سؤال محيرني ياهل الخبره

[سنيوره جده]

السلام عليكم...
عندي سؤال محيرني اتمنى تفيدوني يااهل الخبره

بالنسبه لمسارات الاداره العامه اي واحد فيهم يشمل القطاع الخاص اكثر

ذا السؤال مهم بالنسبه لي جاوبوني ولكم مني خالص التقدير والشكر

اختكم في الله _سنيوره_

[اخطرواحد]

عزيزتي
اتوقع والعلم عند الله انه المسار العام أفضل وبكثير
وفالك التوفيق

[T@RIQ]

المشاركة الأصلية كتبت بواسطة سنيوره جده السلام عليكم... عندي سؤال محيرني اتمنى تفيدوني يااهل الخبره بالنسبه لمسارات الاداره العامه اي واحد فيهم يشمل القطاع الخاص اكثر ذا السؤال مهم بالنسبه لي جاوبوني ولكم مني خالص التقدير والشكر اختكم في الله _سنيوره_

هلا اختي ،،، السؤال هذا انا دخت وانا ادور جواب عليه ،،، وماخليت احد ماسألته ،،، حتى في الجامعه مابقي موظف في قسم الاداره الا وسألته ،،، والله يا انا نشبتلهم نشبه لما جيت اختار مسار ،،، المهم اختي بعد التعب هذا كله خرجت بالمعلومات التاليه :
جميع مسارات الادارة العامه تخرجكي على وظائف القطاع العام وبنسبه قليله في القطاع الخاص ،،، وبخصوص ايهم يشمل الخاص اكثر ،،، كل واحد اعطاني جواب على مزاجه ،،، الي يقول تطوير واللي يقول عام والي يقول مستشفيات .

لكن اسمعي كلام اخوكي ،،، شيلي هالموضوع من راسك ولاتشغلي نفسك فيه ،،، اصلا الفرق بالدراسه بين المسارات اقل من عشره مواد ،،، ومستحيل العشره المواد هذي هي اللي حتفتحلك ابواب التعيين في الخاص ،،، وبعدين خريجي ادارة اعمال اش يسوون فيهم ،،، المهم اختي انك تختاري المسار المناسب لكي ،،، والي يتناسب مع طموحاتك الوظيفيه في القطاع العام ،،، يعني خلي تركيزك على وظائف القطاع العام ،،، لان الاولويه لخريجي الادارة العامه هو القطاع العام ،،، واذا كنتي محتاره بالاختيار بين المسارات ،،، ادخلي على هالرابط وراح تلاقي عدة ردود انا كاتبها وان شاء الله تساعدكي في اختيار المسار . http://www.skaau.com/vb/showthread.php?t=227689&page=2

اما اذا كان لكي خاطر في القطاع الخاص ،،، قدامك ثلاثة حلول ،،، تحولي ادارة اعمال ،،، او تشوفيلك واسطه بعد التخرج تدخلكي بالراحه في القطاع الخاص ،،، او تتخرجي من الادارة العامه وتشوفي نصيبك ،،، يمكن تكوني من النسبه القليله الي قلتلك عليهم وتتوظفي في الخاص ،،، تحياتي اخوكي طارق

[سنيوره جده]

شكرا لكم على مروركم وافادتكم
اخي انا غير سعوديه عشان كذا مستحيل اتوظف في القطاع العام
فهمتني وجزاك الله خير على معلوماتك القيمه

[اخطرواحد]

اقول اعقدي العزم وتوكلي علي الله عندك اداره عامه ومسار عام حلو من واقع تجربه

[go2]

المشاركة الأصلية كتبت بواسطة سنيوره جده السلام عليكم... عندي سؤال محيرني اتمنى تفيدوني يااهل الخبره بالنسبه لمسارات الاداره العامه اي واحد فيهم يشمل القطاع الخاص اكثر ذا السؤال مهم بالنسبه لي جاوبوني ولكم مني خالص التقدير والشكر اختكم في الله _سنيوره_

السلام عليكم
اختي الكريمه
الادارة العامه هي ادارة حكوميه
والمسارات متقاربه
وبالنسبه للوظائف الحكوميه لا قيمة للمسار حسب علمي

وللقطاع الخاص اتوقع التنظيم والتطوير الاداري افضل

بالتوفيق
ابو تركي

[سنيوره جده]

ربي يسعدكم وجزاكم الله الف خير
بس من جد احترت
ربي يقدم االي فيه خير

[T@RIQ]

المشاركة الأصلية كتبت بواسطة سنيوره جده شكرا لكم على مروركم وافادتكم اخي انا غير سعوديه عشان كذا مستحيل اتوظف في القطاع العام فهمتني وجزاك الله خير على معلوماتك القيمه

هلا اختي ،،، والله اذا كنتي غير سعوديه ،،، نصيحه تبعدي عن الادارة العامه بجميع مساراتها افضل ،،، وبخصوص كلام اخوي ابو تركي عن مسار التطوير والتنظيم ،،، والله فعلا هو اكثر مسار قالولي انه يميل للخاص ،،، وانا اخترته في البدايه عشان الكلام هذا ،،، لكن بعدين ماوجدت دليل على هالكلام ،،، ووجدتها مجرد توقعات فقط لاغير ،،، وعشان كذا رجعت غيرت مساري ،،، لكن نصيحه اختي حاولي تشوفيلك تخصص ثاني ،،، بالتوفيق اختي

[ra7aall]

الاخت العزيزهـ :

ليس مستحيل العمل في القطاع العام بالنسبة لك ( غير سعوديه ) كثيرات الغير سعوديات ويعملن في القطاع العام خاصة في المستشفيات والمرافق والمراكز التابعة لوزارة الصحه ، ومن هنا تأتي لك الاشارة باختيار تخصص الادارة العامة مسار ( ادارة الخدمات الصحية والمستشفيات ) وهو تخصص رائع ومرغوب . وقليلات خريجات هذا القسم .

ومن الطبيعي والمعروف ان حوافز و رواتب العاملين في مرافق ومستشفيات وزارة الصحة
( الكادر صحي ) افضل من غيرها بكثير .

وهنا نقطة مهمه للفائدة : بالنسبة للاخوات المقيمات ( الغير سعوديه ) اذا كانت متزوجة من مواطن فانها تحصل على جميع الحقوق والامتيازات التي تحصل عليها المواطنه ، بما فيه الفرص الوظيفية والتحصيل العلمي والرعاية الصحية والاجتماعية ونحوهـ

ومن واقع حالة زميل لي : زوجته سورية وتعمل في مركز صحي تابع لوزارة الصحه

اما اذا كانت المقيمة آنسه غير متزوجه : فزواجها من المواطن يعزز فرصتها اكثر في الحصول على وظيفة حكومية ، وعلى اقل تقدير حصولها على الجنسية السعوديه بعد 5 سنوات فقط من تاريخ زواجها من المواطن

وعليه نقول ان من الانسب ( للمقيمة على وجه الخصوص ) التي تدرس بنظام الانتساب في كلية الادارة : اختيار مسار ادارة الخدمات الصحية والمستشفيات اكان الزوج مواطن او غير مواطن

ايضاً هذا المسار بامكانك الحصول من خلاله على فرص وظيفية في القطاع الخاص
بمعنى اوضح لا يوجد تخصص خاص بالقطاع العام او الخاص ،

والله الموفق ،،،

[سنيوره جده]

شكرا اخواني وجزيتم خيرا على افادتكم