بليييز أبغى رأيكم في جدولي :d:d:d

[بنت من الجامعه]

هااااي بنات كيفكم
كيف اجازتكم يارب تكون خطيييييييييرة
والله يعينكم على الأوديس ورزالتو وتقل دمو
بلييييز أبغى أخد رأيكم في جدولي يعني اللي مجرب المواد يقولي تنفع في نفس الترم ولا صعبه هده المواد مع بعض
الجدول كالآتي هع ::
1- قانون عمل وتأمينات >>>إحتمال أخدو وإحتمال لا حسب الدكتورة
2- أوراق تجاريه
3- مواريث ووصايا >>ان شاء الله مع الدكتور هاني >>أظن كده اسمو
4- أجكام إلتزام
5- قانون دستوري >>لو مع صباح ان شاء الله أخدها
6- عقود إداريه
بس بأفكر أخد بدل قاون عام وتأميات ماده إختياريه هيا ( مبادئ علوم سياسيه is
بس محتارة أحس انو هده المواد مع بعضها صعبه وأخاف أضغط نفسي
بليييز اللي درس المواد يقولي رأيو ومرررررة مشكووورين

[(( محمد ))]

أفضل الأقتراح الأخير . .
ماده حره او اختياريه مكان قانون العمل
اولاً لتخفيف الكم من المعلومات ونصاب ساعات المذاكره
ثانياً مادة قانون العمل لسيت مفتاح لمادة تليها اي ليست متطلب لمادة متأخره منها كـ احكام الألتزام للعقود المدنية و العقود الادارية للقضاء الأداري , بالتي انتي في حل من امرك في موعد درستها

هذا بعد النظر في اساتذة المواد من الأفضل من غيره

اتمنى لك التوفيق

[محامية أد الدنيا]

تمااااااام عليكي

زي جدولي مع بعض التغييييرات الطفيفة

بالتوفييييق

:)

[lawman2009]

ماشآء الله (6مـوآد ) كلهآ تخصص ... ليه ودكـ تذوقـي طعم القآء النفس في التهلكه

إنفذي بجلدك وآنا أخوك .. ونزلي بدل آي مآده تخصصيه .. مآده حره أو اختياريه أو حتى مو لآزم تنزلي بدآلها شي ...

[بنت من الجامعه]

أمممممم ممكن صح بس مافي مواد إختياريه عدله
قلت أخد مبائ علوم سياسيه بس برضو أحسها زي مواد القانون
بعدين أحس أنو قانون دستوري مع موارث وكمان احكام التزام واوراق تجاريه صعبه مع بعض في نفس الترم
انا ما درستهم بس على حسب كلام البنات أحس انو ضغط لو كانو مع بعض :(
ومشكويييين على تفاعلكم وافادتي :)

[sosoana121]

بنوتــه اصول فقه 2 مع د. مازن

تضمني درجة حلوة

[candy eme]

حبيبتي جدولك مرة تمام وزي مافادوكي الاخوان خدي بدل قانون العمل مادة اختيارية انا اخدت علوم سياسية ماكانت صعبة ابدا بس اذا ماتبغيها خدي بدالها مادة النظام السياسي السعودي وعلى فكرة عندي خبر لكي مو تمام القانون الدستوري مهو مع الدكتورة صباح للاسف حتمسكو الدكتورة اكرام والله يوفقك ويعيننا يارب على فكرة انا شوفني في المستوى السابع ولين دحين ماخدت مواد المستوى الخامس الي هيا احكام التزام وقانون عمل وجنائي خاص وعقود ادارية فمررة لاتشيلي هم وسهالة ان شاءالله واي شي تاني انا في الخدمة حبيبتي

[بنت من الجامعه]

الله يعطيكم العافيه ^^
يب عجبتني فكرة أصول الفقه يعطيكي العافيه أختي ان شاء الله حأخدو
بس اذا قانون دستوري مع إكرام يسير ورطه :(
يبغالي أغيرها وأخد ماده غيرها
مشكوورره كاندي يا قمر ما قصرتي :d

[قلبي من زجاج]

كاندي
أبغى اسالك اشلون إلى الان مادرستي أحكام وش قاعده تدرسين إلى الان
لاني صراحه مفكره أأجل الماده هاذي بسبب دكتورها
(لعل الله يحدث بعد ذلك أمر) بس خوفي ماأحصل بعدين شي أدرسه
أفديني جوزيت خير

[الملكة المدللة]

مساءك ورد
ياعسل جدولك مرة كويس
وحتدعيلي بعد مايخلص الترم
لاتتدلعي دحين وتندمي في الاترام الاخيرة
انا اخذت قانون عمل مع اوراق مع احكام وجنائي
ومادتين كمان بس والله مش فاكراها
شدي حيلك وتوكلي على الله والله ييسرلك يارب وايانا ,,,,,,