يانااس انا علي ضغوطات :(

[Eng.SouL]

أنا أتمنى لو أبوي حمسني ولا قالي شي
كنت أروح عنده أول ما دخلت الثانوي أقوله وش تبيني أدخل في الجامعة؟
يقولي توك بدري على هالكلام،، ويوم صرت في ثالث ثانوي يقولي اختار اللي تبي
أقوله طيب عطني خيارات يقولي كل التخصصات زينه

أنا والله أكره الطب لو ما يبقى إلا هالتخصص في الجامعة ما أدخله،، بس لو أبوي يقولي أدخل طب والله لأدخله وأنا مبسوط
يمكنه ما يبي يحطني في مثل حالتك بضغوط ومادري وش


مرة في الثانوي عطيته شهادتي مكتوب النسبة 98% قالي زين مبروك،، بعدها بفترة سألته ما حسيتك فرحت يوم جبت 98% قالي توقعت منك أعلى من كذا،،، والله إني شديت حيلي وعذبت نفسي وفي الترم اللي بعده عطيته الشهادة مكتوب 100% >>>>>>>>> قولوا ما شاء الله
عاد قابلني إذا فيه إنسان يجيب أعلى منها قالي زين مبروك هههههههههههههههههههههه

عاد شد حيلك وصر أكبر دكتور في السعودية
وإذا مالك في الطب سو مثل ما قالوا الأخوان وكلم أبوك من بدري قبل ما تكون صدمة في الأخير ..
لأنك ما راح تبدع أبداً في مجال ما تحبه ~~~

والله يوفقنا وإياك،، وإلى الأمااام