بخصوص مواد السنة التحضيرية

[Maz.java]

السلام عليكم ورحمة الله

كيفكم شباب اش اخبااركم ؟

ابا اسأل عن موااد السنة التحضيرية اذا ممكن في أي طرييقة اني اقصر مدتها او اعدي بعض منها زي الانقليزي مثلا..

أكيد لو كان معايا توفل بدرجة معينة ما يحتاج ادرسها.. لكن كم الدرجة دي؟ وهل اقدر اسوي كدا ولا انا قاعد األف من راسي؟

والمااث.. ممكن في اختباار فبداية السنة يحدد المستوى ويشوف اش يحتاج ماث 1 ولا ماث 2 ولا ولا شي فييهم.. ما ادري احس كمان من كيسي ههههههههه

لكن انا اسأل لاني كنت ادرس في جامعة قبل كدا وسبتها وقدمت هنا.. والحمدلله انقبلت تحضيرية انتظام مسار علمي

فـ يعني عندي شويا ماث والحمدلله كتييييير انقلش.. وابغا اقصر التحضيرية بأي طريقة مافيا اخدها سنة كاملة

ياريت احد يفيدني بروابط او ارقام تلفون اسأل عن الشي دا لاني ضايع ولاني عارف اش اسوي

ويعطيكم الف عاافية شباب ...

سلام

[fat0om]

ماتقدر تأخذها الا سنة كاملة
مافيك تقصر
... الانجلش يسووون بداية السنة تحديد اختبار من 100 سؤال لتحديد المستوى
الماث مافي ماث 1 ماث 2 ... على طول تدرس رياضيات عامة
الحاسب اذا عندك شهادة icdl من اي معهد .. تقدر توديها ويعادلو لك هيا .. وماتدرس المادة
مواد السنة التحضيرية علمي هي ..
رياضيات عامة
كيمياء عامة
احياء عامة
فيزياء عامة
مهارات اتصال
حاسب ... هنا تقدر تعادل المادة
انجلش .. طبعا في البداية تحديد مستوى والمستويات من 1-5 او 6 ... وهيا المادة الوحيد اللي تدرسها في الترمين
كيمياء عامة
احصاء عامة
تقريبا هذي كلها
ونصيحة اخوية
ذاكر اول باول
ولا تسحب ع المحاضرات
لانك راح تندم بعدين
زي ماندمنا احنا
وبالتوفيق

[مـــآجد]

يمديك تعادل بس مادة الحاسب والانجليزي
الانجليزي بشرط انك تجيبي في التوفل 500 ع ماضن

بس نصيحتي لاتعادلي الحاسب والانجليزي
لانها تعرف المعدل
ودام عندك ع قولتك انجليزي كثيرررر
اكيد بتجيبي درجة عالية وترفعي معدلك فوووق

[البارود2007]

بالفعل مثل ما قال الأخ الماجد هذي كا مادتين مساعدة بالإضافة الى مهارات الإتصال

[Kaira]

رأيي من رأي كل إلي قبلي ^^
بصراحة مدام انك ماشاالله بيرفيكت في الانجلش لا تعادلو عشان يرفع من معدلك ^^
وازا انتا ماشاالله ممتاز في الحاسب خلاص لاتعادلو لأنو كمان حيرفع من معدلك هوة و مادة اسمها مهارات الاتصال ..
وطبعا المآث للأسف ماتقدر تعادلو لكن المادة جدا سهلة وممتعة مرة ونفس الي في الثنوي
ولو انتا شطور فيها كمان حتكون من المواد الي حترفع معدلك ..^^..

[Maz.java]

المشاركة الأصلية كتبت بواسطة fat0om ماتقدر تأخذها الا سنة كاملة مافيك تقصر ... الانجلش يسووون بداية السنة تحديد اختبار من 100 سؤال لتحديد المستوى الماث مافي ماث 1 ماث 2 ... على طول تدرس رياضيات عامة الحاسب اذا عندك شهادة icdl من اي معهد .. تقدر توديها ويعادلو لك هيا .. وماتدرس المادة مواد السنة التحضيرية علمي هي .. رياضيات عامة كيمياء عامة احياء عامة فيزياء عامة مهارات اتصال حاسب ... هنا تقدر تعادل المادة انجلش .. طبعا في البداية تحديد مستوى والمستويات من 1-5 او 6 ... وهيا المادة الوحيد اللي تدرسها في الترمين كيمياء عامة احصاء عامة تقريبا هذي كلها ونصيحة اخوية ذاكر اول باول ولا تسحب ع المحاضرات لانك راح تندم بعدين زي ماندمنا احنا وبالتوفيق

اممممم.. ويت يعني في اتنين كيميا عامة؟ ولا انتي كتبتيها مرتين بالغلط؟

والله يسعدك ع النصايح ان شالله دا اللي حيسير اكيد.. قيد سحبنا واكلنا على روووصنا الين ما شبعنا :)

المشاركة الأصلية كتبت بواسطة البارود2007 بالفعل مثل ما قال الأخ الماجد هذي كا مادتين مساعدة بالإضافة الى مهارات الإتصال

اوكي مساعدة مساعدة, لكن اذا ممكن تقصر فترة دراستي والله بصراحة ما حتهمني

المشاركة الأصلية كتبت بواسطة kaira رأيي من رأي كل إلي قبلي ^^ بصراحة مدام انك ماشاالله بيرفيكت في الانجلش لا تعادلو عشان يرفع من معدلك ^^ وازا انتا ماشاالله ممتاز في الحاسب خلاص لاتعادلو لأنو كمان حيرفع من معدلك هوة و مادة اسمها مهارات الاتصال .. وطبعا المآث للأسف ماتقدر تعادلو لكن المادة جدا سهلة وممتعة مرة ونفس الي في الثنوي ولو انتا شطور فيها كمان حتكون من المواد الي حترفع معدلك ..^^..

