انقبلنا ولكن........

[Kaira]

عدت من جديد ^^
د.رايق شوف بصراحة أنا ماكنت أحب الأسنان ولا الطب عموما لكن ماما هية الي تبغاني وحاطة الأمل كلو فية اني أحقق حلمها انو وحدة من بزورتها يدخلو طب عشان هية دكتورة أطفال وتبغانا زيها ..
أختي الي أكبر مني طب بشري بس موازي بس الحمدلله ماشية فيلو لكن ماما تبغى لو وحدة تانية تدخل وتفرح فينا
والحمدلله أرضيت ماما وقولتلها حأدخل خلاص طب
وقبل أيام التخصصات وووضع الرغبات تقريبا بأسبوع مدري ايش الي نزل على قلبي حب وراحة لطب الأسنان وقلت لماما اني قررت أدخل أسنان واستغربت مني مرة
لأني ماأحب الأسنان وكنت دايما أقول لو تقطعوني ماأدخل أسنان عندي عقدة منو من كتر ماني مداومة عند دكاترة الأسنان ^^" والآلام الفزيعة الي كنت أتألم منها
قالتلي طيب جيبي نسبة أول ونشوف >> وكانت تقولها وهية نفسها اني أكون بشري زيي زيها زي أختي ..
وكنت مصرة وأختي كانت تقوم الليل وتدعي اني أدخل بشري وأنا أدعي اني انقبل أسنان
والحمدلله أنقبلت وماني مصدقة إلى الآن ..
مع اني ساعات أسمع تريقة من هنا وهنا عن الأسنان واني كيف نستحمل نشوف أسنان غيرنا ومدري كيف
بس خلاص كلو في النهاية شغل لوجه الله مو عشان سمعة أو فلوس ..

والحمدلله أنا أحس اني لو دخلت بشري كنت حأتجنن لأني في الامتياز حأمر على كلللللل أقسام البشري ><"

نصيحتي لك
لا تهتم بكلام غيرك وأنا مرح أضيف شي من إلي قالو الدكاترة الي قبلي لأنو دا مستقبلك وانتا دخلتو بقناعة نفس وبقرارك الشخصي وبتوفيق ومن ربنا ودا الي كان كاتبو ربي قبل ولادتك ^^

والله يوفقك ويوفقنا كلنا يارب في التخصص
وللمعلومية انو سمعة كلية طب الأسنان أحلى وأحسن وأفضل كلية في جامعة الملك عبد العزيز كلها
ولهم كل الاحترام والقمة والرفعة ..
=)

[د.رايق]

المشاركة الأصلية كتبت بواسطة kaira عدت من جديد ^^

المشاركة الأصلية كتبت بواسطة kaira ><" نصيحتي لك لا تهتم بكلام غيرك وأنا مرح أضيف شي من إلي قالو الدكاترة الي قبلي لأنو دا مستقبلك وانتا دخلتو بقناعة نفس وبقرارك الشخصي وبتوفيق ومن ربنا ودا الي كان كاتبو ربي قبل ولادتك ^^ والله يوفقك ويوفقنا كلنا يارب في التخصص وللمعلومية انو سمعة كلية طب الأسنان أحلى وأحسن وأفضل كلية في جامعة الملك عبد العزيز كلها ولهم كل الاحترام والقمة والرفعة .. =)

ياسلام عليك والله من جد انو هذا الي كاتبه ربنا ......من قبل ولادتي إن شاء الله يارب واذا كان في شي ثاني ... الله يسر يارب


والله طيب تصدقين مرة سافر معاي واحد دكتور اسنان يقولي انو عندو اختبار بطب الاسنان بزماله ايرلنديه .... وانا ماأدري ايش السالفه ولا كنت افكر باسنان اصلا وهو جالس يشجعني .. وانا اقوله طيب طيب ...
فقلتله ليش دخلت اسنان .... قالي كل سي تبغاه تحصله في طب الاسنان .. حتى انو مافيه تعب ...
شوفي سبحان الله ايش دخلت ....(( اسنان )) يغير الله من حال الى حال

يلا يارب الله يوفقنا إن شاء الله