا االانتظام ؟
وايش الاشياء نحضرها يوم الاختبار ..؟ يعني زي الجدول وكشف الدرجات وغيره ....؟

المشاركة الأصلية كتبت بواسطة الحلا كلو هنا يسلموووو بس كيف راح تكون الاسئله اختياري ولا راح نكتب بليزز قولو لي >>تفكر تروح

ما اعرف ما عندي فكره راح اسأل بكره ان شاء الله الأربعاء :)

المشاركة الأصلية كتبت بواسطة lady yuna السلام عليكم .. ~ اولا مشكوره اختي على هالخبر الرووووعه لأن من زمان وانا ادور طريقه ادخل فيها تخصص english بس عندي سؤال اختي متى اخر موعد للتسجيل في الاختبار ..؟؟ يعني ممكن اني اسجل اسمي قبل موعد الاختبار بيوم او يومين ..؟؟ و السؤال الثاني انا الحين انتساب بس اذا انتظمت (بأذن الله) اختبر مع بنات الانتظام ..؟ ؟ واخيرا اسفه اذا ازعجتك ^^"

نفس الاسئله :) ان شاء الله بكره بسأل واردلك خبر ..

المشاركة الأصلية كتبت بواسطة lady yuna اختي ارجوكي جاوبني ... تراني مررره على اعصابي ..بليز

هههه طيب حردلك خبر بكره ان شاء الله حروح :)

..

والله يسعدكم يارب عالدعوات الحلوه ..
منورين وان شاء الله الاقي اجوبه لأسئلتكم ..
واللي عندها سؤال اتمنى تحطه قبل بكره الصباح عشان بروح وأسألها ..

بالتوفيييييق ..