أخترت أدارة اعمال و اليوم رجعت الأيقونة و أفكر أغير :/ مساعدتكم الله يرضى عليكم

[كاسه]

زي ماني كاتبة في العنوان أنا عندي ولدين كلهم أعمارهم أقل من سنة و زي مانتو عارفين نقلت الكلية لرابغ :(

معدلي 4,5 و طموحي إدارة أعمال دولية بس القسم أتلغى من ضمن المسارات زي ما أنتو عارفين

أنا دحين بس بأعرف لو مثلاُ سجلت موارد بشرية و حولت أنتظام

1/ هل أقدر بعد المستوى الثالث أحول إدراة أعمال دولية ؟؟؟

2/ لو حولت أنتظام و إدارة اعمال دولية هل راح تكون الدراسة في رابغ و لا في جدة ؟؟

لاني ما راح أقدر على رابغ و أخاف الايقونة يشيلوها بليز ردو علي بسرعة ربي يسعدكم

[توليب *_^]

المشاركة الأصلية كتبت بواسطة كاسه زي ماني كاتبة في العنوان أنا عندي ولدين كلهم أعمارهم أقل من سنة و زي مانتو عارفين نقلت الكلية لرابغ :( معدلي 4,5 و طموحي إدارة أعمال دولية بس القسم أتلغى من ضمن المسارات زي ما أنتو عارفين أنا دحين بس بأعرف لو مثلاُ سجلت موارد بشرية و حولت أنتظام 1/ هل أقدر بعد المستوى الثالث أحول إدراة أعمال دولية ؟؟؟ ايوا لو جبتي معدل حلو تقدري تحولي لكن مو بنفس المستوى يعني المستوى الثالث موارد و الرابع ان شاء الله دولية 2/ لو حولت أنتظام و إدارة اعمال دولية هل راح تكون الدراسة في رابغ و لا في جدة ؟؟ ليت اقدر افيدك بس للآسف ما عندي اي فكرة لاني ما راح أقدر على رابغ و أخاف الايقونة يشيلوها بليز ردو علي بسرعة ربي يسعدكم

موفقة

[الــوان الـــطيف]

من جهة انك تحولي من موارد الى اعمال ايه تقدري باذن الله
ماعندك مشكله
وخلاص جده بحححح رحنا كلنا لرابغ

وللمعلوميه يقولووون ان الانتظام دراستهم راح تكون كلها بالانجليزي وصعبه

وماجابوا سيره الانتساب يارب يحنون علينا :(
موفقه اختي
والاستخاااااره اولا واخيرا

[أبو طاهر]

وجهة نظر الوان الطيف ,توليب جدا صائبة
أنا أضيف هنا أن البقاء في إدارة أعمال بصفة أمر ممتاز
بالنسبة لروحة رابغ ما أحد إلي الان يقدر يفيدك
بالنسبة لتحويل لإدارة أعمال دولية ما أظن أنك تقدري تحويلي لا ثالث ولا رابع ترم وأنتي أنتساب ,لكن إذا تحولتي أنتظام بالتأكيد ممكن .بس ما أنصح طالما في أسرة وأطفال بالانتساب
والله الموفق

[AMo0on]

الانتظام حلو حتي لو كان عندك اولاد ان شاءلله تقدري تنظمي بينهم
وتقدري تحولي ادارة اعمال دولية بعد ما تصيري انتظام

[كاسه]

مشكورين و الله

يعني اللي فهمته الكل أتنقل لرابغ :(

ربي يكتب الي فيه خير أقدر أحط عيالي في حضانة و أنظم وقتي بس و الله تعـــــــب

أنا كنت في أم القرى و سحبت عشان مشوار مكة جدة و دحين رابغ يارب عونك

ربي يسعدكم و يوفق كل من رد علي ربي يعطيكم العافية

[الانس]

ايش قررتي ياكاسه ؟ انا وضعي نفس وضعك تقريبا
ودي أحول انتظام بس متردده عشان أطفالي

[كاسه]

الي عرفته أن شهادة المنتسب لاتقبل في دوائر الحكومية

عشان كذا راح أحول أنتظام لازمـ بإذن الله

بس المشكلة تعب رابغ ربي يكتب لنا الي فيه الخير

تركت الخيارات كما هي :)

[AL_HATTAN]

تقدري تحولي انتظام اذا معدلك حلوو ان شاء الله .. وتقدري تحولي لمره واحد فقط بين المسارات ..

وكليه اداره اعمال بجده اتحولت الى اكادميه اداره اعمال .. وصارت كلها بالانجليزي وشغل محترم يعني مو زي دحين سهاله ومشي حالك ..

وفي كليه رابغ .. فيها تسويق .. وموارد بشريه واحتمال يفكوو اقسام ثانيه بإذن الله ..

بالتوفيق ياارب

[الانس]

يعني حتى الانتظام دفعه 08 رح ينتقلوا الى رابغ ؟