Mbc توقف مسلسلات حليمة بعد 15 حلقة ..

[هنووووو]

المشاركة الأصلية كتبت بواسطة المسلم العربي حليمة رخيصة ممتهنة منحطة لأن غالبية الذكور المشاهدين لها لا يحترمونها ولا يهمهم سوى النظر إلى خلقتها وحركاتها بشهوة (أجلكم الله) وهي تعلم ذلك ولأجل الفلوس والشهرة كله يهون. فالأولى أن تدعين لها بالهداية والتوبة قبل أن يدركها الموت فتحمل إثمها وإثم من أضلت بخروجها هكذا. والمصيبة أنها تفعل كل هذا بإعانة mbc ومشاهديها المخلصين الوسطيين المعتدلين في شهر القرآن وموسم العبادة والتقرب إلى الله لتصرفهم عن ذكر الله ولتسعر الشهوات في الأنفس المريضة لتبقى غريزية لا عقل لها ولا فكر سوى في الشهوات والترف. ويقولون ليش الأزواج يخونوا ويطفشوا من زوجاتهم بعد مدة وليش الزواجات تفشل والزوجات اللي تبغى زوجها زي فلان منحط على mbc والا الواد اللي جابته rotana واللي تبغى البعل يكلمها بطريقة فلان اللي في المسلسل والزوج يبغى زوجته زي فلانة وزفتانة اللطيفات, وأيش فيها ليش انتوا كذا معقدين ومتشددين المسلسلات والفيديو كلاب ما فيها شئ مجرد ترفيه وتسلية.. مع الأسف احنا تفوقنا على أمريكا في المسخرة اللي في رمضان هذي.. ما ناخذ منهم تعليم وتقنية وعلم.. لا أبداً نأخذ قنوات الأغاني لكن عندنا أوسخ, وبرامج المسابقات عندنا أوسخ, وبرامج التوك شو أوسخ طبعاً الكيبل tv "العام" في أمريكا وكندا اللي ما يؤمنوا برمضان أصلاً ما فيه قذرات زي هذي الساقطة يتميلحوا ويتمايلوا ويتدلعوا على المتصلين أبو 10 ريال الدقيقة زي الحثالة هذي.. اللي يبغى كذا يشترك ويفكوا له التشفير.. وما فيه برنامج ينعرض إلا يكتبوا قبله السن المسموح.. هذا وهما كفره..أيش عذرنا أمام الله؟ لا والبعض يحسب نفسه ما شاء الله يصلي ويصوم ويمكن حج واعتمر خلاص صار شيخ الإسلام وفقيه مجتهد يفتي في نوازل العصر ويحلل ويحرم ويحكم على المخالفين أنهم متشددين ومدري أيش.. وإذا قلت له المسلسلات حرام يمكن يقول: " ما فيه آية في القرآن الله يقول أنها حرام" مسلسلات فيها إستهزاء بالدين والعلماء ومخالفات عقدية ونساء متبرجات في كامل زينتهن وعلاقات بين الجنسين وموسيقى وووو لعل المسلسلات الوحيدة اللي يمكن ما ينبطق عليها الكلام ذا مسلسلات المجد! يمكن!! الله يصلح الحال بس! مع الأسف صاروا البشر مبرمجين ومجيشين في إتجاه معين وفي سبات ما يدروا فين هما رايحين.. بس مشي حالك subjects ولكن i choose the red pill الله يبصرنا بالحق ويثبتنا عليه

الله يسعدك يارب على هالرد ..

بالنسبة لي أنا ترفعت عن سفاسف الأمور والإبتذال << متعوب عليها ترى هالسنة والحمدلله رمضاني غير مااتفرج تلفزيون أصلا ومريحة دماغي مااشوف غير مذكرات سائح على قناة فور شباب وخواطر 6 على قناة رسالة وبرنامج كيف تتعامل مع الله على قناة ام بي سي بس أنا اتابعهم كلهم على النت ومرات تسجيل متى مافضيت وبسسسسسسسسسسسسسس ولله الحمد والمنة ..
وقررت إنه بعد رمضان خلاص ما أتابع إلا البرامج الهادفة ولا للمسلسلات
والأغاني والبرامج اللي مالها داعي

وللعلم أساسًا أنا مو من الناس اللي مدمنة تلفزيون وذا الشي ساعدني وغير كذا اختبارت الفصل اللي فات كان لها دور بترك التلفزيون لأني عزلت نفسي وقفلت التي في وشديت حيلي ومن بعدها حسيت إنه حياتي أحلى وأروع ونفسيتي مرة ريلاااكس فقررت إنه على طول كذا وتوقفت عن الأغاني ولله الحمد والمنة والفضل وعقبال كل من يبي الهداية الله يهديه واللي ما يبي برضو الله يهديه برضا بغصب ربنا يهديكم جميع ..

ونصيحة لوجه الله لاتتكلمون على هالمذيعات الضالات لطريق الهدى والرشاد بس أدعو لهم بالهداية لأنه فعلا من كثر ماتغتابونهم أخذوا أفضل وأكمل حسناتكم وأعمالكم يعني هم الكسبانين أنتم أتعبوا وجمعوا حسنات وأعطوهم إياها بارد مبرد ..
ومشكورين على إتاحة هالفرصة لي والمايك معكم الآن