التحويل من العلوم الطبية لطب الأسنان .،

[Dr.Amal]

أهلين Dr~NanoOok ..

في جامعة الدمام في سنة أولى عامة لجميع التخصصات ندرس فيها أحياء وكيمياء وفيزياء وانجلش وثقافة اسلامية
وباقي المواد تكون خاصه بالعلوم الطبية
يعني افهم من كلامك أختي إن لو السنة القادم اطلب تحويل إلى جامعة الملك عبد العزيز
أدخل السنة التحضيرية وعلى اساس معدل السنة التحضيرية أدخل كلية طب الأسنان ؟

مشكورة حببتي ع الررد

[Dr~NanoOok]

ايوا وعلى كده ناقصك مادتي الرياضات والاحصاء

وأعتقد حيخلوكي تعيدي السنة .. لأنه بالكليات الصحية مافي نظام حمل المواد للسنة القادمة
وتدرسي تحضيري

أو انهم ممكن يعادلولك الساعات.. ويصير بعد التخرج تكملي المواد والساعات اللي ناقصتك
والله ماعندي فكرة عن هذا الشي.. لكن بفترض من عندي

وحاولي تسألي أكثر .. وأحد يشتغل في عمادة القبول والتسجيل
أو الأستاذ المشاط.. أشوف كثيرين من طلبة السنة التحضيرية هنا بيتواصلوا معاه ويسألوه عن طريق الايميل
وبيرد عليهم دايما

حطي تساؤلك في قسم السنة التحضيرية.. وإن شاء الله يعطوك ايميل المشاط ..



وأنا واحدة من صحباتي.. لما جات تحوّل لكلية أهلية عشان تدرس طب بشري
قالولها انها ما درست احصاء.. و عدد الساعات حقت بعض المواد أقل من الساعات اللي طالبنها
فقالولها لازم تختبري اختبار القبول في المواد اللي ناقصتك
أو انك تعيدي السنة الأولى كاملة

وعادت السنة الأولى من جديد

~


والعفو عزيزتي
وإن شاء الله أقدر أفيدك