®للأمانة يا من ظلمت/ي ◄الــــــواو► ولكي يطمئن ♥قلبك♥

[NisReEn]

أحمد المديد ..
ومن لديه وجهة نظر في المعدلات المرتفعه والمنخفضة ..
ريحوا راسكم وراسي !
لو أنا طلبت إنهم يخلوه لأصحاب المعدلات المنخفضة ،،
بيخلوه على طول لأصحاب المعدلات المنخفضة وبيسمعوا كلامي ؟
وانتم تصيروا مساكين وبتروح عليكم الفرصة يا حرام !

بالله خلوا منظوركم واسع شويه وخلونا " نفضفض " !
سويتوا لنا منها قضية .. وهي ما تحوج ..
أقول لكم هي من دحين يا حلوين ويا حلوات .. كلامي مجرد وجهة نظررررررررر تفيدني أنا ..
بالرغم من أني متأكدة مليون في المية وعارفه إنه كلامي راح يُقرأ ويرجع للصفحات الأخيرة وما راح يؤخذ بعين الاعتبار !

أستاذ عماد ..
ترى أنا فاهمة إنه الماجستير الخاص أبعاده أكثر من كذا وهو مخصص لأغراض تفيد فئات كثيرة [ موظفين - متخرجين - معدلات عاليه ومعدلات منخفضة ..... ]
لكن الواحد مو عيب يقول رأيه حسب ما شاهد من معاناة ..

وبالنسبة لك يا أخ أحمد .. فرصتك كبيرة " باللون الأحمر العريض على بالك أكشن "
ليه أنا قلت عنها كبيرة ؟
كفاية إنه عندك فرصة صباحي ومسائي كمان ..
أنا ما عندي فرصة إلا مسائي .. ولما أقدم ياخذوا الجيد جدا ويسيبوا الجيد ..
يعني رجعنا لفكرة الصباحي .. من وجهة نظري ..

إنت قدمت ست سنوات واترفضت .. وأنا مرتين .. وأختي ثلاثة .. ودحين محاضرة قد الدنيا ..
ما بيزعلني عدم القبول لأنه لا أنا ولا إنت ولا الجامعه قررنا ..
ربنا أراد ..
ما فرقت لإني مؤمنه ..
بس يفرق لما أقترح وكلكم تهبوا في وجهي بسم الله كأني ذبحت لكم أحد !

عشان كذا .. بغير اقتراحي اللي يقال أزعجكم واللي يقال إنه بيطبق اليوم
بلاش نقول احصروه على المعدلات المنخفضة ..
أنا أقترح " واقتراحي أنا حرة فيه وأقوله بعين قوية " :
لا تضعوا معدلات الجامعه في النسبة الموزونه ..

خليتها بالأحمر عشان لا تتعبوا وتدوروا ..
إذا لكم اقتراح ثاني حطوه ولا تقلقوني وتقولوا ليه قلتي وليه سويتي .. أقول اللي أقوله يوه !
أعيد وأكرر أبغى الشي اللي في صالحي .. بالرغم من أنه راح يدخل من إذن ويطلع من أذن ..
مسووين لي فها زعلانين و ملونين كلامي بالأحمر .. تنكتوا الظاهر ..
والله عالم مدري كيف !

وأخ أحمد طالما تم قبولكم طال عمركم إيش لك في كلامي ..

مسوي لي فيها تقرى بين السطور ومطلع لي كلمة كلمة وي عليك !

غريبين !!