الي يعرف شي عن كلية حي السلامه يدش .!

[سنه تحضيريه]

صباح الخير بنوتات
حبايبي مين يعرف اذا الجامعه اكتفت ولا لا
لانوو اليوم موعد بنت خالتي واخاف مايقبلوها

[MS.Fabulous]

مرحبا
ومبروك القبول انا درست في السلامه وراح افيد باللي اعرفه
السلامه بس فيها تحضيري مافي تخصصات
وبعد ماتخلصي تحضيري تتخصصي سواء في السلمانيه او فرع الفيصليه على حسب رغباتك والاكتفاء كمان
فجيبي معدل عالي عشان تضمني التخصص اللي تحبيه
موقع السلامه شارع صاري بعد شارع المطاعم
جنب الثانويه 27 للبنات وبجانب مركز التوحد بالضبط
والمبنى تمام مرتب ونظيف والاستاذات عسل
والدراسه فيها حلوه
بالتوفيق ان شاء الله

[مهاووووي]

السلام

انا اعرف ياخوخه القلب ان في نبات حولو من علمي لاداري وسبب تحويلهم ان دراسه العلمي صعبه
والسكن حسب التخخصص الي تبغيه في كليات كثير تحت مسمى الجامعه

[jody 66]

المشاركة الأصلية كتبت بواسطة ms.fabulous مرحبا ومبروك القبول انا درست في السلامه وراح افيد باللي اعرفه السلامه بس فيها تحضيري مافي تخصصات وبعد ماتخلصي تحضيري تتخصصي سواء في السلمانيه او فرع الفيصليه على حسب رغباتك والاكتفاء كمان فجيبي معدل عالي عشان تضمني التخصص اللي تحبيه موقع السلامه شارع صاري بعد شارع المطاعم جنب الثانويه 27 للبنات وبجانب مركز التوحد بالضبط والمبنى تمام مرتب ونظيف والاستاذات عسل والدراسه فيها حلوه بالتوفيق ان شاء الله

ياعسسسسل مرررره شكرا كنت بسأل عن موقعها ... بس جاوبتيني انتي .؟؟

لان البنات قالو جنب الثانويه 35 وانا اللي اعرفه ان ال35 مافي جنبها كليه

مرررررره تسسسلمي ..

[حتاتي]

انا بعد اقبلت بالسسلامة بس ما معاي أحد إلا وحدة من صحباتي الله يسعدها إنشاءالله كل وحدة اقبلت معنا بالسلامة يكون معها أحد تعرفة مره احساس إنك لحالك شنيييع

[jody 66]

انا اعرف بنات بسس مو كثير ..* * بسس صحباتي اللي معايا مره مادخلو جامعه

ان شاء الله اتعرف

[نونة الدلوعة]

هاااااااي كيفكم

انا اليوم استلمت بطاقت الجامعه انقبلت بكلية السلامة
مرة مقهورة لانها بعيده وانا كنت اتمنى اكون بالسليمانية

وكمان مافي احد اعرفة بكلية السلامة صحباتي كلهم بالجامعه


بس حبيت اسألكم الحين كيف اعرف جدولي وانا ف اي خطة؟؟؟؟

[شقآوه بدلع]

نونه ياعسل الف مبروك القبول

شوفي ياقلبو اول شي ادخلي ع دا الرابط

http://odus4.kau.edu.sa/students/index.asp?

بعدين حطي رقم الطالب حقك تلاقيه مكتوب ع البطاقه

وكلمة المرور اللي هيا سجلك المدني بدون اول رقم

واضغطي ع كلمة دخول :)

وبس عندك حيكون ع اليمين في قائمه اختاري منها الجدول وبتشوفيه

وياليت يكون شرحي واضح

وبالتوفيق ليا وليكم كلكم

[طالبـــه]

مبرروك القبووول


أنا كمان نقبلت بالسلامه

بس سؤاال فين يكون السكن حق طالبات الكليه هذه؟

[فلسفة فكر]

ربي يخليكم شكرا لكل اللي ردو علي .......
الله يوفق الكل ........ من جد الجامعه شغله متعبه حسبالي لما اخلص من الثانوي راح ارتاح بس تعبت.........قدرات ,تسجيل , مواعييييييد؟؟؟؟ شنو هذا لا ورغم هذا كله مو عارفه شنو اتخصص تخصصات الادبي كلها مو مستقبل

انقلش خايفه اتخصصه واتوهق ؟
ادارة اعمال مو عارفه عنها شي ممكن تكون وظائفها بعدين اختلاط؟
الله يخليكم ابي نصيحتكم بس


مجرد نصيحه









.........................................

والله احيانا افكر اقعد في البيت وبلا ش جامعه وعوار راس ........بس انا بآمس الحاجه للدراسه .........انا جديده بجده ومااعرف احد هنا ياليت اعرف وحده بكلية حي السلامه