تدرووون وش بسوي ؟؟؟ وش رايكم ؟؟

[sara_sweet]

السلام عليكم ..

اولا أتمنى تكونوا بخير وإجازة سعيدة ..

::

ما أطول عليكم ..


::


أنا من الطايف . . وأنهيت السنه الاولى (التحضيرية ) انتساب في جامعة الملك عبد العزيز

لهذا العام ...

بس معدلي : 2.99
وراسبة في الرياضيات والإحصااااء ..

::

المهم قررت :

أنقل من هالجامعة اللي تحطم الواحد

يعني ابي أحول لجامعة الطايف .. مليت غربة ومليت من الأسكان الخاصة ..

أبي أستقر..

::

الزبدة ... موعارفة وش أسوي ؟؟

_ كيف أحول من جامعة عبد العزيز لجامعة الطايف أو الباحة ..

أنا إنتساب وأبي أحول انتظام أقدر أحول لجامعة الباحة أو الطايف واحول انتظام ؟؟؟

_ وش اسوي بالنسبة لجامعتنا جامعة عبد العزيز ( اسحب اوراقي .. والا اسوي اخلاء طرف والا وش القصة ) ؟

..

..

بس هذي أسألتي .. والله يعافيكم

واللي عنده فكرة لايبخل بالرد... وماراح أنساه من دعواتي ..

أختكم || المحتاااآآآرة .

::

[أبو نايف 2009]

أهم شيء لا تسحبين أوراقك لين تتاكدين من أن التخصص متوفر في الجامعة الثانية وطريقة معادلة الساعات

وهل تقبلك الجامعة ولا لا وإذا قبلتك هل التخصص يقبلك ولا لا


يعني تأكدي من أمورك قبل لا تسحبين أوراقك وتصيرين مثل اللي ضيع صيده في عجاجه



وتقدرين تتصلين على عمادة جامعة الطائف للقبول والتسجيل وبيعلمونك بالتفصيل آلية التحويل للجامعة

[sara_sweet]

الله يسعدك يابو نايف ويخلي لك قرة عينك اللي بالصورة ...

شكرا لك من القلب على الرد السريع ...


بالنسبة للجامعة مايردوا يعني لازم اروح لهم بس ابي احد يجاوبني اذا عنده خبرة ومعلومات اكيد ه..

ثانيا أنا والله مليت من أنظمة جامعة عبد العزيز المحبطة .. وابي انقل بس

أخاف إن الانتساب مايقدروا يحولوا من جامعة لجامعة ... وإذا حولت وش بيصير في موادي اللي انا راسبة فيها ؟؟

وهل إنتهى مو عد التحويل من جامعة لجامعة ...؟؟

:::

والله ما ادري عن شي... تكفون ردوا وجاوبوني .. بالتفصيل ..

::

ومشكور بو نااايف مرة ثانية ..

[أبو نايف 2009]

والله ما أدري يا بنت الحلال


أنتي تبين رد سريع يعني كاش حاضر بـ حاضر


أنا راحت علي سالفة رسوبك في هالمادتين وفي هالحالة ما عندي علم بالطريقة في التحويل


بس شوفي خليني اكلمك بمنطق جامعتي اللي تخرجت منها وتوظفت كانت عندنا مواد في التخصص يسمونها أساسية ومواد تكميلية


الأساسية هي صلب التخصص لازم تجتازها بالدرجة المعتبرة المتعارف عليها 60 من 100
والتكميلية هي مواد مساندة لو تعثرت فيها ممكن الدكاترة يدفونك بكم من درجة بدون إعادة إختبار وإعادة تصحيح للورقة


ولأنك سنة تحضيرية فصعب أقولك هالمادة أساسية أو تكميلية حتى نقول يطرحونها عنك هناك لأن ممكن تكون أساسية ويقولون لازم تجتازينها بعدين نتفاهم معك


عشان كذا أقولك شوفي واحد مر عليه هالموضوع وإطلع عليه عن كثب أو إتصلي على الجامعة يا عبدالعزيز يا الطائف حتى يفيدوك

[المميــــز]

انا ماعندي خلفيه في التحويل صراحه
ولكن لدي وجهة نظر بقولك اياها
جامعة الملك عبدالعزيز الظاهر انها اسهل من غيرها لايغرك كلام الطلبه
مشكلتهم الوحيده اني اسمع بعض الطلبه يقولون انا جبت درجات وحليت صح ولا اعطوني درجاتي والكلام هذا موجود في كل الجامعات
حتى جامعة الملك سعود في الرياض اللي احتلت مركز متقدم على مستوى العالم العربي
ثانيا مثل ماقال اخوي ابو نايف لابد تكلمين الجامعه اللي بتحويل عليها
او انك تبحثين عن منتدى للجامعه اللي حابه تحولين عليها بتجدين فيه معلومات اكثر من هنا
فيه مثل يقول امسك جنيك لايجيك اجن منه
وربنا يوفقك وين مارحتي