طلب من سكان حي الجامعة ...

[Extreme]

السلام عليكم ورحمة الله وبركاته

بغيت طلب بسيط من سكان حي الجامعة

والله انا ودي اسجل في السكن الجامعي بس للأسف انا انتقالي واخاف ما يقبلووو طلاب الانتقالي

الصراحة حالتي جدا صعبة وانا لمن الحين عايش في صراع نفسي كل الناس عمن تقووول والله سجلنا في الجامعة الحين بدأت الاجازة وانا للأسف حابس نفسي في غرفة وافكر ايش اسوووي
مني عارف ايش مستقبلي

حاس ان هموم الدنيا على راسي كيف وايش اسوي عشان اتعدى السنة التحضيرية بمعدل مرتفع

كل مواد السنة التحضيرية بالانجليزي

وايش اسوي وفين ادور على سكن قريب من الجامعة لأني ما عندي اي وسيلة مواصلات

فحبيت اسألكم الله يوفقكم ايش رايكم في السكن في حي الجامعة

انا سمعت انه سيئ بس ايش اسوي ظروفي راح تجبرني على هالسكن في هذا الحي

تعرفوا شقق عزابية قريبة من الجامعة

لو عندكم اوتعرفوا ناس طيبين يبغووو يأجروا سكن للعزابية بالله عليكم اعطوووني رقمهم

ارسلولي ع الخاص الله لا يهينكم

اي صح حبيت اسألكم كيف طريقة تسديد الاجار بالشهر ولا كيف ؟؟؟؟

الله يوفقكم ويستر عليكم

[abdullah.al-hazmy]

أخوي
هدي نفسك شوي بالنسبة للسكن اذا كنت تبي شقق في خارج الجامعة تلاقي في حي السليمانية وطريقة التسديد في هذه الشقق على حسب صاحب العمارة بعضهم يقول بالفصل الدراسي وبعضهم بالسنة وبعضهم بالشهر


وانا راح ابحث لك ان شاء الله عن ارقام واديك خبر

اما حي الجامعة فما عندي اي فكره عنه
ننتظر بقية الاعضاء
اتمنى انك استفت مني

[..عـ أنثى ـذوبة..]

السنة التحضيرية بالنسبة للعلمي ع حسب اللي جربووهااا يقوولووون انو تحتاج لمعرفة مصطحات وترجمتهااا ..


ويسهل عليك الموضووع .. لاتشيل هم استفيد من فترة الاجازة بانك تاخذ دورة انقلش عشان تقوووي لغتك ..

والمذاكرة اوووول باااول .. هي سر النجااااااااااااااح...

بحاوووول ادووورلك ارقااام للشقق قريبة واذا لقيت بحطهاااااااااااا لك ..

بالتوووووووووفيق ..

[Extreme]

يعطيكم العافية حبايبي إن شاء الله ما تنسوووني بس

[M!Ss mas6ola]

ليش كل هذي الهموم وحآبس نفسك ومدري ايش
كذا بتضيع نفسك بدل ما تطلع وتسأل
..

اذا على شقق العزابية بسأل لك وان شاء الله الاقي

..

واذا على المواصلات اتفق مع اي سواق تاكسي يمر لك كل يوم والشغلة بس 5 ريال او 10 ..~


..


واذا على دراسة السسنة التحضيرية كلهم يقولوا انها سهلة والدكتور يشرح ويترجم وانتا تكتب الترجمة
وشوف المواضيع اللي في المنتدى عن السسنة التحضيرية المثبتة واللي منتشرة في كل القسم
مرررا استفدت منها وعن طريقة مذاكرتها والملخصات والاختبارت كيف تيجي ... الخ الخ
واذا على سعر الكتب تقدر تصور من طلاب السنوات اللي فاتت ..~
الشغلة مرا سهلة وما يحتاج لها ذا كلو

..

واسأل السنوات اللي قبل تنحل المششكلة

انتا علمي ولا اداري ..؟!
اتمنى لك التوفيق

[Extreme]

علمي يعطيكي العافية

حابس نفسي ورا الاب توب عمن ادور واسأل

والظاهر انه ما راح الاقي ردود لأنه هاذي حوالي تاني موضوع وانا مستني يوم الخميس شكلي راح اشد لجدة واشوف وادور

[M!Ss mas6ola]

أح‘ــسسن من قعدة الاب توب

الله يوفقك ويسرلك ..

[تفاصيل]

اللي اعرفه بالنسبة للبنات يقبلوا في السكن طالبات الانتقالي والتأهيلي ..
ان شاء الله تنقبل في السكن ،، بس اظن التسجيل في السكن كان في نفس مدة تسجيل الجامعة ولا لا !!؟

الله ييسر لك ..

[Extreme]

طيب انا قدمت في السكن الجامعة وحطيت اخر شئ في المؤهل : ثانوية عامة

ايش رايكم كله تمام ولا لازم اعيد التسجيل واكتب تحضيري علمي انتقالي

[Extreme]

ياليت احد يرد علية ومتأكد من رده أو واحد من ادارة المنتدى يشرفني في مووووضووعي ويريحني

لأني اتصلت على ادارة الاسكان وقالولي عادي ومني عارف ايش وانا حاس انهم عمن يصرفوا ولاشئ لأني منجد رفعت ضغطهم لمن ردووو علية <<< هئ هئ هئ مجرم