تقـآريركـم حول { إختبار تحديد المستوى } ..!

[..SusHi..]

بسم الله الرحمن الرحيم


انا اختباري كان امس في السليمانية


حقولكم على كم شي


اول شي الاختبار من ناحية سهل صعب هادا مستواكي الي يحددو لأنو يختلف من شخص لآخر فـ لحد يقول سهل او صعب انتي ومستواكي ^_^


تاني شي بنات السليمانية زي ماقالو البنات الي هنا خدو معاكم جاكيتات لأنو القاعة برد مرا


وانتبهو للتعليمات الي حيقولولكم هيا كويس


بالنسبة لجزء الليسينق لازم التركيز حاولو تقرأو الجملة معاه عشان تعرفو الجواب الصح بسرعة


وانتبهو للتضليل هنا لازم تكون يدك خفيفة مو اول شي تأشري بعدين تضللي لاء غلط كدا حيروح عليكي الوقت


ورح ترتبكي ورح تتلخبطي في الي بعدو حاولي تكوني سريعة


وحاولو تجلسو في الصفوف الأولى بس مو تضاربو مع البنات p: عشان تسمعو كويس


بس لاتخافو ترا الصوت عالي في القاعة


كمان في القطعة حاولو انكم تنتبهو للسطور والارقام عشان ماتلخبطو في الاجابات


القرمر عادي مارح يتعبكم بس اهم شي التضليل كويس وبسرعة ودقة



ويارب اكون افدتكم وبالتوفيق للجميع ^_^