أي استفسار عن إدراة وتنظيم موارد بشريه هنا على طووووول بدون تردد :)

[spero]

السلام عليكم
فالبداية احب اشكرك اختي على جهودك الواضحة والملموسة
يعني ماشاء الله تبار الله كفيتي و وفيتي .. وربنا ييسرلك امورك فين ماكنتي


عزيزتي حابة اسألك .. بما اني الان خلصت تحضيري واتخصصت ادارة اعمال والحمدلله
وبازن الله الجدول راح يكون كالتالي

مبادئ محاسبة 101
تحرير كتابي
مبادئ الإدارة
مبادئ الاقتصاد الجزئي
مبادئ الاقتصاد الكلي
مقرر اختياري (مبادئ الإدارة العامة) أو ثقافة 2

ايش رايك فالجدول ؟ مريح نفسيا وذهنيا
المعدل الحمد لله تمام
تاني شي انا محتارة اخد مقرر اختياري لاني ناوية اعمل بنصيحتك اخد مبادئ ادارة عامة
وبعدها اخلاقيات عمل
أو
اخد ثقافة 2

هدا اول شي
تاني شي

ابغاكي تنصحيني فـ استاذات على حسب خبرتك في هادي المواد

تالت شي سامحيني حبيبتي بس من جد اخيرن حصلت احد يشفي فضولي ويجاوب على اسألتي

في رد سابق قلتي انو نسأل على استاذات يسهلو المواد في الصيفي
تقدري تفيديني شوية في هدا الموضوع ؟


مرة تانية اشكرك على تعاونك معانا وربنا يوفقك إن شاء الله في مسيرتك العملية