بنات مكه والطائف..

[bishoo*]

للرفع
فين البنوتات

[C H E E R Y]

الله يعينكـ حبيبتي

وإن شاء الله تلاقي بنات معاكي ...

[Haioof]

هلااا بيشو انا من الطائف ..
بس قدمت على السكن ...

الله يعينك ع المشوار . مررررة تعب

بالتوفيق

[bishoo*]

c h e e r y
الله يسلمك حياتوو
ان شاء الله

[bishoo*]

Haioof
اهلييين فيك
الله يعين بس انا ماخذا في بالي قول الرسول صلى الله عليه وسلم (من سلك طريقاً يلتمس فيه علماً سهل الله له به طريقاً إلى الجنه)فيما معناه

[bishoo*]

يله يابنوتات فينكم..

[مكاوية قوية]

يارب تلاقي ولايروح عليكي السعر الصراحة مرة حلو

[vioilat]

الله يوفقكِ
وتلاقي بنات يروحوا معاكِ

[بحر الحرية]

السلام عليكم أختي بيشو..
أنا آسف إذا كان يزعجك الرد في موضوعك لأنه خارج عن الموضوع، لكن والله هياا مجرد نصيحة أخ لأخته:

شيلي هذي الفكرة من راسك، وقبل تسويها فكري فيها كتيييييير، حديث الرسول صلى الله عليه وسلم: "من سلك طريقا يلتمس فيه علما سهل الله له به طريقا إلى الجنة" مو معنى الحديث إنك تسافري وتمسكي خط كل يوم، لأن الله أمرك باليسر والسهولة، في القرآن قول الله عز وجل:
"ربنا ولا تحملنا مالا طاقة لنا به"

وفي الحديث الصحيح من رواية أبي هريرة رضي الله عنه:
"السفر قطعة من العذاب"

اللي أقترحه عليكي:
قدمي على السكن في جدة، والـ700 ريال اللي راح تحطيها ف الباص، حطيها ف سكن الجامعة، انتي دحين طالبة جامعية بحاجة للاستقرار، ومسألة إنك كل يوم تسافري ممكن راح تضرك ف معدلك ودراستك، لأنك ف السنة التحضيرية دوامك الساعة 8، وما تخلصي إلا 2 أو 3 ف الظهر، وراح تطلعي أول شي على مكة، نص ساعة عبال ما يوصل الطالبات اللي ف مكة، ومع زحمة الطريق والخروج ممكن تجي أكثر من نص ساعة، بعدين فكري إنك راح تطلعي على الطايف، يعني يا دوب توصلي البيت الساعة 5 أو 6، حتوصلي تعبانه ودوبك ترتاحي وتنامي وتتفاجئي بداية يوم جديد ونفس الفلم.
ولا تنسي إنك ف السنة التحضيرية محتاجة أكبر قدر تقدري عليه من الدرجات، عشان تتخصصي ف الشي اللي تبغيه، وترتاحي ويكون معدلك مرتفع في بقية السنوات.
وجدا صعبة صعبة صعبة مسألة السفر من الطايف إلى جدة، يمكن لو كنتي ف مكة نوعا ما تكون مقبولة، لكن للطايف كثير مره، تقريبا 200 كيلو، يعني كل يوم 400 كيلو ف الطريق.
فكري مزبوط أختي، والسكن ف الجامعة أفضل حل لكي، وإنشاا الله راح تلاقي أخوات لكي وأكثر من أخوات ف السكن يارب.

الله يوفقك ويسهل عليكي ويخترلك اللي فيه الخير يارب، وآسف إذا كان ردي محبط لكي، لكن هذي هياا الحقيقة، وأنا أعتبرك زي أختي، ولو كان عندي أخت وكانت ف موقفك، كان نفس الكلام هذا راح أقولها لها وأكثر كمان.

موفقة يارب؛؛

[bishoo*]

اللهم امين
الله يوفقكم يابنوتات