سرقوني الجامعه عيني عينك ... حسبي الله ونعم الوكيل

[دمعة يتيم]

السلام عليكم ورحمة الله وبركاته


والله شيء يقهر نختار المواد قبل دفع رسوم الصيفي

حسب الموجود في قائمة الشعب الدراسية للترم الصيفي

ويوم سددنا ودفعنا وجينا نبحث عن المواد ما نلقاها


جيت ابضيف مادة مباديء إدارة عامة ومادة موجوده بالشعب الدراسية

للترم الصيفي

واجي اضيفها ما تطلع عندي الشعب


واجي اضيف إدارة أعمال دولية بالخطه متطلبها إدارة موارد بشرية

واجي ابضيفها يقولي لازم تخلص استثمار ومادة الإستثمار مي موجوده

لمتطلب إدارة أعمال دولية ( شيء يقهر )

وش التسيب هذا وش النظام الفاشل والسيء حنا يا الله متحملين ظروف السفر والتعب

والصرف من الفلوس على الجامعه والشقق بجدة فوق كذا يلعبون علينا

والمواد الحره عندي ولا ماده كلها بالازرق ليه ياخي وش الظلم هذا

يعني ما يمديني انزل ولا مادة حره


يا ليت احد الاخوان يفيدنا وأتمنى ويا ليت أني غلطان

حسبي الله ونعم الوكيل

[william]

جرب مقرر تخطيط وتنمية الموارد البشرية bus335

وفيه مقرر كويس اطلعت على منهجه
اسم كتابه المنهج القويم في تفسير القران الكريم
للدكتور عادل ابو العلا

مقرر 3 ساعات isls اسلامي اسمه التفسير نسيت وش رمزه
بس مقرر سهل ومعقول فيه بعض تفسير آيات سورة النساء
عدد صفحاته تقريبا 300

والدكتور يمدحونه كثير هو مؤلف الكتاب نفسه
زميل لي نزله هالمقرر في الصيفي الآن

هذا الي اقدر افيدك فيه حاليا

[aziz8008]

اخي الكريم


طول بالك وهونها وتهون ان شاء الله وكل مشكله لها حل


بالنسبه لمادة الادارة العامه موجوده في قائمة الشعب الدراسيه باللون الاحمر معنى ذلك انها غير متاحة للتسجيل في الصيفي لطلاب الانتساب


اما بالنسبه لمادة ادارة الاعمال الدوليه فمتطلبها صحيح هو ادارة الموارد البشرية والاسثتمار بناء على الخطة الموجوده في نظام الاوديس لانها هي الصحيحه واترك الخطة الموجوده في موقع الكليه لانها لم يتم تحديثها


اما بالنسبه للمواد الحره

اللي من خارج الكليه مانزل منها شيء في الصيفي مثل فن الاقناع والرأي العام لانها كلها في قائمه الشعب باللون الاحمر


اما بالنسبه للاختياري


فيوجد هناك مواد موجوده في مسار التسويق وهي 311 سلوك المستهلك 3 ساعات وهي مادة سهله وتجد لها ملخص في المرفقات


ويوجد ايضا ماليه دوليه 448 مع دكتور احمد زينه وهو دكتور عسل ويمدحونه الشباب ويوجد ملخص للمادة معتمده الدكتور في قسم الملخصات


وكذلك 315 بحوث التسويق 3 ساعات وكذلك ادارة مبيعات 416


وجميع المواد المقترحه السابقه من مسار ثاني غير مسارك اللي هو ادارة الموارد البشريه واللي تقدر تاخذها كمادة حره او اختيارية



ويوجد ايضا مواد سهله ونازله بالصيفي من قسم الادارة العامه وهي


ادارة المشروعات العامه 432 ونازله مع دكتور عسل وهو عبدالعظيم شمسان وتلاقي في المرفق مذكره للدكتور شمسان لهذه الماده


وايضا وادارة الجودة في الاجهزه الحكوميه 421 مع الدكتور شمسان ولها ملخص في قسم الملخصات


وايضا مادة ادارة العلاقات العامه 461 مع دكتور ممتاز ايضا وهو احمد اسعد


وكذلك مادة اخلاقيات العمل ماده سهله بس مشكلتها مانزلت بالصيف وتقدر تنزلها الترم الجاي ورقمها pad 201


ولجميع المواد السابقه تقدر تحصل ملخصات اكثر من قسم الملخصات في ملتقى الادارة العامه




وللمعلوميه


بامكانك اخذ مادة من نفس الكليه سواء ادارة عامه او اي ادارة اعمال بس من مسار اخر غير مسارك وانت حر تعتبرها حره اذا بغيت او تعتبرها اختباريه اذا بغيت


بمعنى كل مادة اختياريه لازم ان تكون من نفس الكليه ( سواء من من ادارة عامه او ادارة اعمال بس من مسار غير مسارك )


وكل ماده حره لك الحريه في اخذها من الكليه او من خارج الكليه مثلا من كليه الاداب


ملاحظه هامه :

في حال رغبتك في تسجيل ماده حرة او اختيارية يوجد لها متطلب وانت لم تاخذ هذا المتطلب او غير موجوده عندك في قائمه الحذف والاضافه

فإنه بإمكانك تسجيل هذه الماده


وذلك عن طريق ارسال معامله الكترونيه توضح رغبتك في تسجيل الماده ولازم تذكر لهم انها ماده حره او اختياريه كي يتم تجاهل متطلبها لك


ياليت اخوي لو تقول لنا المواد المتبقيه لك من الخطه عشان نقدر نساعدك في الاختيار



واتمنى لك التوفيق والنجاح

[RAUL 7]

دق على الرقم 026952000 وحط التحويلة 65327 بيرد عليك واحد اسمه احمد بالخير اشرح له موضوعك وهو بيحل الموضوع انت بس لاتتحمس واجد وش سرقوني الجامعة الله يهديك بس؟؟؟!!!

[دمعة يتيم]

وليام ما قصرت الله يعطيك العافيه


تسعدني بردودك مشكور اخوي

[أبو رسيل]

اوف سرقة مره وحده

ههه وراك معصب يالغالي

خذ الامر بسهالات والمادة اللي ماتجي بالصيفي تجي بالترم العادي

يعني لا تخاف ماراح يطيحون عنك اي مادة

:)

وبصراحه ومن غير مجاملة

احبه هالولد ياناس aziz8008 الله يوفقك يااااااااااااااااااااااارب

بجد والله ردودك وافية

وياعيني على رؤول :)

والله يوفقك يالغالي

[دمعة يتيم]

عزيز عسى الله يسعدك ويكتبلك النجاح والتوفيق دائما


واشكرك على تفاعلك وانا اخذت بنصيحتك ونزلت سلوك المستهلك

وابشرك ولله الحمد نزلت مادة ادارة اعمال دولية


والحمد لله على كـل حـال


واشكرك كل الشكر اخوي على ردك