استفسار بخصوص الشهادة ياشباب

[طالب ثانوية صناعية]

السلام عليكم ورحمة الله وبركاته

شباب انا متخرج من المعهد الملكي الفني للقوات البرية بالقصيم عام 1423هـ

طبعا انا رفعت الشهادة اول ماتخرجت لوزارة التربية والتعلم واعطوني خطاب موضوعة معادة شهادة

وذكرو انها تعادل شهادة المعاهد الثانويى الصناعية بمجال اختصاصها وانا اختصاصي (الكترونيات)

ونسبتي فيها 96.2

ولما رحت لشؤون الاختبارات ابي اصدق الصوره من عندهم قالو مانصادق الا على الشهادة نفسها هذي لازم تروح للرياض تصادقها طبعا الخطاب تحت توقيع وكيل الوزارة المساعد لشؤؤن الطلاب رئيس لجنة المعادلات

الي سويته انا صورة شهادة التخرج من المعهد وكشف الدرجات وصورة من خطاب المعادلة وسويت عليها تصديق من الوحدة الي موظف فيها صورة طبق الاصل وارسلتها مع بقية الاوراق للجامعة

فالان انا محتار ما ادري يقبلوني والا لا

انتظر ردكم ومشكوووورين ع ماتقومون به من خدمة لاخوانكم

[تعبت اصبر]

والله انا شهادتي شهادة معهد ثانوي

معهد المراقبين الفنيين بالطائف

واليوم ارسلتى اوراقي وشهاداتي من غير معادلة ولا شي ارسلت صورة مصدقة من نفس شهادة المعهد وإن شاء الله يقبلوني

[sure]

لازم يصدقون عليها شئون الاختبارات لان هذا الامر مر علي سابقا

و شرطوا علي التصديق من لجنة شئون الاختبارت ورحت وصدقتها من عندهم

اذا انت مو بالرياض وتخاف تاخذ وقت الله يعينك روح الرياض و سويها بنفسك ترا ماتاخذ ساعه زمن

انا سويتها في ربع ساعه دخلت على الموظفه وصادقت عليها

[طالب ثانوية صناعية]

مشكلتي مو من الرياض وعادي لو قبلوني بجيب لهم الاصل ماعندي مشكله بس انا خايف مايقبلوني

[sure]

طيب انت ادخل موقع الجامعه وتلاقي فيه شروط التسجيل فيه انواع من الشهادات حاطينها ويقون ما يقبلونها

شوف شهادتك وحده منهاا او لا اذا مو منها روح الرياض وجيب الاصل لانه ضروري يكون الاصل موجود

[طالب ثانوية صناعية]

طيب اذا ماقبلوني يوضحون لي السبب الي رفضوني عشانه ام لا؟

[sure]

(علمي – ادبي – تحفيظ القرآن – تجارية – علوم طبيعية – ادارية – شرعية – المعهد العلمي – الثانوية الصناعية – الثانوية الصحية – الثانوية الزراعية – ثانوية المراقبين الفنيين).

هذي الشهادات اللي يقبلونها و اظن ولا ابي اخيب ظنك ان المعهد الملكي الفني مايقبلونه لكن انتظر وشوف

واذاما قبلوك تلاقي في الطلب سبب عدم القبول