أربع مراحل للحصول على مقاعد دراسية بجامعة الملك عبدالعزيز

[بحر الحرية]

المشاركة الأصلية كتبت بواسطة شتاء يختزن الرعود الله يجزاك خير أخوي بحر الحريه ولو سمحت عندي استفسار ثاني ذحين صرت لمن أدخل على صفحة أخويه يقولي وفقاً لمعايير الجمامعة يمكنك إعادة الترشيح وتحت عاطيني رغبة أخرى وأسماء الكليات (كلية العلوم والآداب بالكامل ورابغ وخليص وكلية المجتمع والمجتمع التأهليه) ولمن أختار تجيني أيقونه يقولي هل ترغب بتغيير رغبتك بالجامعة .. موافق أو إلغاء الأمر .. إيش معناته ذا الكلام .. أخويه قبل بالسنه التحضيريه بالجامعه ولا لا عشان كذا أعطوه خيارات لكليات ثانيه لاعادة الترشيح؟؟ أرجو إفادتي ..

أهلين أختي..

أنا ولد أخويه قبلوه دحين ومكتوب:

" لقد تم تحديد موعد مقابلة لكم برجاء طباعة استمارة المراجعة الموضح بها موعد ومكان المراجعة"

الوضع اللي صار معاكي دحين، مني متأكد منه إيش داا، لكن لا تستعجي وتعدلي الطلب، لأنه ساعات يغيرو آخر نسبة قبلو الطالب فيها، ومعدل ولد اخويه الموزون80.12%، وطالب تاني نسبته79.9 % ، وواحد تالت كمان نسبته 79.88 طلع لهم نفس العبارة اللي طلعت لولد اخويه..

ولين دحين ما تأكدت كم النسبة الي وقفوا فيها على قبول الطلاب الأولاد، لكن إنشاا الله أول ما اتأكد منها راح أكتبها لكم هنا..

وبرضوو أفضل إنك تتصلي ع العمادة قبل ما تعملي أي شي دحين..

بس اللي أتوقع إنهم ما قبلوه سنة تحضيرية بالملك بعد العزيز ف جدة، لكن يقدر ياخد سنة تحضيرية ف الخيارات اللي أدوكي هياا..

داا تفسيري للكلام اللي قلتيه، باقي عليكي تتأكدي بكرة من العمادة..

والله يكتبلكم اللي فيه الخير ياارب؛؛