تجمع للحاصلات على الماجستير نريد توفير وظائف بمسمى محاضر مثل وظائف البكالوريوس

[مطلع الفجر]

السلام عليكم ورحمة الله وبركاته

والله مشكلة إذا ما أصبحت الجامعات توفر وظائف محاضر بشكل أساسي لخريجين الماجستير، لأن الآن صار خريجين الماستر كثير مو مثل زمان الغالب بكالوريوس ونادر خريجين الدراسات العليا ، حتى تظل الجامعات تركزعلى خريجين البكالوريوس أكثر لتوفر لهم وظائف " معيد " لسد الإحتياج من وظائف أعضاء هيئة التدريس ، وغيرها من الوظائف في الجامعة .. ! الدنيا تغيرت وكل مالها تتطور وتتقدم في كل شيء..

حتى الوظائف الحكومية التابعة لوزارة الخدمة المدنية أغلبها لحملة درجة البكالوريوس والدبلوم ، قليل فيها الوظائف التي تطرح لحملة درجة الماجستير وإن طُرحت فهي في تخصصات محددة وقليلة وللذكور غالباً.. وأنا اللي ملاحظه هنا اللي بيشتكي كلهم بنات ..ماشفت ولد دخل يشتكي !!!

عموماً ...مفروض الموضوع هذا يوصل للمسؤلين ومن بيدهم زمام الأمر بعد الله تعالى في حل هذه المشكلة ، الكل يتوقع في المجتمع أنه اللي حاصل على درجة الماجستير أنه فرصته في التوظيف أولى من غيره وفرصته أكبر من الحاصل على درجة البكالوريوس ، لكن صاير الواقع العكس !!! وماحد داري عن هذي المشكلة الحاصلة مع خريجين درجة الماجستير ، وممكن الدكتوراه كمان !! يعني حملة الشهادات العليا بشكل عام .

أخاف نكمل دكتوراه نقول عسى يوظفونا بعد الدكتوراه ، وبعدين لما نجي نقدم كمان بعد الحصول على الدكتوراه يقولون لنا فين الخبرة العملية في التخصص !! ومن فين تجيب الخبرة وهم ما بيوفروا وظائف للحاصلين على درجة الماجستير !!!

وإحنا تم إنتقائنا تنقية للقبول في الماجستير والدكتوراه دون غيرنا وبعدد محدود !! وما وصل الطالب بعد توفيق الله للقبول إلا بعد جهد جهيد ولحصول كفائته ليكون طالب في الدراسات العليا !!!

حقيقي شيء غير منطقي اللي قاعد يصير وماينسكت عليه .

ياليت اللي يقدر يكتب عن هذا الموضوع في الجريدة حتى يوصل لأصحاب الشأن والمسؤلين ويحلوا هذه المشكلة .

أو اقترح ثاني ليه ماترسلوا لقناة الإخبارية فاكس أو إيميل في برنامج " نوافذ " أو برنامج " دوائر" حتى يتكلموا عن هذه المشكلة ويناقشوا المسؤولين فيها على الهواءلإيجاد حل لها ، البرنامجين هذي دايما تناقش المواضيع اللي زي كذا .

الله ييسر لنا مافيه الخير ويفرج همنا وهمكم يااارب آمين