مشورتكم ونصيحتكـــــــــــــــم لو تسمحونــــــــــ

[الحياه نايس]

السلام عليكم ورحمة الله وبركاته

حبيت اخذ استشاراتكم واللي عندوا تجربه ينصحني او احد يعرفو مر بنفس الحاله يقولي...

شوفوا <<متحمسه...
انا انقبلت بعد التسكين في كلية العلوم...علما انو رغبتي كانت في الطب بس مع السنه التعجيزي تأملت في العلوم الطبيه

المهم انا قدمت ع جامعة ام القرى وانقبلت بأذن الله في الطبــ
بس المشكله في المواصلات وكمان في ناس عيبولي فيها انو شهادتها مو معترف فيها عالميا وانو الدكاتره عندهم مش ولا بد

وفي نفس الوقت فكرت اكمل سنه في عزوز واحول على العلوم الطبيه
بس خايفه انو ما اجيب معدل وكذا.....

فياريت احد يقولي من وجهة نظره اش الافضل ....
علما اني مرررررررره مقهوره ع السنة اللي حتضيع لما اروح ام القرى


وشااااااااااااااااكره لكم مقدمــــــــــــــــــــــــــــا

[جمانه99]

نفس الحالة عندي كنت متامله بالطب وجاني الحاسب والحمدلله على كل حال بس انا مازلت ابغى طب وقدمت بام القرى وموعدي الاحد .. انتي تقولي انقبلتي طب كيف ومواعيد المراجعه طلعت امس
10-8 بلييز ردي لانك خوفتيني ... وادا على المشوار نروح ونرجع مع بعض بالباص ونتسلى بالطريق << اهم شي يتم القبول بس .. والمشكـــــــــــــــــــــــله اني خارج السعوديه
يعني الوضع عندي متأزم تتوقعو يستقبلو مامتي

[الحياه نايس]

يا ألبو كلامك صوووح ميه ميه
بس انا اتواصلت مع عميدة القبول في ام القرى وقلتلها عن نسبتي المكافأه وقالتلي ان شاء الله انك حتنقبلي في الطب
وانا كمان زيك تمام موعدي يوم الاحد عشان اقدم اوراقي....

بس والله لســـا محتاره اروح ام القرى او ابقى في عزوز واخد سنه في العلوم واحول بعدها
....
وع الباص ادا تعرفي باصات تمام قوليلي واديني ارقامهم.....

وع مامتك لو حابه انها تروح اتوقع مافي مشكله بس ترى موشرط تبلغهم انها مامتك ... ^ـ^

[R-Kh]

استخيري اول شي
العلوم كتير في البداية ما كانوا يبغوها
وبعد ما اتسكنوا فيها مشي حالهم وكملوا المشوار
لو انتِ حابه الطب كمجال صحي
في كتير اقسام علوم تشتغلي في مستشفيات وتتدربي فيها كمان
اما لو حابه الطب انك تبغي تكون طبيبة معالجة
فـ حولي لام القرى لو انقبلتي فيها
//
محا اكون حيادية
بس اغلب التشخيصات للامراض تكون عن طريق التحاليل اللي تتعمل من البيوكيميائين ;)
//
فكري وربنا ييسر امرك
وازا ع المشوار محا تفرق نص ساعة زيادة كل يوم في سبيل انك تحققي حلمك
..

[miss_meme]

يابنات انا الي اعرفو انو اي جامعة ماتقبل احد ازا كان يدرس في جامعة تانيه على الاقل لازم يكون 5شهور منفصل عن الجامعة وملفو عندو
لان ازا خرجت من الجامعة لازم تنختم شهادتك من وراء باسمهم وبالتاريخ وبالسبب
انا كدا سو معايا في جامعة الرياض
بليز قولولي صح الكلام دا
ولا بس في بعض الجامعات