تسلميلي على رأيك يا عسل :)

هوا انا ما قلت اني بيرفكت فالانقلش لكن الحمدلله يعني مرررة يمشي حالي وما اتوقع اني حاحتاج ولا كورس من الكورسات حقت الجامعة

وفي الحاسب برضو نفس الشي شفت مفردات الكورس ووالله مرة معا نفسها مافيا ادرس كلام فاضي بالنسبالي يعني

أنا كان قصدي انو اذا اقدر لو عادلت المواد هادي سواء بشهادات أو اختبارات ترقية او اي شي, وما نزلولي هيا فالجدول وبقيت عندي ساعات فاضية

ممكن انزل شي من السنة اللي بعدها, الفرشمان؟ ولا حاقعد كدا بجدولي المخلخل زي ما انا وما بيدي شي؟

الله يسعدك يارب وتسلميييييلي :)

المشاركة الأصلية كتبت بواسطة مـــآجد يمديك تعادل بس مادة الحاسب والانجليزي الانجليزي بشرط انك تجيبي في التوفل 500 ع ماضن بس نصيحتي لاتعادلي الحاسب والانجليزي لانها تعرف المعدل ودام عندك ع قولتك انجليزي كثيرررر اكيد بتجيبي درجة عالية وترفعي معدلك فوووق

ماجد حبيبي أنا ما يهمني المعدل قد ما تهمني فترة الدراسة, المعدل عادي ارفعو بمواد تانية ما تفرق معاايا

لكن إذا كان في طريقة اني اشيل المواد دي من السنة الاولى واخد مواد من السنة اللي بعدها حيكوون شيي خياالي بالنسباالي, مررررة حارتاااااح

وعلى فكرة أنا ولد ^^"

.........


يعطيكم الف عااااااافية كلكم يارب, ومعلي دوبي اللي رديت بس ما كان عندي نت الين اليوم :)

الله يسعدكم كلكم يارب :)

[عميد الطلاب]

إنت تقول إنك درست في جامعة قبل كذا .. طيب المواد اللي درستها في شي يعادلها في التحضيري؟

إذا في شي يعادلها ودرجاتك فيه فوق 70 تقدر تعادلها
وبالنسبة للإنجليزي لو عندك توفل فوق 500 يتعادلك وترتاح منه
وبالنسبة للحاسب يتعادل بالرخصة الدولية

[Kaira]

طبعا لو عادلت المواد زي الانجلش والحاسب حيبقى جدولك فاضي ومخلخل على قولتك ^^
ماينفع تآخد مواد الي بعد الفريشمان ..

[Maz.java]

المشاركة الأصلية كتبت بواسطة عميد الطلاب إنت تقول إنك درست في جامعة قبل كذا .. طيب المواد اللي درستها في شي يعادلها في التحضيري؟ إذا في شي يعادلها ودرجاتك فيه فوق 70 تقدر تعادلها وبالنسبة للإنجليزي لو عندك توفل فوق 500 يتعادلك وترتاح منه وبالنسبة للحاسب يتعادل بالرخصة الدولية

انا درست في جامعة قبل كدا, وكان عندنا مادتين إنقلش في التحضيري, ومكان ما درست كانو بداية السنة يسوو إختبار انقليزي بحيث إنو اللي انقليزيتو تمام ما يحتاج ياخد الكورس الأول او حتى التاني حسب مستواه..
فـ من بداية السنة اخدت الاختبار وعديتها الاتنين ما درستها, يعني ما عندي فيها درجة
مكتوبة في الترانسكربت NP = No grade Pass
وباقي المواد ما اعتقد تتعادل مرة
لكن انا سؤالي يهمني لإني ابغا اقصر سنين الدراسة, وما يفرق معايا المعدل ان شالله مرفوع

معليش قرفتك بكلامي لكن مشي حالك كلو بأجروو الله يعطيك العاااافية :D

المشاركة الأصلية كتبت بواسطة Kaira طبعا لو عادلت المواد زي الانجلش والحاسب حيبقى جدولك فاضي ومخلخل على قولتك ^^ ماينفع تآخد مواد الي بعد الفريشمان ..

:( :( :( :( :( .. متأكدة من الشي دا؟

تسلمييييلي ومعليش متعبك

...

الله يسعدكم :)

[ǁ غــلأآإ ، رٍوٍحــي ǁ]

لو إنت توك بالسنه التحضيريه .
وعادلت الانقلش والحآسب ...
مآتقدر تاخذ ولا مآده من موآد السنه اللي بعدهآ ..
لأن ماتدري ايش راح تتخصص اصلا ..