أرجو افادتي خاصة من ( الأخوات ) اللي تم قبولهم

[ǁ غــلأآإ ، رٍوٍحــي ǁ]

السلام عليكم انا سجلت زوجتي والحمدلله تم قبولها ونسبتها 80 ، أدبي، بسس ما ظهر لنا موعد مقابلة في الاستمارة اللي طبعناها والآن بعد ما شفت مواضيعكم دريت ان المقابلات بدأت من السبت غريبة يسوون هالشي بدون ما يعطونا خبر ، انا تفقدت ايميلي وجوال زوجتي ما اعطونا رسالة ولا خبر فابي استفسر متى بيكون موعد مقابلتها واذا فاتنا هل نقدر نلحق عليه ؟ وبعدين لو ابي اودي زوجتي تستفسر منهم مباشرة ؟؟ وين مبناهم؟ بنفس الجامعة ؟؟ وانا فهمت منكم ان فيه فرع بالسليمانية وفرع بالفيصلية ، هل اللي بالسليمانية هو داخل الجامعة ولا وين بالضبط ؟؟ وبعدين وش المستندات المطلوب احضارها ، الشهادة الاصل بس ؟؟ معليش كثرت عليكم الاسئلة بس ياليت احد يفيدنا لاننا جالسين على اعصابنا والسنتين الماضية قدمت فيها زوجتي وما تيسرت لها ، وهالسنة تونا ( عرسان ) فضروري ابي اسجلها >> يبي وجهه يكون خير عليها افيدونا افادكم الله

أولآ الله يوفقك دنيى اخرهـ .. ويرزقكم الذريه اصآلحه ..

ثآنيا : تعرف إنها انقبلت أو لآ تدخل على ملفهآ الجآمعي اللي قدمت عليه
وتدخل كلمه المرور .. وتشوف وش كآتبين لهآ ..
لو كآن مكتوب ( طبىعه استماره الترجيع او تم تحديد موعد للمقابله ) ..
فقول لهآ مبروك بقبولهآ ولمن تطبع الإستماره مكتوب فيهآ الموعد والمكآن وكل شئ
أمآ لو كآن مكتوب ( وفقا للمعايير الأكاديميه ... الخ عند حآله الطلب )
فلم يتم قبولهآ إنتظآم ..

::


اي استسفآر انا جآهزهـ