piece of advice after graduation

[English boy]

المشاركة الأصلية كتبت بواسطة عبدالله بن عبدالرحمن اخوى انقلش بوي اعذرنى ما راح اوصل لمستواك واخاطبك بالانجليزية ولكن تصدق والله حطمتنى اخوي طيب وش وللشركات معروفةمى زينة باستثناء الشركات النصف حكومية زى الاتصالات او سابك وارامكو والباقى اغسل يدك وبعدين ياغالى اللى اعرفة التربية والتعليم تطلب معلمين ولديها عجز كبيييييير جدا جدا لية ماتقدم عليها وبعدين اعمل حسابك على الاقل 6 اشهر انا ولد خالى تخرج مهندس وجلس تقريبا اربع اشهر الى ان وجد فرصة عمل ف الشركة البريطانية فى الشرقية وايضا ولد عمى تخرج قبل رمضان تقريبا واستلم وثيقتة بنصف رمضان ويقولى والله الوضع مضلم شوي قدامة لان كل الشركات تطلب خبرة فقط وهم مهندسين ومعترف فيهم فى جميع انحاء العالم لكن يا عزيزى اصبر شوي وقدم على التربية والله زينة ووضعك المادي ايضا جيد فيها ومزاياها ايضا ممتازة تفائل بالخير طال عمرك ولا تقفلها بوجيهنا تكفا انا موضف (ممرض) ولكن صدقا اريد تغيير عملى وكنت اتوقع بحصل على طول عمل افضل ولكنك زرعت الخوف فى قلبي هههههه صراحة . اخوى اوصيك بشى والله العظيم انا اسوية دائما تزين امورى عليك بالاستغفار ولازمة كل وقتك وقبل النوم حاول تستغفر مية مرة واذا طبقتها اجزم لك تسجد عمل خلال شهرين بالكثير ان شاء الله لا تطرق باب البشر واطرق باب رب البشر اخوى هذى الحياة تعب وشقا ولا تستعجل على رزقك وانا اخوك تفائل وصدقنى ربي مار اح يخيبك وبعدين تعال اخوي قبل شهرين نزل الخدمات الطبية طلبات توضيف ومن ضمنها طلب مترجمين روح وقدم منت خسران شي روح المستشفى العسكرى بجدة والله عمل ممتاز لكن طويل دوامة بالنسبة لى انا تعبت حتى طلعت من المستشفى ورحت للصحة المدرسية دوامة تقريبا من سبعة ونص الى خمسة العصر احيانا بس ماتحس بالوقت بصراحة وتمازج ثقافى ممتاز جدا تلتقى بكل الجنسيات وصدقنى راح ترتاح روح قدم على المستشفى وعلى التربية والتعليم وصدقنى ربي ماراح يخيبك وانقز روح اكفل لك يتيم بمية ريال ولا تصدق على احد المحتاجين والله ثم والله راح تحصل العمل الطيب لكن ابراء للذمة = المستشفيات فيها ذنوب اكثر من اى مكان فى الدنيا لكن توكل على الله وتفااااائل اتمنى اقدر اوضفك لكن ههههه تستاهل كل خير والله يا غالى اسال الله العلى العظيم الواحد القهار ييسر امرك اخوى ويرزقك بالعمل الطيب ويرضيك فية ان على كل شي قدير وبالاجابة قدير اخوك عبدالله

هلا اخوي عبدالله
اولا كل عام وانت بخير .. واشكرك جزيل الشكر على كلاماتك الرائعه ..
يخوي والله ما اقصد احبط احد او اقلل من عزيمتك .. لا اقولك خليك على الطريق السليم وانت ماشاء الله عليك في حاله تقدم سريعة من السهل ملاحظتها . بالنسبة لي انا واصحابي اللي تخرجنا في نهاية الفصل الثاني كنا معشمين كثير قطاع التدريس بشكل رئيسي بحيث اننا ولله الحمد عدينا القياس وبدرجات طيبة والمقابلة الشخصية ودرجات عالية جدا . فوق التسعين يعني؟؟ هذي العوامل وبالاضافة الى رسائل التربية والتعليم على جوالاتنا بالمتابعة للتعيين وتعشيمنا بشكل اعتبرناها شبة مضمون .. وفجأة ومن غير اي مقدمات .. غيروا كل كلامهم وخطتهم ...؟؟؟ وقالوا ما راح نعين مدرسين جدد الا السنة الجاية بشهر سبعه .. هذي سنة راحت بلوشي ..
وغيرها وعيرها اخوي عبدالله ..
والله العضيم تعبنا وهم يقولوا بنتصل فيكم .. وجوالي مشبوك 24 ساعه بالشاحن عشان لايطفي ويروح علي فرصة وضيفة .. صار جوالي اذا دق يدق قلبي نفس النغمة المزعجة .. لاني معليها عشان ما يفوتني اي اتصال ...

شكرا لك عبدالله .. واتمنى لك التوفيق .. وتقبل اجمل تحياتي