دفعه 10 بخصوص التخصص

[الذهبي خالد]

السلام عليكم

شباب انا قرأت منكم ان التخصص لسى ما بدأ لكن يمكن ان اختار الكليه

طيب كيف اختار الكليه ؟؟ وين ارووح وكيف الطريقه

ومشكووورين

[عـ,,,ـل]

افتح الاودس

حتلاقي طلبات التسكين للسنه التحضيريه

ادخل عليها ورتب الكليات على حسب رغبتك

وترى الطلبات بدات من زمان

ونتايج الفرز لسى ماتحدد وقتها

[Esraa .MD]

انتهى التقديم للكليات لانه التقديم كان من شهر ربيع ثاني في الاوديس وخلاص اتسكنا وحطونا في الكليات بس التخصص لسا لكن ازا انت فاتك روح للعمادة وشوف واسئلهم

[عـ,,,ـل]

اسراء كلامك هادا ينطبق على الانتظام

الانتساب لسه ماحددولنا الكليات ولسى نقدر نغير الكليات

ماخلص وقتها

[الذهبي خالد]

طيب يا اخوان انا طبقت كلامكم ورتبت
وضعت الاختيار ات
1.الأقتصاد والادارة - ادارة عامة
2. الآداب
3.كلية الاعمال برابغ - ادارة أعمال

وتم حفظ الطلب بس كيف اعرف انهم قبلوني في الاختيارالاول ؟؟؟

[عـ,,,ـل]

حتعرف لمن تطلع الننتايج

والنتايج حتطلع في خانه

نتايج فرز السنه التحضيريه

بس يلين دحين محنا عارفين متى النتايج ناس يقولو

نهايه رمضان وناس يقولو عالعيد

لاتستعجل بس كل بعد فتره ادخل االاودس عشان تعرف ازا طلعت النتايج ولالا

بالتوفيق

[الذهبي خالد]

واذا طلعت النتائج في الوقت المحدد سواء قبل او بعد العيد

يسمح لنا بعدها بالتخصص ؟

[عـ,,,ـل]

ايوا لمن يفرزو الكليات

حتطلعلنا ايقونه حقت التخصص

ونحدد التخصصات اللي نبغاها وبس

هما يخصصونا

[الذهبي خالد]

مشكوووووووووووووووووووووووووووووووووووووور عـــ،،،ـــل

[عـ,,,ـل]

لا شكر على واجب

نحنا فهادا المنتدى عشان نساعد بعض