خبرتكم يااهل الخبرة

[Barah]

السلام عليكم ورحمة الله وبركاتة
زي كل ترم حبيت انزل جدولي واستفيد من خبرتكم
وابغاكم تقولولي مين افضل دكاتره لدي المواد
وكيف جدولي اغير فيه ولا تمام
يعني في ماده صعبه اكنسلها دا الترم واخد غيرها ولا لا

مبادىء تسويق
مبادىء محاسبه 2
مالية شركات
السلوك الانساني في المنظمات
ثقافه 3
اخلاقيات عمل

واكون شاكره لكم وان شاء الله ربي يوفقكم ويسرلكم جميعا يارب.

[عاشقة الندى]

:.. وعليكم السلآم ورحمة الله وبركاتهـ ..:


أكثر شي أقدر أفيدك فيه السلوك الآنساني خُديه مع أ / سمر عناني تجيبي الــ a بالراحة ان شاء الله ..

بالتوفيق ياعسل ..


::....::

[ONI07]

الصراحة أنا أشوف تأجلي مادة المحاسبة للترم الأخير لنه ماراح مايفتجلك أي مادة تانية. وكونها مادة صعبة! أنا أنصحك تاخذينها في الصيف ، لنهم مرة يتساهلون.

ممكن تغيري بدال المحاسبة تأخذي بحوث عمليات أو استثمار اذا مشي الحال.

وبالتوفيق لكي

[اه من الجامعه]

هلا يااعسل


المحاسبه ترى مرا سهله المستوى الثاني وفيه ملخصات روووعه مرا وانا اخذتها مع عيشه السيد

تشرح وتفهم وتعيد لك بس مشكلتها انها ضعيفه شوي ماتقدر تحكم البنات وتسكتهم ,,

السلووك وانتي مغمضه مع سمر اسئلتها روعه وتفوت محاضرات كثير وتغيب كثير ومرا تمام شرحها

بس فيها شويه نذاله , انتي مالك شغل فيها خليك ساكته بمحاضرتها تسلمي منها وانا اخذت a معاها ,,

ماليه وشركات لسسا بأنزل هذا الترم ومدحولي نسمه ,,

ثقافه عادي خذيه مع اي احد لانو مو مهم مرا وماعليه درجات الا الاختبارات بسس وموحده كمان ,,

مبادئ تسويق اه بس غثيثه جدا جدا جدا وطويل الكتاب بالمره ويجيب المرض انا اخذته مع جيهان فكهاني

صراحه اسئلتها حلوه مابها شي تمشي الحال ومناسبه بالنسبه للكتاب وكلها اختيارات وصح وخطأ ,انصحك مع جيهان,

اخلاقيات ماعرف صراحه بس الماده سمعت انها سهله واسئلتها اختيارات وصح وخطا وفيه 10 ساعات تطبقي برا

الجامعه في اي مكان ,

ان شاء الله افديك ياعسسسل , بالتوفيق يارب ,,

[الــ في منتهى ــرقه]

شوفي يا عسل انا حأقولك اللي اعرفو والباقي ان شاء الله البنات يفيدوكي فيه


مبادئ تسويق انا اخدتو مع نعيمه بوقري يعني كان ماشي حالو

محاسبه 2 ازا في استازه ساره بكر مررررره تمام انا ندمت انو ما اخدت معاها محاسبه 1

واخلاقيات عمل انا ما عندي هدي الماده بس صحبتي اخدتها مع ابتسام حلواني وتقول مرره حلو

ومالية شركات مع نسمه ولا سحر مهران الاتنين ok

وبس ^^

[Barah]

عاشقة الندى
oni07
اه من الجامعه
الــ في منتهى ــرقه
مشكوره يعطيكم الف عافيه يارب
ربي يوفقكم ويسرلكم اموركم ...